Hnuz bâux xêir têiv plor Côx hôiv khóa 15 thiêz Têiv plor Hôiv đôngx cxuô cấp, ntu 2021-2026 ntơưv têx tỉnh Tây Bắc zos Sơn La, Lai Châu, Lào Cai, Điện Biên, Yên Bái tưz tâu uô tiêr jông, đros chor cử tri tuôx tso ntơưr chôngz, ntâu luz tỉnh muôx 100%. Đros tsôngv box nhoz ntơưv no, iz đêiv ntơưr bâux zos iz siêz njênhs njôngr, vav txos chor nênhs tâu xêir tsov, chor têiv plor tâu bâux xêir zuôr sir jos, moz siêz paz trâu Tây Bắc uô tiêr tâu côngz xưv txo grêk cêr yêiz pluôs, paz trâu têz qơưk ziv hnuz ziv huôv tsar. Zơưv Dương Đức Huy, Trưởng Ban Tuyên giáo Tỉnh ủy Lào Cai puz pâuz: “Pêz vav tiêk chor nênhs tâu bâux xêir zuôr uô truôx jông zuk têx hâux lưv, tsưr ziv uô tưz tso tơưv; thôngx cxix moz siêz txos sơưr đơưk luz nênhx cux xưk li sâuv cxuô kror chiê  cxuô lênhx nênhs li siêz xar, tiv zix zos tsôngv box mênhx cxưx tsơưs nênhs tâu xa txos trâu chor cơ quan muôx vax huôv pâuz, txix co paz đơưk tu cxuô kror trâu pox nhuôs cov huv trơưk siêz xar; txix co muôx têx tsênhv chêi tsênhv tsênhz đuô, paz trâu têz qơưk huôv tsar đuô”./.

(Thu Thùy-Lik Thox cxêik nhênhv)

Txos 12 six tar su hnuz 24/5, tỉnh Điện Biên tror sâu jênhv cxaz 2 lênhx nênhs trâus moz covid-19 ntơưv huyện Nậm pồ. 2 lênhx nênhs no uô ntêx co tưz tâu cêv kuôk chêx chôngk thiêz njuôs xav tsi cik moz hâur côngv thôngx. 2 lênhx nênhs trâus moz yiêz no puôr lênhx nhoz xã Si Pa Phìn, huyện Nậm Pồ. Li ntơưv xav cxôngx hnuz xiêz 7/5 txos nhiv no, tỉnh Điện Biên tưz muôx 54 lênhx nênhs trâus moz Covid-19 ntơưv 4 tiv phaz zos huyện Điện Biên, Nậm Pồ, thị xã Mường Lay thiêz niêv đrôngs Điện biên Phủ.

Cxôngx qênhx shênhx moz muôx têx txơưr txar sâuv thax tsav xã Si Pa Phìn, hâur 2 hnuz 24-25/5, tsênhv qơư y tế huyện Nậm Pồ tưz njuôs siv 4000 lênhx nênhs ntơưv xã Si Pa Phìn, lưx lươngv uô hâux lưv ntơưv têx qơư cêv kuôk chêx chôngk sâuv thax tsav xã, chiê txu grês thiêz phax tar moz cik đêz đar hâur côngv thôngx./.

(Vũ Lợi-Txâur Vax cxeik nhênhv)

  Hnuz 24/5, Ủy ban Qênhz yuôx Tỉnh ủy Sơn La hêik pâuz hâux lưv qênhz yuôx sêiz shuôk kỷ luật đros thiêz đảng viên uô cxâuv cik txos hâux lưv zuôr têx chuôz zênhx y têr shông 2019. Lơưr hêik pâuz, shông 2020, đhâu thâuv cơ quan muôx vax huôv pov muôx têx uô cxâuv hâur jiês zuôr têx chuôz zênhx y têr nhoz Sở Y têr, Thường trực Tỉnh ủy Sơn La tưz chox kriê qênhz yuôx nriêr pâuz têx uô cxâuv đros thiêz 8 lênhx đảng viên cik txos tsưr tsix kriz uô kror hâux lưv no. Đhâu qênhz yuôx, nriêr pâuz, Công an tỉnh Sơn La tưz khởi tố pos Nguyễn Thị Kim An, kuz giám đốc Sở Y têr tỉnh lok kror cxâuv tsik uô jông sêiz shuôk chiê uô muôx yưv têx phiv liv zov chênhr. Zơưv Sa Văn Khuyên, kuz Phưv Giám đốc Sở Y têr thiêz 2 lênhx cán bộ txơưr cux lav trâus cxov cơư tux. Ban Thường vụ Tỉnh ủy tưz tso pos Nguyễn Thị Kim An thiêz zơưv Sa Văn Khuyên, pos Bùi Thị Hoa, kuz Trưởng phòng kế hoạch tài chính, Sở Y têr; zơưv Mai Anh Tuấn, kuz chuyên viên Sở Y têr tơưv đhâu tsik nhoz hâur Đảng tiv tsik uô jông sêiz shuôk hâur côngz xưv sêiz car thiêz cxoz txưv uô zuôv têx chêi txưr hâur hâux lưv đấu thầu.

Đrâuv chor cán bộ hêik co, tỉnh Sơn La tưz kỷ luật khiển trách lok saz Đảng đros thiêz zơưv Lê Hồng Minh, Phưv Chủ tịch UBND tỉnh. Thủ tướng cux kỷ luật zơưv Minh txix tsưr ziv khiển trách. Oz lênhx cán bộ văn phòng UBMD tỉnh Sơn La zos zơưv Vũ Ngọc Hải thiêz Lê Tiến Quý trâus Ủy ban qênhz yuôx Tỉnh ủy xưv lik kỷ luật cảnh cáo./.

(TTTB-Lik Thox cxêik nhênhv)

Ntux lok nas lox ntơưv ntâu tiv phaz sâuv thax tsav tỉnh Lào Cai uô ruôr hiêv ntâu.Thôngz sâu đhâu tso pov, muôx 45 luz tsêr nhoz phường Cốc Lếu, TP Lào Cai trâus đêx nas thiêz ar cxuz lok hâur tsêr.

Đrâuv co, ntơưv huyện Mường Khương, ntux nas chuô tưz uô ruôr hiêv tsôngv box nôngx mênhx ntơưv xã Tung Chung Phố li 3 hecta ntâu poz cưk. Jiês ntux nas muôx yưv thâuv 7 six tsâus ntux, thâuv zuôr xar 500 cxênhz cử tri nhoz Lào Cai tưz uô tiêr hâux lưv tso ntơưr bo xeir. Taz sik, ntux nas lox cux uô iz cxiê tiv phaz trâus pôngz tênhv tênhz, uô zênhr shar txos hâux lưv qênhz ntơưr bo xeir thiêz xa xor mông. Yuôr tas nro hâux lưv bo xeir mak puôr lênhx tâu taz por, uô trơưk cui tênhv./.

(An Kiên-Txâur Vax cxeik nhênhv)