Muôx têx kror jông ntơưv qơư chiê huôv tsar ju lix, huyện tox siêz Mù Cang chải, tỉnh Yên Bái tsênhv chêx chôngk cxiv tsa têx xiv huv ju lix, krêz têx phêv thảo, thor ziv chênhv chuyên gia, têx chiz coaz ban nganhx, têx taz viv uô ju lix, sir jos nzor yênhx huyện ju lix.

Zơưv Nông Việt Yên, Bí thư huyện Mù Cang Chải puz pâuz: Đros qơư tsov txos “huôv tsar ju lix njuôz, jông, taz por” huyện tưz tsưr tsix thor ziv chênhv cxaz chuôz cxiv tsa đề án “Cxiv tsa huyện Mù Cang Chải yênhx huyện ju lix ntu 2021-2025, ndar txos shông 2030”. Hâur co, têx ziv chênhv cxaz chuôz puôr lênhx thôngx ziv đros huyện li chủ trương zos huôv tsar ju lix reik đros tuôr tsês têx phongz cxưx chax chês jông, por vêv tênhx qơư, tsi huôv tsar uô ruôr hiêv txos tênhx qơư, têx zênhx muôx ntơưv qơư..../.

(Đinh Tuấn-Txâur Vax cxeik nhênhv)

Nhiv kruôr đhâu, heik ntơưv jiês uô hâux lưv đros tỉnh Sơn La, pos Trương Thị Ngọc Ánh, Phưv Chủ tịch Ủy ban T.Ư MTTQ VN tưz sâu jênhv, ntâuk grê siêz Ủy ban Bâux xeir tỉnh thiêz Ban Thường trực Ủy ban MTTQ VN tỉnh Sơn La têx luôs hâux lưv uô tâu jông hâur fuô kriê uô têx nuv bâux xeir đại biểu Côx hôiv khóa 15 thiêz đại biểu HĐND cxuô cấp six cxiv 2021-2026. Lar heik, Ủy ban bâux xeir tỉnh Sơn La tror hux jos jông đros uô têx hâux lưv heik sâuv; chox kriê uô jông hâux lưv tsưx phưv truôx thax tsav qơư nhoz thiêz zuôr cử tri ntơưv qơư li ziv chênhv trâu chor nênhs tâu kriê bâux xeir uô đại biểu Côx hôiv thiêz đại biểu HĐND. Iz chas ntơư, tsuv cxơưz tiês yax kriê lok sâuv jiês bâux xeir; gra siêz chor txir ndâux txir luk hâur tsôngv niêv txir lax px nhoz li pưs txux reik đros nriêr pâuz cxuô lênhx px sđ ntơưv qơư têx tsưr ziv, siêz xar./.

(TTTB-Riê Lâux cxeik, nhênhv)

Hnuz đhâu 25/3, Đoàn hluôk nênhs cộng sản HCM tỉnh Điện Biên tsưr tsix chiv nhênhv 90 shông hnuz yênhx lix đoanx hluôk nênhs cộng sản HCM (26/3/1931-26/3/2021). Phuôx plov ntơưv ntênhs, đrâuv sâu jênhv thiêz ntâuk grê siêz têx tsưr tsix đoanx, tỉnh li têx phongz yaox hluôk nênhs li têx chêx cuk, gôngr côngv ntu đhâu, zơưv Mùa A Sơn, Phưv bí thư Thường trực tỉnh ủy Điện Biên jông siêz đros đoàn viên hluôk nênhs li chinhz yênhx uô ntêx nyuôk, xar tơưv jông, tuôr truôx pưs txux zos đội quân uô ntêx nyuôk cơưx mênhv, truôx siêz jênhv thiêz uô tiêr jông cxuô jênhv vưv, gôngr phênhv uô zênhx liv têx qơư tsov txos mak Nghị quyết Đại hội Đảng tỉnh Điện Biên jiês 14, six cxiv 2020-2025 thiêz Đảng li Đại hội tas nro têz qơưk jiês tiv 13 tso tơưv..../.

(Vũ Lợi- Txâur Vax cxeik nhênhv)

Sik tưr uô têx hâux lưv jông hơưv chiv nhênhv 90 shông Hnuz yênhx lix Đoanx hluôk nênhs Cộng sản HCM 26/3, cxuô cấp bộ Đoanx thị xã Sa Pa (Lào Cai) muôx ntâu hâux lưv uô tsênhv tsênhz thiêz jông, phênhv ntâu zos hâux lưv cxiv tsa jêx jok yiêz, por hưv tênhx qơư, phax tir thêir ntux txơưr txar; têx nuv txiv ngaz XH, viv đas jos côngv thôngx..... Hâur co, chor tuz nxeik hluôk thị xã sik đros chos tâu 6.735 tsoz ntông njuôz, cxiv uô yiêz, kho đuô 14 côngz trênhx qơư uô si ntơưv 16 xã, phường; đas cir paz max 80 chuôz zis hluôk nênhs muôx luz nênhx txov nhêv; đros trâu uô ntâu luôs hâux lưv txơưr đuô paz max têx jêx jok, chor tsêr cơưv ntơưr......./.

(Báo Lào Cai-Riê Lâux cxeik, nhênhv)