Hnuz 25/11, ntơưv tỉnh Sơn La, qơư tưr thik số 2-Bộ công an tưz tsưr tsix Phêv ziv ntâus grê phongz yaox tưr thik “Viv txiv ngaz têz qơưk” shông 2019 thax tsav 7 tỉnh ntus đriv faz Bắc: Sơn La, Lai Châu, Lào Cai, Điện Biên, Hà Giang, Lạng Sơn, Cao Bằng. Hâur shông 2019, lưx lươngv Công an 7 tỉnh tưz chêx chôngk krêz ntâu jiês tơưv txênhz, tir tar nênhs phamv cxâuv zax zênhz, pov thiêz ruôr yênhx côngz 2 cxênhz 400 txuz, sâu tâu 350 ntâu cêr zênhz đơưz, zuôr xar 400 njiêr zax zênhz shơư yuôx đros ntâu chuôz zênhx txơưr. Six hơưv no, Cụm tưz khơưk muôz 2 luz tsêr jông siêz trâu 2 ziv chuôz zis cán bộ, chiến sĩ muôx luz nênhx txov nhêv đros chor nhiêx txiêx zos 170 tsov đeiv./.

(TTTB- Txâur Vax cxeik nhênhv)

  Tỉnh Sơn La nhiv kruôr heik pâuz, muôx nzir 2 xã Cò Nòi (huyện Mai Sơn) thiêz Mường Cơi (huyện Phù Yên) uô tâu luôs hâux lưv cxiv tsa jêx jok yiêz, tsar ndê têx xã tâu côngk nhav uô tiêr luôs hâux lưv cxiv tsa jêx jok yiêz hâur tas nro tỉnh muôx 29 xã. Zơưv Nguyễn Thành Công, Giám đốc Sở Kôngz nuv thiêz huôv tsar tox siêz tỉnh Sơn La heik pâuz: Trơưk li tsưr ziv, txix nhiv no txos tas shông 2019, Sơn La zuôr muôx 12 xã thiêz uô tiêr hâux lưv cxiv tsa jêx jok yiêz. Hnuz 19/11 nhiv kruôr đhâu no, TP Sơn La tưz tâu Thủ tướng Chính phủ cir quyết tinhv côngk nhav uô tiêr luôs hâux lưv cxiv tsa jêx jok yiêz. Co cux zos thax tsav qơư xuz thơưx hâur tỉnh no heik pâuz uô tiêr hâux lưv cxiv tsa jêx jok yiêz:

“Zos iz tỉnh tox siêz lok six txov nhêv, taz sik, txos tas shông 2019 tỉnh Sơn La zuôr muôx 41 xã, iz TP uô tiêr luôs hâux lưv cxiv tsa jêx jok yiêz. Kror no tso pov cxix luôs chính trị tỉnh lok six sir jos. Taz sik, yuôr têx xã txuôk lơưr co zuôr phiv liv đuô. Chênhr viv li, tỉnh xav tror sir jos đuô thiêz luôs hâux lưv chox kriê, chox car thiêz pênhr jos; muôx tsưr ziv uô huv đros trâu yênhx xã chiê tror uô tiêr tâu jông hâux lưv cxiv tsa jêx jok yiêz trơưk tsưr ziv tso tơưv”./.

                                      (TTTB-Riê Lâux cxeik, nhênhv)

Ntu 2019-2021, tỉnh Yên Bái zuôr muôz 3 tỷ đeiv paz txưv por hưv heik kriê 6 xiv huv nto bê nhoz tiv phaz. Têx xiv huv co muôx: txir thênhx caz Lục Yên (huyện Lục Yên); cxur blâuv Tú Lệ; txir thênhx caz Văn Chấn (huyện Văn Chấn); txir tuz ziz Mù Cang Chải; njês niêv pas Thác Bà thiêz txir lưs jôngr Đại Minh huyện Yên Bình. No zos tsaz yênhxx muôz siêz tsơưr lươngv thiêz cxơưz cxiz muôv muôs têx xiv huv kôngz nuv, jôngr nuv thiêz shuôz njês tỉnh Yên Bái, iz tsaz yênhx tâu paz txưv 100% nhiêx txiêx uô, taz sik tsi đhâu 500 tsov đeiv. Côngz jênhv heik kriê xiv huv kôngz nuv zôngv chiê heik kriê xiv huv li hâur pâus cxôngx thax tsav, tiv phaz lok sik têz qơưk tsênhz mênhx. Viv li têx xiv huv thâuv tâu đăng cir por hưv mak zuôr chox lol tsiv grê thiêz tâu njênhs njôngr đuô. Cxôngx co gôngr phênhv muôz siêz tsơưr lươngv xiv huv thiêz phênhv sâu trâu tsôngv box nôngx mênhx./.

(TTTB-Txâur Vax cxeik nhênhv)

Tsêr kho moz Đa khoa tỉnh Lai Châu nhiv kruôr lênhk nhav chơưv kho moz trâu 3 lênhx tsôngv box zos: Chế Xênhv Shôngx (39 shông); Tóc Xênhv Shôngx (luz bê sđ khênhr hu zos Đắp), 39 shông) thiêz Câu Xênhv Zax (10 luz hlik, zos niêv lâuk Tóc tuk nhuôv tuz) đros nhoz uô cê ntơưv jok Ngài Trồ, xã Nậm Cha, huyện Sìn Hồ tuôx trâu tsêr kho moz nhoz chơưv kho moz tiv trâus mur plêr ntâu thâuv tsênhv muk khơưz sâu têx kok ntông pêv têz. Tâu pâuz, iz chas 3 lênhx nênhs moz tsênhv tuôx nhoz chơưv kho moz ntơưv tsêr kho moz tsênhv yuôr 5 lênhx nênhs txơưr đuô cux trâus xuz mur, xuz gơưx heik sâuv plêr thiêz, taz sik tsi yuô saz, tsênhv nhoz kho moz trâu ntơưv Tsênhv qơư y tế huyện Sìn Hồ. Trâus mur, gơưx plêr ntâu, lênhx nênhs muôx têx trâus moz siêz, têx nyar tsi khor jông, grêix tuôs, cxơưs têx hlaz trâuv, moz trâuv, muôx têx zôngx ziv trâul tuôs.... Chênhr li ntơư, trơưk li chor cưk yuôx, bác sỹ heik, tsôngv box sđ thâuv muk uô liêx têz tsuv tiz jông seiz shuôs, zos hmôngr tsi jông trâus mur, gơưx plêr mak tsuv zênhx max muk chuôs cưk yuôx chiê tâu seiz njuôk shuôs thiêz chơưv kho sei./.

(KT-Riê Lâux cxeiv, nhênhv)