Zar hnuz kêix hnuz 25/12, ntơưv tỉnh Yên Bái, Ban sêiz car  faz Bắc tưz tsưr tsix cơưv hội nghị suôx câuv uô cxuô luôs hâux lưv hâur shông 2017. Shông 2017, kinh tế xã hội thax tsav faz Bắc cux huôv tsar truôx tuk tax tâu 8,43% pir li shông 2016. Njuôk xav sâu tax tâu 30, 75 triệu đêiv iz lênhx, tsar ndê 2,25 triệu đêiv pir li shông 2016.  Cxuô luôs hâux lưv cxiv tsa jêx jos yiêz tâu fuô uô truôx thiêz xav hâur shông tưz muôx nzir 106 luz xã tâu tâu tiêr luôs hâux lưv cxiv tsa jêx jos yiêz, xav hur si chor xã uô tâu tiêr luôs hâux lưv cxiv tsa jêx jos yiêz hurr si sâuv thax tsav zos  318 xã. Đros ntơư, kinh tế xã hội, vênhx huôv, an ninh truôx tuik.

Hêik hâur jiês cơưv suôx câuv hội nghị no, uỷ viên Bộ chính trị, bí thư Trung ương Đảng, tsar Ban kinh tế Trung ương, tsar Ban sêiz car faz Bắc, Nguyễn Văn Bình cux muôx luk kruôk txos cxuô luôs hâux lưv, Hâu nov Ban sêiz car faz Bắc uô tâu tiêr hâur ntu đhâu thiêz uô tâu truôx luôs haux lưv Bộ chính trị zok muôz. Têx luôs hâux lưv uô tâu truôx ntơư, tưz paz phênhv huôv tsar kinh tế xã hội, tsưx phưv truôx an ninh, gra siêz luôs hâux lưv chox car cấp uỷ hâu nov ntơưv qơư uô tiêr cxuô luôs hâux lưv zok muôz, tâu Đảng têz qơưs kruôk txos./.

(Tsu cxêik nhênhv-Tuấn-Xuân)

Tỉnh Sơn La nhiv kruôr tsưr tsix côngz fur xã Mường Bú, huyện Mường La, tỉnh Sơn La tax ploz tsênhr nôngx cxênhz yiêz ntu 2. Xã Mường Bú zos xã thax tsav 2 huyện Mường La, muôx 30 jêx jos, tiểu khu đros zuôr xar 2.700 ziv chuôz zis, đros 11 cxênhz 800 lênhx nênhs, 4 mênhx cxưx sik đros nhoz uô nênhx. Đros tas nro pênhr huiz tôngv trâu cxiv tsa nôngx cxênhz yiêz cxiv tsa nôngx cxênhz yiêz zos 13,5 tỷ đeiv ntâu, đros zuôr xar 11 cxênhz hnuz côngz, gôngr 5.600 yiv ndis ar chiê cxiv tsa cêr zaoz thôngz nôngx cxênhz, tsêr vênhx huôv. Đhâu 6 shông sir jos krêz uô, txos nhiv no xã Mường Bú tưz tax tâu 19 ploz tsênhr lơưr Bộ ploz tsênhr nôngx cxênhz yiêz, phênhv sâu fênhx pheiz tax 26 tsov đeiv iz lênhx nênhs iz shông. Zơưv Lường Văn Hồng, Bí thư Đảng ủy xã Mường Bú huyện Mường La, tỉnh Sơn La puz pâuz:

“Thâuv tax tâu nôngx cxênhz yiêz, pêz sir jos chox kriê chiê tuôr truôx tâu têx ploz tsênhr tưz tax tâu, tiv zix zos lok tênhx qơư, viv co zos jêx jos li njiêx muôs. Tiv oz zos chêx chôngk lênhs tov huôv tsar kinh têr xã hội, huôv tsar têx hâux lưv uô, jix vuv muôv muôs, tror tu zus paz tsiêx cxu chiê chuôz cxaz phênhv sâu trâu pox nhuôs, chiê tuôr truôx têx ploz tsênhr lơưr nôngx cxênhz yiêz li cui tênhv”./.

(Hoàng Long- Txâur Vax cxeik nhênhv)

Thâuv 3 six hnuz 25/12, sâuv thax tsav tỉnh Điện Biên tưz muôx yưv iz jiês ntux kênhs 3,2 độ rích te ntơưv thax tsav ntus đriv VN-Lok Tsuôk.

Zơưv Nguyễn Thái Sơn, tsar Ban njuôk ar thành phố Điện Biên phủ, tỉnh Điện Biên njuôk xav tâu hâur six hơưv hêik sâu, zos ntux kênhs lox 3,2 độ rích te, kênhs toz 10 caik cêr, nhoz sâuv thax tsav Xã Mường Pồn ntus đriv VN-lok Tsuôk./.

(Tsu cxêik nhênhv-Vũ Lợi)

Nhiv kruôr đhâu, lưx lươngv công an tỉnh Lào Cai muôx Tuêv qênhz yuôx seiz car zaoz thôngz số 6- Phòng cảnh sát zaoz thôngz đros Phòng cảnh sát kinh tế hâur six hơưv qênhz yuôx tưz pov thiêz ntês 1 luz yêz teiv thâux iz chor khâu tsi pâuz tsênhz qơư tsiv uô. Xor mông qênhz yuôx qir thơưx puz pâuz, tas nro muôx 1 cxênhz 870 gơưv khâu tâu tso hâur hnaz sâu ntơưr Trung Quốc, zos Nguyễn Duy Khắc tsar yêz gra biển số 24C-041.08 thâux cxôngx trôngx đriv ntiêx têz Lào Cai mul phường Nam Cường, TP Lào Cai txơưv trâus công an pov thiêz ntês cxov. Nhiv no luz yêz teiv thiêz tas nro chor khâu co tưz tâu sâu tsês ntơưv chiz coaz Công an chiê tror qênhz yuôx uô cov tsênhz mênhx./.

(An Kiên- Txâur Vax cxeik nhênhv)