Lơưr Văn phongx Ủy ban tỉnh Lào Cai, txos nhiv no, Công ty Cổ phần DAP số 2 uô tsưr tsêr mêir qir zuôv trâus tơưs njưs thêir têx vuôz tsuôz hnuz xiêz 7/9 nhiv kruôr đhâu tưz uô tiêr pâux nzir têx trâus hiêv trâu tas nro chor ziv chuôz zis. Lơưr co, muôx tas nro 35 ziv chuôz zis njiz phiv liv puôr lênhx tưz txêik tâu nhiêx pâux nzir đros tas nro tsiv gri 3 tiv 370 triệu đêiv. Tas nro nhiêx txiêx txar qơư nhoz trâu chor ziv chuôz zis uô nênhx nhoz jê ntơưv njưs thêir muk trâu têx qơư ngaz tuk, ntu njuôk xav gri thiêz nriêr ar tưz tâu uô tiêr. 2 kror qơư nhoz yiêz cux tưz tâu muôz trâu chor ziv chuôz zis xêir tsov qơư nhoz. Nhiv no, hội đôngx tỉnh tsênhv sêiz shuôk njuôk xav gri ar chiê nzor kriz uô txar qơư nhoz trâu chor ziv chuôz zis./.

(An Kiên-Lik Thox cxêik nhênhv)

Xav txix thâuv têx ar, poz jêz xưz poz lok cxuz tas 28 luz tsêr nhoz jok Sáng Tùng, xã Tà Ngảo, huyện Sìn Hồ, Lai Châu hnuz 27/6, tsôngv box nhoz no luz nênhx lok six txov nhêv, ntâu chuôz zis têx chuôz zênhx uz no trâus pôngz tas, tsi muôx đaz tsi hlo. Đhâu thâuv trâus ntux uô hiêv li heik co, chiê tsôngv box hâur jok Sáng Tùng nzor muôx vax tsêr nhoz, truôx tuk luz nênhx, Ủy ban huyện Sìn Hồ tưz chox kriê cơ quan car uô đreiv têx luôs hâux lưv sâuv khơưz, luôv plas ar cov tiêx, pheiz qơư  thiêz tsưr tsix shuôs, choz zok ar trâu tsôngv box uô tsêr. Cxuô cấp, cxuô ngênhx thiêz côngv thôngx muôx ntâu têx cêr sik pheiz kênh, paz max txos li: paz chuôz zênhx chuôz tas, paz cxiv uô vax tsêr..... Nhiv no, tsôngv box luz nênhx tưz jux ju truôx tuk, taz sik têx côngz trênhx nhoz qơư yiêz mak tsi tâu tâu cxiv uô jông. Chiê paz tsôngv box khưx phưx qênhx shênhx muôx tsi txâuk đêx xênhz huôx, uô ntêx huyện Sìn Hồ têx cơ quan car lês uô đreiv têx nuv li heik sâuv tưz zênhx max qênhz shuôs, đhok uô têx car đêx tax trâu tsôngv box zôngv./.

(KT-Riê Lâux cxeik, nhênhv)

Đhâu muôx yưv phiv liv ntơưv cêik cêr 136+108 sâuv txox cêr muk chênhr Nội Bài-Lào Cai uô puôk tsuôx tuk qox Ngòi Thủ, nhoz thax tsav xar Quy Mông, huyện Trấn Yên, tỉnh Yên Bái, lưx lươngv txơưx jênhv hêik tsuv txưr cêr chiê kho đuô.

Viv li, chor yêz lox xưk li yêz thâux trox, công ten nơ…txix Hà Nội tuôx tâu kriê muk trơưk cêr chêi IC12, muk lơưr txos cêr 2D chiê muk trâu txox cêr 70 muk trâu Lào Cai thiêz tror txix Lào Cai lok cux muk li. Lưx lươngv cảnh sát zoz thôngz, Công an tỉnh Yên Bái tưz sir jos qênhz yuôx sâuv têx cêr, ntơưv têx qơư muk lok tsik tâu puôr lênhx tâu lưx lươngv tsik so hêik pâuz, kriê cêr muk lok thâuv muôx yưv phiv liv. Đại úy Nguyễn Chí Dũng, phưv Đội trưởng, Đội cảnh sát zoz thongz số 3-Công an tỉnh Yên Bái puz pâuz:

“Uô lơưr phongx Cảnh sát zoz thôngz Công an tỉnh Yên Bái li chox kriê lok txar jav cêr muk lok tsik tâu, Đội cảnh sát zoz thôngz số 3 tưz kriz uô kriê cêr muk lok sâuv txox cêr 70 hnuz hmo. Đros têx qơư cêr lêv thiêz têx qơư zôngx ziv njiz trâus muk lok tsik tâu chiê txar jav tâu têx phiv liv co”./.

(Thừa Xuân-Lik Thox cxêik nhênhv)

Xưk li tưz xa mông, thâuv 3 six 30 phênhz zar hnuz kêix 24/9, ntơưv cêik cêr 281+900, txox cêr lox sôr 6, nhoz thax tsav jok Tiền Phong 1, xã Hát Lót, huyện Mai Sơn, tỉnh Sơn La muôx iz txuz yêz siz yar siz tsông uô iz lênhx nênhs trâul tuôs ciês ntơưv qơư, 4 lênhx trâus saz.

Trơưk li tsôngv box ntơưv qơư chox têx lênhx nênhs trâus saz trâus moz muk chơưv kho trâu tsêr kho moz heik pâuz: Lênhx nênhs tsar yêz muôx Biển số 30A-581.66 zos Đinh Trọng Phúc, xênhz shông 1990, nhoz jok 14, thị trấn Hát Lót, tsư chơưr chuôs tsi. Trung tá Quàng Anh Dũng, đội tsar đội Cảnh sát zoz thôngz, Công an huyện Mai Sơn heik pâuz: Tsar yêz Đinh Trọng Phúc trâus tâuz hâu thiêz cux tsênhv lôngx tsi tâu tâu xênhr, tsênhv tâu chơưv kho moz trâu tsêr kho moz Đa khoa tỉnh Sơn La. Sâuv yêz muôx 4 lênhx nênhs, hâur co muôx iz lênhx jâuv ntơưv lênhx tsar yêz iz saz zos Tòng Mạnh Châu, xênhz shông 1994 trâul tuôs ciês ntơưv qơư. 2 lênhx jâuv tror tov kaz zos Nguyễn Quốc Cường, xênhz shông 1996 thiêz Đỗ Quang An, xênhz shông 1994 trâus saz. Qir tiv zos tus tsar luz yêz tsi tiz jông njiê seiz, tưz đrâu trâu iz luz yêz lox tsênhv đrêk  ntơưv iz saz ntus cêr tov hâur ntêx. Nhiv no txuz yêz siz yar siz tsông co tsênhv tâu cơ quan muôx vax huôv tror qênhz yuôx, uô tsênhz mênhx./.

(Trấn Long-Riê Lâux cxeik, nhênhv)