Tỉnh Sơn La muôx zuôr xar 50 cxênhz ziv chuôz zis tsuv tâu cungz ntơưr muôx qênhx sir zôngv ar jiês xuz thơưx. Taz sik txos nhiv no, nhiv kruôr uô tâu ntơưr trâu xar muôx 38 cxênhz ziv chuôz zis, tsav muôx 76%. Lơưr ntâuk gri, kror ntâu ziv chuôz zis tsik tâu muôx ntơưr muôx qênhx sir zôngv ar uô trâu qênhx shênhx siz pênhr, sik txênhz ar ntơưv tiv phaz phiv liv đuô. Zơưv Phạm Văn Thi, Phưv giám đốc Sở Tài nguyên thiêz Tênhv qơư tỉnh Sơn La puz pâuz, tsênhv tsênhz tỉnh Sơn La chor jiês njiz pêx xênhv, muôx txos 90% chor txuz zos nus, siz pênhr cik txos đêx ar:

“Nhiv no nganhx Tài nguyên Tênhv qơư tsênhv bax nênhs chiê khưx phưx têx phiv liv. Uô ntêx, UBND chor huyện tsuv yax kriê trâu pêx xênhv pâuz tsênhz đuô lok têz qơưk li cui tênhv cungz ntơưr muôx qênhx sir zôngv ar thiêz chor ziv chuôz zis li qênhx liv, jênhv vưv đhâu thâuv tâu cungz ntơưr muôx qênhx sir zôngv ar. Tsuv muôx tsưr ziv uô tsênhz mênhx ntơưv têx tiv phaz mak thiêx cêir chêx tâu”./.

(TTTB-Lik Thox cxêik nhênhv)

Trơưk li Chi cục por hưv đrox tsuôs tỉnh Điện Biên heik pâuz, nhiv no sâuv iz cxiê liêx têz uô blêx chiv ntux tsâus yiêz 2019-2020 ntơưv TP Điện Biên Phủ thiêz huyện Điện Biên Đông qir pov muôx têx caz hmoz tho nox uô ruôr hiêv blêx. No zos jiês xuz thơưx tỉnh pov muôx chor caz hmoz no tho nox uô hiêv têx blêx liêx. Chiê seiz car, phax tir thêir tâu jông tsi muôx caz hmoz tho nox uô hiêv têx blêx chiv ntux tsâus yiêz 2019-2020, Sở Kôngz nuv thiêz huôv tsar tox siêz heik cxuô huyện, thị xã, TP bax tsưr ziv qênhz yuôx, seiz kaz, qênhz pov, kuôk cêv, qênhz shuôs têx caz hmoz nox uô ruôr hiêv blêx. Fuô uô têx faz tsưr ziv phax tar trơưk li cơ quan lês car uô đreiv luôs hâux lưv co li heik kriê; yax mông, kriê tsôngv px fmông qir huv đros chiê paz têx blêx hloz lox jông, tsi trâus caz hmoz tho nox uô ruôr hiêv./.

(BĐB-Riê Lâux cxeik, nhênhv)

Mù Cang Chải zos huyện tox siêz txov nhêv tiv zix nhoz tỉnh Yên Bái đros chôngz tsôngv box mênhx cxưx tsơưs nênhs uô nênhx nhoz, hâur co tsôngv box Hmôngz tsav muôx 91%. Tsôngv box Hmôngz nhoz Mù Cang Chải muôx ntâu cêr nênhx vênhx huôv jông, hâur co hâux lưv uô ntâu trâur lâus zos iz vênhx huôv jông. Shông 2019, UBND tỉnh Yên Bái tưz muôz ntơưr côngz jênhv jêx jok uô ntâuz trâur lâus jok Dề Thàng, xar Chế Cu Nha, huyện Mù Cang Chải. Nhiv no, hâux lưv uô ntâuz trâus lâus tưz tsik zos paz tuôr chiê têx vênhx huôv jông cxôngx nzor mak tsênhv paz muôx hâux lưv uô, gra siêz phênhv sâu trâu pox niêv mênhx cxưx tsơưs nênhs. Lơưr pos Lương Thị Xuyến, Phưv chủ tịch UBND huyện Mù Cang Chải, huyện tsênhv njuôk xav uô ntâuz trâur lâus zos tsưr ziv uô đros têx hax huv du lịch sâuv thax tsav. Chiê paz tuôr chiê vênhx huôv jông mênhx cxưx, huyện chox kriê têx taz viv tsêr cơưv ntơưr, cơ quan têx hnuz ntênhk, tsiêz mak hnar zuk mênhx cxưx têx tsôngk trik yo jông jav./.

(DTMN-Lik Thox cxêik nhênhv)

Txeik tâu Công an quận Lê Chân mông heik pâuz, TP Hải Phòng tsênhv yơưz phơưz, zok ntêk iz lênhx nênhs Hmôngz, khiêr tuôx mul trơưk saz Hà Nội-Điện Biên, cik txos txuz nhiês zuôr muôs, uô luôv zax zênhz đros thiêz têx chuôz zênhx sâu tâu zos 16 cir zax zênhz poz jêz, 2 poz zênhz đơưz, zuôr xar 2 cir ketamin thiêz 6 cxênhz njiêr yuôx shơư zênhz đros trâu ntâu zav chuôz zênhx txơưr đuô cik txos. Thâuv tsênhv uô hâux lưv qênhz yuôx sâuv txox cêr lox sôr 6 nhoz thax tsav jok Pa Kha, xã Lóng Luông, huyện Vân Hồ, tỉnh Sơn La, tổ côngz xưv nhoz Đội Cảnh sát zoz thôngz sôr 1-Phongx Cảnh sát zoz thôngz, Công an tỉnh Sơn La tưz qênhz pov thiêz ntêk tâu ntơưv qơư Chìa Xênhv Zax, xênhz zus shông 1995, nhoz ntơưv jok Huổi Hạ, xã Nà Sang, huyện Mường Chà, tỉnh Điện Biên tsênhv khiêr gâuv trâu sâuv luz yêz kruô lol muk tỉnh Điện Biên, no zos lênhx nênhs trâul lưv lươngv Công an TP Hải Phòng yơưz phơưz, zok ntêl, tsênhv taz tov khiêr lok mul trâu Điện Biên. Nhiv no đội Cảnh sát zoz thôngz sôr 1-Phongx Cảnh sát zoz thôngz Công an tỉnh Sơn la tưz choz zok lênhx nênhs heik sâuv trâu Công an quận Lê Chân, TP Hải Phòng chiê tror qênhz yuôx, uô tsênhz mênhx./.

(TTTB-Riê Lâux cxeik, nhênhv)