Tưz 28 hnuz đhâu, Yên Bái tsi sâu jênhv cxaz lênhx nênhs trâus moz Covid-19 yiêz. Cxôngx hnuz 27/4 txos nhiv no, tas nro tỉnh tưz nriêr, xav tênhv tâu 246 lênhx F1, 1 cxênhz 990 ntâu lênhx nênhs F2 muôx lênhx coaz txos têx lênhx nênhs trâus moz Covid-19...Tas nro têx lênhx F1, F2 thiêz nênhs muôx lênhx coaz tưz thiêz tsênhv tâu cêv kuôk chêx chôngk thiêz hâur tsêr, njuôs siv moz lơưr cui tênhv. Têx chêx cuk njuôs siv puôr lênhx tsi pov muôx caz moz SARS Cov 2. Chiê tror phax tar moz, tỉnh Yên Bái thix ziv tas nro lênhx nênhs sâuv thax tsav yax six uô Bộ y tế li tsưr ziv 5K. Tsi muk txos têx thax tsav tsênhv muôx moz huôv xênhz./.

(Đinh Tuấn-Txâur Vax cxeik nhênhv)

Hợp tác xar Tâm Hợi, tỉnh Lào Cai li têx hax huv cuêv fix nhiv no tâu muôs trâu 9 luz têz qơưk, zos: Singapore, Ấn Độ, Thái Lan, Malaysia, Bangladesh, Qatar, Lebanon, Israel, Thổ Nhĩ Kỳ. Phênhv sâu iz shông txix muôs cuêv fix tơưv saz đrâuv têz qơưk tâu muôx nhos 80-90 tiv đêiv. Hâur 1 hli tror lok no, thôngz đhâu Công ty TNHH một thành viên Sản vật nhiệt đới Việt Nam, Hợp tác xax Tâm Hợi tưz muôs tơưv saz đrâuv têz qơưk 10 container, đros muôx 100 tấn cuêv fix trâu Singapore, Ấn Độ, Thái Lan…, đros gri muôs 120.000 đêiv iz cir. Tiv zix, tas nro chor cuêv fix no tâu sâu tsênhz mênh nriêr pâuz qơư uô zos txix Lào Cai. Têx hax huv cuêv fix muôs tơưv saz đrâuv têz qơưk tâu sâu tsênhz mênhx qơư uô txix Lào Cai paz trâu cxuô têz qơưk pâuz txos têx hax huv cuêv fix Lào Cai, thôngx cxix paz chuôz ndê tsiv gri muôs tơưv saz đrâuv têz qơưk siêz đuô./.

(TTTB-Lik Thox cxêik nhênhv)

Ntơưv xã Ẳng Nưa, huyện Mường Ang, tỉnh Điện Biên nhiv kruôr muôx yưv txuz 2 tul mê nhuôs hâur iz chuôz zis trâus pôngz đês tuôs. Zơưv Lò Văn Hòa, Chủ tịch UB xã Ẳng Nưa puz pâuz: Hâux lưv pôngz siêz no muôx yưv thâuv 10 six 30 tas cik hnuz 25/5, ntơưv thax tsav jos Né uô 2 tul mê nhuôs hâur iz chuôz zis tuôs. Viv niêv muk uô nox đêz, txir thiêz pos muk hleik blêx 2 tul mê nhuôs zos L.V.A xênhz shông 2016 thiêz L.H.H xênhz shông 2018 đros zơưv nhoz tsêr. Thâuv muk uô si ntơưv chuôz zis li luz pas njês tưz trâus pôngz đês. Ciês thâuv muôx yưv hâux lưv co, chính quyênx xã tưz pov trâu huyện Mường Ảng, heik cán bộ muk tôngv vênhx thiêz paz chuôz zis uô đaz uô kruô trâu 2 tul mê nhuôs.

Chính quyênx tiv phaz cux heik, nhiv no tsênhv zos ntu yar ntux cuz sor, mê nhuôk khênhr sik zâuv muk đa đêx ntơưv têx tul đêx, pas đêx, tsi taz por thiêz lok six riêz nênhs. Viv li têx lênhx uô niêv uô txir tsuv choz chêv mê nhuôs thiêz tsov cưv txos zuk mê nhuôs, tsi chiê muôx yưv têx txuz hâux lưv pôngz siêz li heik sâuv./.

(Vũ Lợi-Txâur Vax cxeik nhênhv)

Ủy ban huyện Mộc Châu, tỉnh Sơn La nhiv kruôr cuêz tênhv xưv bluô uô cxâuv hành chính zơưv P. T. D (zus shông 1961, nhoz phường Tô Hiệu, thành phố Sơn La, tỉnh Sơn La), nhiv no tsênhv nhoz ntơưv tôv 8, thị trấn Nông trường Mộc Châu, huyện Mộc Châu 7,5 triệu đêiv, tiv zos nênhs tsuv nhoz ntơưv tsêr chiê cêv kuôk y têr phax, tar caz moz, tsik uô jông lơưr têx tsưr ziv phax, tar caz moz Covid-19 trơưk li cui tênhv.

Uô ntêx co, đhâu qênhz yuôx ntơưv qơư pêx xênhv nhoz, lưx lươngv muôx vax huôv thị trấn Mộc Châu tưz pov zơưv P. T. D tsik nhoz jông hâur tsêr thâuv tsik tâu tas six hơưv cêv kuôk lơưr cui tênhv. Ủy ban thị trấn Mộc Châu tưz chox kriê lưx lươngv muôx vax huôv uô ntâuz ntơưr xưv lik zơưv P.T.D lok kror cxâu cêv kuôk y têr trơưk Chính phủ li Nghị định số 117/2020/NĐ-CP cui tênhv xưv bluô uô cxâuv hành chinhs hâur hâux lưv Y têr./.

(TTXVN-Lik Thox cxêik nhênhv)