Têx hnuz no, sâuv tas nro cxuô jêx jok txos tsênhv qơư huyện, thành phố têx tỉnh tox siêz Tây Bắc, cxuô lênhx nênhs puôr lênhx xar lok Đảng li Đại hôiv têiv plor tas nro têz qơưk jiês tiv 13 đros siêz njênhs njôngr thiêz vav tok njôngr trâu Đại hôiv li yênhx côngz jông. Zơưv Hoàng Khí Phách, nhoz xar Lâm Thượng, huyện Lục Yên, tỉnh Yên Bái hêik: “Cur xar tiêk Đại hôiv Đảng tas nro têz qơưk jiês tiv 13 zuôr  xêir tsov tâu chor nênhs muôx txâuk txux chi, moz siêz, sir jos chiê tso nhoz trâu Ban chấp hành Trung ương cux xưk li nhoz hâur Bôv chính trị chiê lênhx tov têz qơưk. Moz siêz txos pox nhuôs luz nênhx ntâu đuô, tiv zix zos thax tsav tox siêz đêz đrôngs, poz hiêr; moz siêz txos têx tsênhv chêi paz trâu pêx xênhv chiê muôx tâu luz nênhx jông đuô”./.

(Thừa Xuân-Lik Thox cxêik nhênhv)

Trơưk li zơưv Zax Seo Vần, Chủ tịch Ủy ban Mặt trận Tổ quốc VN tỉnh Lào Cai, Đảng Đại hội 13 jiês no tâu bax uô lok six jông, txix dự thảo têx ntâuz ntơưr txos hâux lưv xeir zuôr lênhx nênhs, hâux lưv tsưr tsix cơưv.... Zơưv Vần xar li no: “Thax tsav tox siêz, ntus đriv, poz hiêr zos têx thax tsav zov chênhr lok txiv ngaz côx phax, pêz lok six xar cov muôx têx tsênhv chei jông đuô, moz siêz txos đuô chiê txo grêk tsơưs têx phiv liv, sik tưr huôv tsar uô nox, gra siêz luz nênhx nox nhoz trâu tsôngv px. Uô tâu li ntơư mak px, lar heik zos tsôngv box heir nênhs tsơưs ziv njênhs njôngr, ziv uô jông lơưr Đảng, têz qơưk, sik thôngx siêz siz chos tsưx phưv truôx jông têz qơưk. Tiv 2, thôngz Đại hội jiês no, pêz cux chiê siêz, Đại hội zuôr hlôngr yiêz đuô lok côngz xưv canr bôv, cxiv tsa Đảng, ndar txos cxiv tsa têx lênhx canr bôv lês car uô hâux lưv têz qơưk txơưx njê, txux chi siêz, paz têz qơưk huôv tsar, vav mênhx”./.

(An Kiên-Riê Lâux cxeik, nhênhv)

Đros zos iz luz tỉnh tox siêz ntus đriv, cxiv luôs loa nta suôz tưz zos yênhx lênhx fôngx zưs sưv jê đros tsôngv box mênhx cxưx Lai Châu luz nênhx. Chiê pêx xênhv pâuz tâu txos Đảng li Đại hôiv 13, chính quyền thiêz chor cơ quan txơưx jênhv ntơưv thax tsav qơư tưz qênhz yuôx tas nro cxiv luôs chor loa nta suôz sâuv thax tsav, tưz bax jông chiê kriz mnôngs, nriêr pâuz lok têx xor mông thiêz pêx xênhv siêz xar. Zơưv Nguyễn Văn Tuệ, Trưởng Đaix nta suôz-nta đuôz thành phố Lai Châu puz pâuz: “Chiê tax tâu pêx xênhv li siêz vav tok njôngr, njênhs njôngr trâu Đảng, Đaix cux tưz hêik chor cán bộ kỹ thuật  kho đuô chor loa tsik jông sâuv thax tsav, sik côngv đros têx xar, phường nzor kho cov tâu chor loa. Njuôk xav hâur ntu Đại hôiv pêz zuôr tso têx xor mông, sir jos cov tso tâu muôx 100% tas nro thax tsav mnôngs tâu”./.

(Khắc Kiên-Lik Thox cxêik nhênhv)

Tsôngv box cxuô heir nênhs Tây Bắc tsênhv sox seiz njôngr, uô têx hâux lưv jông hơưv Đảng Đại hội txix têx nuv uô tsênhv tsênhz. Txix txux chi tsưr ziv xar tơưv jông, tix lâus Xưv Xênhv Lik, heir nênhs Hmôngz, xênhz shông 1990, Tsar jok Nậm Pắt, xã Tà Mung, huyện Than Uyên, Lai Châu tưz yênhx iz hâur têx lênhx tsar jok hluôk uô ntêx nyuôs hâur cxuô luôs hâux lưv nhoz xã Tà Mung. Tix lâus sir jos chos poz cưk, uô blêx, tu zus tsiêx cxu; nthuôr uô đar thiêz huôv tsar zus keiz đuz grêix chiê muôs. Nhiv no Xưv chuôz zis tu zus xar muôx 10 tus nhux tưv, yênhx châuv tus buô, zuôr xar 100 tus keiz đuz grêix, ok cxuô zav. Tix lâus cux chos tâu 2 cxênhz ntâu xưv phaz jâuz tâuv chiv ntux tsâus sâuv têx liêx têz uô iz chiv kôngz. Yưx hur tiz si têx nhiêx txiêx ntiêr nênhs đros uô têx nuv li heik sâuv tas, xav iz shông, chuôz zis cux sâu tâu nhos 100 tsov đeiv ntâu./.

(VOV4-Riê Lâux cxeik, nhênhv)