Chor nênhs siêz jông huyện Lục Yên, tỉnh Yên Bái nhiv kruôr txêik tâu kror nhiêx muôx 220 cxênhz  đêiv paz trâu chor y, bác sĩ uô hâux lưv phax, tar moz Covid-19, zos nhuôs Nguyễn Bình Minh, muôx 8 shông, tsênhv cơưv lớp 2D, tsêr cơưv cxênhx iz Trần Phú muôz paz. No zos chor nhiêx nhuôs cxênhx txuôs tâu, đros muôx ntâu zav nhiêx txiêx txix 1 cxênhz txos 5 cxênhx đêiv. Txơưv chor nhiêx tsik ntâu, taz sik lênhx nhuôs no kror hâux lưv uô tưz paz cxơưz cxiz sơưr đơưk sir jos sik đros phax, tar moz Covid-19./.

(Tuấn Xuân-Lik Thox cxêik nhênhv)

Chủ tịch UB thành phố Lai châu Lương Chiến Công puz pâuz, tsôngv box nhoz thax tsav 4, tuêv dân phố 4, cêr Trần Phú, phường Tân Phong trâus cêv kuôk tiv muôx lênhx nênhs trâus moz cô vít 19 muôx chinhz yênhx jông, tsi pov lơưr cxơưx thiêz nyei. Thành phố cux tưz uô paz zôngv Zalo chiê thôngz xor mông. Niêv lâuk Nguyễn Thị Hiên, nhoz uô nênhx hâur thax tsav puz pâuz, hnuz xuz thơưx cêv kuôk taz sik chuôz zis đros ntâu ziv chuôz zis nhoz no cux tsi cxơưx tul tsi viv tưz tâu yax mông, heik kriê uô ntêx lok tsưr ziv phax tar moz cô vít 19 lơưv. Tas cik sơưr nzor tưz muôx bộ đội tuôx moz zav nox thiêz tuêv côngz xưv tuôx seiz njuôs đas jos trâu tsôngv box. “Cxuô lênhx nênhs hâur thax tsav cux tsi pov cxơưx thiêz jông siêz cêv kuôk uô trơưk têz qơưk li cui tênhv, tưz cêv kuôk lơưv mak tsi muôx lênhx tưs muk kror tưs thiêz”./.

(K.Kiên- Txâur Vax cxeik nhênhv)

Lơưr zơưv Nông Đinh Hùng, Phưv Giám đốc Sở y tế tỉnh Lào Cai, hâux lưv zok nriêr qơư zuôr têx ntâuz bos kror ndâux nhiv no tsênhv lok six phiv liv. Ciês nganhx Y têr cux njiz phiv liv, txix thâuv piz muôx yưv moz txos nhiv no, chor taz viv hâur nganhx ntơưv tiv phaz cux zuôr tsik tâu têx ntâuz bos kror ndâux. Đros muôx tsik txâuk têx ntâuz bos kror ndâux, 1 hli uô ntêx no, Bôv Y têr tưz paz trâu 4 tsênhv qơư y têr nhoz thax tsav ntus đriv zos thành phố Lào Cai thiêz têx huyện Si Ma Cai, Bát Xát, Mường Khương 20 cxênhz đêiv ntâuz bos kror ndâux. Tỉnh Lào Cai cux muôz 26 cxênhz đêiv ntâuz bos kror ndâux sâu tâu txix chor nênhs nhiês zuôr muôs trâu nganhx y têr tiv phaz, taz sik tsuôk muôx nhos 20 cxênhz đêiv jông zôngv chiê tir tar caz moz./.

(An Kiên-Lik Thox cxêik nhênhv)

  Hâur têx jiês lok nas, lok lơưs, chuô lox sâuv thax tsav têx tỉnh faz Bắc hâur têx hnuz đhâu tưz uô ruôr hiêv thiêz zênhr shar ntâu txos tsôngv box luz nênhx. Thôngz sâu ntơưv tỉnh Sơn La txos nhiv no, têx jiês lok nas shơư lok lơưs, chuô lox tưz uô tsôngv box li 1 cxênhz 236 luz tsêr trâus zơưk trur, poz vâu, hâur co muôx 5 luz tsêr nhoz huyện Quỳnh Nhai trâus poz vâu tas hur si; zuôr xar 50 hecta blêx thiêz kôngz lôngk cxuô zav trâus ruôr hiêv; 470 hecta ntâu ntông nox txir trâus jênhs tas; yênhx puôk yiv njưk đêx cưx đês trâus vôngz. Njuôs xav trâus ruôr hiêv zuôr xar 3,8 tỷ đeiv. Ntơưv Lai Châu, lok lơưs thiêz chuô lox tưz uô iz cxênhz ntâu ziv chuôz zis li tsêr trâus puôk tsuôx, ruôr hiêv lok kôngz lôngk....Chuô lox, lok lơưs cux uô puôk tsuôx 6 luz tsêr, zuôr xar 70 hecta kôngz lôngk nhoz 2 huyện Lục Yên thiêz Văn Yên...NJuôs xav ruôr hiêv njuôs xav 1,1 tỷ đeiv..../.

(TTTB- Txâur Vax cxeik nhênhv)