Nas hmo, Phưv chủ tịch têz qơưk Đặng Thị Ngọc Thịnh thiêz đoanx côngz xưv tưz chuôr yuô thiêz uô hâux lưv ntơưv tỉnh Lai Châu lok uô lơưr Nghị quyết Đại hôiv Đảng cxuô cấp, qênhx shênhx huôv tsar kinh têr-xar hôiv 6 luz hli hâur shôngk shông 2019 thiêz côngz xưv sik tưr khơưk kruôk ntơưv tiv phaz. Hêik ntơưv jiês uô hâux lưv, Phưv chủ tịch têz qơưk Đặng Thị Ngọc Thịnh ntâuk gri siêz têx chêx cur tỉnh Lai Châu tưz uô tâu hâur huôv tsar kinh têr-xar hôiv, cux xưk li têx phongz yaox sik tưr, tiv zix zos chuôz ndê kinh têr, txo grêk tsơưs chor chuôz zis pluôs. Hêik tỉnh Lai Châu tror tsov cưv txos côngz xưv thiv pluôs txix kriz uô têx kror liv lok tsêr mêir đêx tênhv, khoangr yax, yuôx njuôz./.

(Khắc Kiên-Lik Thox cxêik nhênhv)

Suôx câuv hnuz tưr thik xuz thơưx hâur jiês thik cơưv tiêr ntơưr lớp 12 thôngz têz qơưk shông 2019, tỉnh Sơn La muôx zuôr xar 100 lênhx shux xênhz tsi tuôx tưr thik, iz lênhx shux xênhz uô cxâuv chei, cui tinhv thik tiv sir zôngv xor tôngx hâur six hơưv jax thik Ngữ văn. Jax xav fax zar hnuz kêix 25/6 zos jax muôx shux xênhz đas cir dưv thik ntâu đuô hur si. Taz sik, muôx 44 lênhx shux xênhz tsi tuôx thik. Li ntơư, hâur hnuz tưr thik xuz thơưx, tas nro tỉnh Sơn La muôx 98 lênhx shux xênhz tsi tuôx thik. Shux xênhz Nguyễn Thị Kim Oanh, nhoz jok 3 phường Tô Hiệu, TP Sơn La, tỉnh Sơn La heik:

“Trơưk li cur mak jax thik shông no tưz zôngx ziv uô đuô pir li shông uô ntêx, têx ntơưr phênhv ntâu cux zos nhoz hâur têx pêz tưz cơưv đhâu, tsi yuô đar li shông uô ntêx, zôngx ziv uô đuô. Zos jax Ngữ văn mak cur pov cux mê njik nhuôz, taz sik phênhv ntâu cur cux uô tâu”./.

                              (Long Thanh-Riê Lâux cxeik, nhênhv)

Zơưv Nguyễn Văn Kiên, Giám đốc Sở Zoz zux thiêz Thox cxov tỉnh Điện Biên puz pâuz, hnuz thik xuz thơưx, jiês thik cơưv tiêr ntơưr lớp 12 thôngz têz qơưs shông 2019 sâuv thax tsav tỉnh tưz tâu uô ngaz tuk, truôx jông, tsik muôx lênhx shux xênhz thiêz nênhs sêiz shuôk thik tưs uô cxâuv chêi thik. Hâur jiês thik môn toán zar hnuz kêix nas hmo, tas nro tỉnh muôx 25 lênhx shux xênhz tsik tuôx thik; jax thik tâu ntâuk gri huv đros chor shux xênhz sâuv thax tsav li txux chi. Txơưv tiêk li, ntơưv iz cxiê qơư thik muôx yưv shux xênhz cir tsik zos ndax trâu chor nênhs sêiz shuôk thik li qơư cir, taz sik tưz tâu xưv lik ndar six hơưv thiêz huv cuiz tênhv./.

(Vũ Lợi-Lik Thox cxêik nhênhv)

Coz nas lox tas cik sơưr nzor hnuz 24/6 tưz uô tox xưz poz lox nhoz 20 qơư, ntơưv txox cêr 4H, muôx yênhx cxênhz ar, poz jêz xưz poz lok cxuz txox cêr muk txix Mường Tè trâu Nậm Nhùn thiêz saz đrâuv luôs 2 chas thax tsav, muk tsi tâu đhâu. Đhâu ciês thâuv muôx têx li heik sâuv, ngênhx zoz thôngz tỉnh Lai Châu tưz chox kriê cxuô taz viv sir jos thoz huk, kho chiê cov têx yêz mul lok tâu đhâu. Zơưv Phạm Ngọc Phương, Giám đốc Sở Zoz thôngz tỉnh Lai Châu heik pâuz: Ngênhx sir jos thiêz njuôk xav hnuz 26/6 zuôr thoz huk thiêz kho tâu trâu têx yêz meir thiêz yêz lox mul lok tax:

“Pêz tưz huiz tôngv tas nro têx yêz, meir sâuv txox cêr co chiê sik đros thoz huk, kho cêr. Nhiv no sâuv txox cêr lox 4H, muôx 20 ntu nhiv kruôr trâus poz, tu, muôx têx ntu mak poz tu 2/3 cêr. Txos iz jiês no, pêz tưz thoz huk, kho tâu 50 ntâu cêik thiêz co zos qơư uô kaz ciês pêz huk, kho”./.

                     (Thủy Kiên-Riê Lâux cxeik, nhênhv)