Hnuz 25/8, Hôiv liên hiệp hluôk nênhs Việt Nam tỉnh Yên Bái tsưr tsix Đại hôiv têiv plor jiês tiv 5, six cxiv 2019-2024. No zos taz viv tâu Trung ương Hôiv liên hiệp hluôk nênhs Việt Nam xêir tsov chiê tsưr tsix Đại hôiv uô siv. Chêx cur hâur six cxiv nhiv kruôr đhâu, tas nro tỉnh tưz cxiv uô tâu 26 luz tsêr siêz jông, 26 lớp cơưv niêv txir zus mor, zuôr xar 130 qơư uô si trâu chor chuôz zis muôx luz nênhx txov nhêv, nhuôs zâu nhoz tox siêz…Đros co, Hôiv Liên hiệp hluôk nênhs cxuô cấp tỉnh Yên Bái tưz tsưr tsix hêik yênhx vạn hluôk nênhs tso muôx 5.600 ntâu taz viv nyar thiêz tsưr tsix njuôk, muôz yuôx tsik zuôr nhiêx txiêx trâu zuôr xar 2,6 vạn lênhx nênhs…/.

(Thừa Xuân-Lik Thox cxêik nhênhv)

Tỉnh ủy Lào Cai nhiv kruôr muôx ntơưr heik cxuô cấp ủy, hâu nov, uô lơưr phôngz yaox vêv xênhz phax tar têx moz gênhs; tsưr tsix têx jiês tuô lov têx caz vêiv, muôz têx tưx têik, fiêz, thôngz uz no.....trâu đêx tsi zuôr, tsi zôngv txos ntơư por tsês chiê phax tsar jav moz suôz liêz. Ban Tuyên giáo Tỉnh ủy đros têx cơ quan, taz viv cik txos yax kriê đêz đar txos trâu tsôngv px sđ pâuz lok têx tsưr ziv phax tar moz suôz liêz, phax tar têx moz gênhs uz no; sox seiz njôngr Tỉnh ủy, Ban Tuyên giáo T.Ư pov cov lok têx hâux lưv phax tar moz suôz liêz. Tsênhv thâuv moz suôz liêz tsênhv huôv xênhz phiv liv nhoz ntâu thax tsav qơư, tsôngv px sđ tsuv tsưv ziv uô jông hâux lưv phax tar moz suôz liêz./.

(KT-Riê Lâux cxeik, nhênhv)

Nhoz sâuv txox cêr Hoàng Quốc Việt, thị trấn Nông Trường, Mộc Châu, tỉnh Sơn La, qơư tu zus nhux đas zuôr cuô mik nhoz no tâu tsôngv kruô lok six nhiêv txos. Ndax têx hnuz ntênhk, hnuz kaz ciêz ntơưv no muôx chôngz tsôngv kruô nhoz so ndis shuôk. Tuôx ntơưv no, zuôr njiê pov tâu chor nhux tưz xêir tsov jông lok nôngz thiêz đas jos, paz trâu tsôngv kruôk njênhs đuô lok tsơưr lươngv chor cuô mik. Đrâuv ndis shuôk, cxêik đuôz, tsôngv kruô tsênhv muôx tsar tov tâu cxaz chuôz trâu iz cxiê kror hâux lưv tu zus li txiêr jâuz tâux, muôz trâu nhux nox thiêz kror shir phaz đuô zos tâu tso ciês nhux chor cuô mik, đhâu co tâu hâuk ciêr ntơưv kror qơư no. Đuô li txix hli 11-12 zos six hơưv chor pax jâuz tơưs chuôs tsi zuôr muôx ntâu kror qơư jông jav chiê sơưr đơưk ndis shuôk, uô si./.

(KT-Lik Thox cxêik nhênhv)

Nhiv kruôr đhâu, hâur thax tsav huyện Mường Nhé, tỉnh Điện Biên tưz muôx iz jiês ntux kênhs xar 3 tưv rích te. Txơưv tiêk kênhs tsi lox taz sik tiv kênhs jê sâuv bông ar viv li tsôngv box nhoz thax tsav Mường Nhé puôr lênhx hnor kênhs txos hur si. Ntơưv thax tsav xã Nậm Kè thiêz têx xã nhoz jê iz ndis co, lơưr puôr lênhx hnor kênhs, taz sik tsi trâus uô ruôr hiêv li chas lok lênhx nênhs, têx côngz trênhx uz no..... ntơưv qơư hlo. Co zos jiês ntux kênhs tiv 5 muôx hâur thax tsav tỉnh Điện Biên hâur shông no./.

(Vũ Lợi-Riê Lâux cxeik, nhênhv)