Thành phố Sơn La nhiv kruôr tsưr tsix hêik pâuz xã Chiềng Đen tax ploz tsênhr uô tiêr cxiv tsa jêx jok yiêz ntu 2. No zos xã tiv pêz nhoz thành phố Sơn La uô tiêr cxiv tsa jêx jok yiêz.

Txix ciês thâuv piz kriz uô tsaz yênhx cxiv tsa jêx jok yiêz, Đảng ủy, chính quyền cxuô cấp thiêz pêx xênhv xã chiềng Đen tưz sir jos yax kriê, hêik sơưr đơưk pâuz txos kror liv hâur cxiv tsa jêx jok yiêz thiêz tâu pêx xênhv thôngx ziv cxaz chuôz sêiz lax, paz đas jos chiê uô tiêr tâu cxuô luôs hâux lưv tso tơưv. Đros tas nro pênhr yưv uô muôx 19 tiv đêiv ntâu, hâur co, pêx xênhv gôngr côngv muôx 6 tiv đêiv ntâu, muôz muôx 10.000 ntâu yiv ndis ar. Đhâu 5 shông kriz uô, txos nhiv no xã Chiềng Đen tưz uô tiêr 19 luôs hâux lưv lơưr bộ tsưr ziv jêx jok yiêz, zos xã tiv pêz nhoz thành phố tâu cungz jênhv uô tiêr cxiv tsa jêx jok yiêz./.

(Hoàng Long-Lik thox cxêik nhênhv)

Hnuz 23/12, ntơưv jok Bến, xã Việt Hồng, huyện Trấn Yên, tỉnh Yên Bái, Phòng Cảnh sát qênhz yuôx têx nênhs fêv nhiês zuôr muôs, uô luôv zax zênhz, Công an tỉnh Yên Bái tưz ntêk tâu Zax A Đua, xênhz shông 1979, nhoz ntơưv jok Thung Mận, xã Hang Kia, huyện Mai Châu, tỉnh Hòa Bình nhiês zuôr muôs, uô luôv zax zênhz”. Têx chuôz zênhx sâu tâu muôx 20 poz zênhz đơưz, 380 njiêr yuôx shơư zênz, đros trâu iz cxiê chuôz zênhx txơưr đuô cik txos. Ntơưv Cơ quan qênhz yuôx, Zax A Đua krêz lênhk tiêk, nhav uô jos thâux gra chor zax zênhz no trâu Sao Xênhv Muôk (muôx iz luz bê hu txơưr zos Y Tsu Xênhv Muôk), nhoz ntơưv jok Thung Mận, xã Hang Kia, huyện Mai Châu, tỉnh Hòa Bình txix jok Lóng Luông, xã Lóng Luông, huyện Vân Hồ, tỉnh Sơn La lok trâu huyện Trấn Yên, tỉnh Yên Bái đros thiêz 60 tsov đeiv. Nhiv no txuz plâuz co tsenhv tror tâu qênhz yuôx, uô tsênhz mênhx./.

(Tuấn Xuân-Riê Lâux cxeik, nhênhv)

Đhâu iz ntu ntêr sêiz kaz, hnuz 23/12, phongx cảnh sát qênhz yuôx nênhs phamv cxâuv lok zax zênhz Công an tỉnh Điện Biên sik côngv đros chor lưx lươngv txơưx jênhv Bộ Công an tưz uô tâu yênhx côngz chyuên án 917T, cxov tâu 3 lênhx nênhs muôl muôs tsik zos chêi tsơưr zax zênhz, sâu tsês chor zax zênhz ntâu tiv zix txix thâuv ntêx txos nhiv no nhoz tỉnh Điện Biên.

Thâuv 2 six 30 phênhz têik cik sơưr nzor hnuz 23/12 ntơưv thax tsav xã Huổi Lèng, huyện Mường Chà, phngxx cảnh sát qênhz yuôx nênhs phamv cxâuv lok zax zênhz Công an tỉnh Điện Biên, cxov tâu 3 lênhx nênhs zos: Lý Chái Thào, 53 shông; Lý A Khoa, 41 shông, Vàng A Cho, 36 shông sik đros nhoz ntơưv xã Na Sang, huyện Mường Chà, tỉnh Điện Biên tsênhv muôl muôs tsik zos chêi tsơưr zax zênhz. Têx sâu tâu zos 77 thôngx zênhz đơưz, hnhar xar muôx 30 cir thiêz 60.000 luz yuôx zax zênhz, hnhar 5,5 cir, 3 luz yêz mêir, 3 luz điện thoại. Chor nênhs co tưz liv zôngv muôx ntux lok tê, huôz tsâuk, ntux no chiê khiêr gâuv. Taz sik, tổ congz xưv tưz sir jos cxov tâu cor nênhs co./.

(Vũ Lợi-Lik thox cxêik nhênhv)

Thâuv 12 six iz tas hmo hnuz 23/12, ntơưv thax tsav ntus đriv jê tuk ndêx cxok kuôk cêv đriv têz số 107 (2), nhoz jok Pạc Po, xã Bản Lầu, huyện Mường Khương, tỉnh Lào Cai, zênhx pênhz phax Bản Lầu tổ côngz xưv qênhz yuôx qênhz pov iz luz yêz taxi tsênhv  txix đriv têz lok hâur thax tsav, seiz jông xưk li zôngx ziv muôx têx tuk tsi uô cxâuv.

Đhâu thâuv cov đrêk yêz qênhz yuôx, Tổ qênhz yuôx qênhz pov sâuv yêz thâux iz thôngz, saz hâur muôx 16 thôngx fov ntơưr, lo chiv ntơưr Trung Quốc, hnhar xar muôx 20 cir. Lênhx nênhs tsar taxi zos Nguyễn Văn Hồng (txir nênhx, xênhz shông 1971), nhoz ntơưv jok Tào Giàng 2, xã Lùng vai, huyện Mường Khương, tỉnh Lào Cai. Hồng krêz lênhk tiêk, hur si chor fov ntơưr co zos 2 lênhx nênhs txơưr đuô, thâuv hla đhâu đriv têz muk saz Trung Quốc zuôr lok thiêz ntiêr Hồng thâux, thâuv tsênhv lok txos tos cêr txơưv trâus qênhz pov thiêz ntêk tâu. Nhiv no, txuz plâuz heik co tsênhv tror tâu lưv lươngv muôx vax huôv qênhz yuôx, uô tsênhz mênhx./.

(An Kiên-Riê Lâux cxeik, nhênhv)