Uô lơưr Nghị quyết jiês cơưv tiv 11-HĐND tỉnh Yên Bái khóa 18, hâur shông 2019, tỉnh Yên Bái zuôr uô siv chiê lok uô cê Văn phongx đoanx têiv plor Côx hôiv, Văn phongx Hôiv đôngx nhân dân thiêz văn phongx ủy ban nhân dân. Văn phongx đoanx têiv plor Côx hôiv, Hôiv đôngx thiêz Ủy ban tỉnh Yên Bái zos cơ quan hành chính têz qơưk iz zav li cấp tiv phaz, nhoz Ủy ban tỉnh, muôx txơưx jênhv hêik pâuz, phưx vưv Đoanx têiv plor Côx hôiv, Hôiv đôngx thiêz Ủy ban tỉnh li huôx tôngv. Chor văn phongx no muôx 12 phongx uô hâux lưv thiêz taz viv zuk sêiz car, đros tas nro chor nênhs uô hâux lưv zos 159 lênhx nênhs (txix shông 2019 txos shông 2021 zuôr tso so muôx 33 lênhx nênhs)./.

(Đinh Tuấn-Lik Thox cxêik nhênhv)

Tas cik hnuz 24/12, Bộ chỉ huy Bôv đôiv pênhz phax tỉnh Lào Cai tsưr tsix jiês yax kriê lok tsưr qênhx đriv têz thiêz phax tar têx nênhs fêv zuôr muôs lênhx nênhs trâu iz cxênhz ntâu lênhx shux xênhz ntơưv TP Lào Cai. Hâux lưv yax kriê tsưr tsix hâur yar tiêx tsêr cơưv cxênhx 3 sôr 1 TP Lào Cai. TP Lào Cai zos TP ntus đriv, nhoz buôk huyện Hà Khẩu, tỉnh Vân Nam, Trung Quốc, no cux zos thax tsav cuz nxor lok sâuv zuôr muôs lênhx nênhs đhâu ntus đriv. Trơưk li thôngz sâu, hâur shông 2018, bôv đôiv pênhz phax Lào Cai tưz lênhl tok thiêz chơưv paz tâu 63 lênhx nênhs trâul têx nênhs fêv nziêk đas muôs tror lok đros chuôz zis nhoz uô nênhx, têx lênhx trâus chor nênhs fêv nziêk đas muôs co puôr lênhx zos pox niêv, lok six hluôk, hnuz nhôngs txix 14-24 shông. Hâur têx lênhx trâus nziêk đas muôs, muôx tsi tsơưs lênhx zos shux xênhz tsênhv cơưv ntơưr hâur têx tsêr cơưv, trâus chor nênhs fêv zôngv ntâu faz tsưr ziv hâuz nziêk li: Siz pâuz hâur Facebook, Zalo chiê uô fôngx zưs, uô gâux uô đrâul jông, mav muôz muôs trâu luôs lưv tuk txơưr đuô...../.

(An Kiên-Riê Lâux cxeik, nhênhv)

  Shông 2018, sâuv thax tsav tỉnh Lai Châu muôx yưv 65 txuz txiêz nanv zoz thôngz, uô 52 lênhx nênhs tuôs, 72 lênhx nênhs trâus saz, hâur co muôx iz txuz lok six phiv liv, uô 13 lênhx nênhs tuôs, 3 lênhx nênhs trâus saz. Đros phiv liv lok txiêz nanv zoz thôngz sâuv thax tsav, tỉnh Lai Châu tưz muôx ntơưr hêik chor lưx lươngv chuôz cxaz uô têx tsưr ziz taz por ngaz tuk zoz thôngz hâur jiês tsiêz zax lix thiêz tsiêz zênhz lix shông 2019. Đại tá Nguyễn Văn Luy, Trưởng phongx cảnh sát zoz thôngz, Công an tỉnh Lai Châu puz pâuz:

“Lưx lươngv cảnh sát zoz thôngz tưz muôx iz chuyên đề, txix ciês hli 11/2018 tưz chuôz cxaz qênhz yuôx, xưv lik truôx chor yêz tsik taz por ngaz tuk kỹ thuật, yêz tas hax sir zôngv…Đhâu shông 2018 muôx yưv txuz txiêz nanv zoz thôngz cik txos yêz kruô mak pêz pov tâu têx phiv liv muôx yưv lok six hnhar”./.

(Khắc Kiên-Lik Thox cxêik nhêhv)