Tỉnh Yên Bái sir jos  shông no kriê txux chi tsưr ziv uô nuv trâu 15.800 lênhx nênhs, tsar ndê têx lox tôngv đhâu cơưv tas txux chi tsưr ziv uô nuv hâur tỉnh muôx 54%. Iz chas ntơư, Yên Bái sir jos zok nriêr hâux lưv uô trâu 18 cxênhz lênhx lox tôngv; tuôr truôx têx lênhx nênhs tsi muôx hâux lưv uô hâur thax tsav đrôngs kis đuô 4%. Zơưv  Vũ Lê Thành Anh, Phưv Giám đốc Sở Lox tôngv xaz pênhz thiêz XH tỉnh Yên Bái heik pâuz, chiê uô tâu hâux lưv heik sâuv, tỉnh zuôr chuôz tsar tiês uô jông hâux lưv yax xa mông, fuô kriê lok sâuv cơưv txux chi tsưr ziv uô nuv chiê hlôngr yiêz tsôngv box txux chi jênhv pâuz lok sâuv cơưv tsưr ziv uô nuv; chox kriê têx tsêr cơưv chuôz tsar tiês kriê txux chi uô nuv reik đros trâu doanh nghiệp li zoz qơưx zuôr trâus txos. Zơưv Vũ Lê Thành Anh heik:

“Pêz zuôr huyz tôngv têx cơ quan, ban ngênhx, cxuô cấp ủy, hâu nov ntơưv qơư sir jos sik đros côngv tês hâur kriê tsưr ziv uô nuv trâu lox tôngv thiêz zok nriêr hâux lưv uô trâu lơưr; hlôngr yiêz tsưr ziv kriê, cux xưk li uô trơưk chei kriê txux chi tsưr ziv uô thiêz Bộ lox tôngv xaz pênhz thiêz XH têx ntâuz ntơưr fuô kriê; tsi so seiz njôngr, chiê pâuz têx mông lok sâuv zoz qơưx lox tôngv, qơư zuôr nênhs uô hâux lưv hâur tỉnh Yên Bái đros trâu cxix luôs mông tênhx qơư lox tôngv sâuv tas nro têz qơưk chiê uô tâu jông luôs hâux lưv heik sâuv hâur thax tsav tỉnh”./. 

(Thu Thùy-Riê Lâux cxeik, nhênhv)

Huyện Mường La, tỉnh Sơn La muôx tsưr ziv chos 74 cxênhz ntâu tsoz ntông hâur shông no. Hâur chor no tsuôk muôx 3 cxênhz tâu tsoz zos chos cov jông gâux thiêz zuôr nzôngr nzông, tâu chos ntơưr chor cơ quan, taz viv, tsêr cơưv ntơưr, têx ntus cêr…tsênhv yuôr zos chor ntông nox txir li txir tuôz ziz, txir lưv tsiz, txir bưởi, txir mo môngk, txir khơưz đuz, chuôz thox… zuôr tâu chor ntơưv pêx xênhv têx ar têz chor xã sâuv thax tsav. Đrâuv paz muôx tênhv qơư njuôz jông, chor ntông no zuôr paz muôx nzir phênhv sâu trâu pêx xênhv sâuv thax tsav. Zơưv Nguyễn Đức Thành, Chủ tịch UBND huyện Mường La puz pâuz:

“Huyện tưz cxiv tsa tsưr ziv chiê hâur shông no, txos trâu chêix chos mak zuôr chos chor ntông co sâuv têx ar tox nxaz đros six hơưv zos 2-3 shông chiê chos tâu muôx 1 shông mak zuôr piz txi txir, paz trâu pox nhuôs njiz phiv liv tiv ntux têz uô hiêv truôx tuk luz nênhx”./.

(Thu Thùy-Lik Thox cxêik nhênhv)

Txix hâur shôngk shông txos nhiv no, hâur thax tsav tỉnh Lào Cai tưz muôx 2 txuz kâus tưx zav nox, uô 26 lênhx nênhs trâul kâus, hâur co 25 lênhx tsuv chox muk nhoz trâu tsêr kho moz, têx txuz kâus tưx heik co puôr lênhx zos muôx nhoz thax tsav tox siêz.

Trơưk li ntâuk grê, têx txuz tsi ngaz tuk zav nox muôx nhoz Lào Cai ziv hnuz ziv tsar ndê thiêz phiv liv. Hâur hli 4/2018, Lào Cai phuôx tôngv luz hlik ngaz tuk vêv xênhz zav nox đros njiêz luk “Chuôz tsar tiês lênhx nênhs tsiv uô, zuôr muôs têx zav nox li txơưx jênhv”, chiê gra siêz têx doanh nghiệp li pưs txux hâur uô lơưr chei têz qơưk lok sâuv ngaz tuk zav nox. Pos Nguyễn Thị Hải Anh, Chi cục tsar Chi cục ngaz tuk zav nox tỉnh Lào Cai heik:

“Đros thiêz ngênhx y tế mak ngênhx cux tưz muôx tsưr ziv, hâur ntơư zuôr fuô kriê trâu tas nro têx taz viv hâur ngênhx hâur tỉnh, chor taz viv dự phax thiêz têx tsêr kho moz hâur tỉnh, huyện chiê uô tâu zênhx max thiêz cxix cxuô thâuv muôx yưv têx tsi jông li heik sâuv chiê txo grêk tsơưs yax têx txuz kâus tưx zav nox cux li têx moz txơưx siz cik đhâu têx zav nox, iz chas ntơư qênhz shuôs tâu jông têx uz no cik txos ngaz tuk zav nox”./.

(An Kiên-Riê Lâux cxeik, nhênhv)