Zar hnuz kêix 26/2, tỉnh Sơn La tưz tsưr tsix chiv nhênhv 60 shông hnuz cxôngx nzor Bôv đôiv pênhz phax thiêz 30 shông hnuz “Pênhz phax tas nro pêx xênhv”. Ntơưv ntênhk, chor têiv plor tưz sik thav txos lịch sử mênhx cxưx, thôngx cxix ndo njôngr txos hloz Hôx; uô tsâus txos chor niêv Việt Nam zênhz shôngx; chor zênhz shôngx liệt sĩ thiêz chor cán bộ, chiến sĩ tưz sir jos trâu côngz xưv cách mạng thiêz côngz xưv sêiz car, por vêv ngaz tuk thax tsav ntus đriv. Hlôngr njêx muôs cxênhx hluôk Bôv đôiv pênhz phax tỉnh Sơn La, Thượng úy Cầm Bá Thành, Trợ lý côngz xưv quần chúng hêik:

“Phuôx huiz zênhz shôngx lưx lươngv vũ trang bôv đôiv pênhz phax, hâur ntu zuôr txos, cxênhx hluôk bôv đôiv pênhz phax tỉnh Sơn La zuôr sir jos cơưv shâuv, sik côngv siêz, sik đros pêx xênhv  cxuô mênhx cxưx thax tsav ntus đriv por vêv truôx thax tsav ntus đriv, ngaz tuk ntus đriv têz qơưk hâur qênhx shênhx yiêz; cxaz chuôz muôx chêx cur têx hâux lưv huôv star kinh têr xar hôiv, cxuôv yêiz thiv pluôs nhoz thax tsav ntus đriv”./.

(Trấn Long-Lik Thox cxêik nhênhv)

Ndax trâu chiv nhênhv 64 shông Hnuz cưk yuôx VN 27/2/1955-27/2/2019), đôngx chir Lê văn Quý, Phưv chủ tịch Ủy ban tỉnh Điện Biên tưz muk shuôs, phôngv côngz trâu hur si têx lênhx canr bôv, y, bác sĩ tsêr kho moz Y học cổ truyền, Ban por hưv tsoz phưz đas jos canr bôv, Tsêr kho moz Đa khoa tỉnh thiêz Tsênhv qơư Y tế TP Điện Biên Phủ. Heik têx taz viv y tế tsuv tror hlôngr yiêz, gra siêz txux chi tsưr ziv uô cov tâu truôx luôs hâux lưv seiz njuôk shuôs kho moz, tsoz phưz đas jos trâu tsôngv px; zênhx max tôngv zênhx, tsoz phưz nênhs moz thiêz nênhs moz têx lênhx nênhs hâur tsêr chiê lơưr tso siêz nhoz chơưv kho moz gênhs./.

(KT-Riê Lâux cxeik nhênhv)

Nhiv no, Khoa chơưv paz đas jos-nhuôs zâu, Tsênhv qơư Y têr huyện tox siêz Văn yên, tỉnh Yên Bái tưz muôx ntâu kỹ thuật jông hâur chơưv paz, kho moz trâu nênhs moz, xưk li: Liv nyar lơưr six hơưv, liv nyar chơưv paz…Đhâu co, tưz chơưv kho tâu yênhx côngz ntâu lênhx nênhs trâus moz hnhar, phiv liv; lok sik chor nênhs moz tsik txâuk six hơưv chie yêv muk thênhv siêz đuô xưk li phiv liv lk xênhz zus, cxơưk lênhx nyar plơưr, trâus saz…/.

(Đinh Tuấn-Lik Thox cxêik nhênhv)

Huyện Mường Khương, tỉnh Lào Cai muôx nhos 1.300 ha ar têz chos  tsơưz, hâur co zuôr xar 900 ha tsênhv jông txiêr sâu. Trơưk li ngênhx kôngz nuv huyện ntâuk grê, shông nhiv kruôr đhâu, sâu tâu txir tsơưz ntâu,  grê muôs truôx tuk, xav hur si sâu tâu nhos 17.400 tênhr, tsiv grê nhos 113 tỷ đeiv. Têx tsơưz heik co tâu chos ntơưv huyện Mường Khương kuôk no 20 shông, chêx tsôngk nhoz têx xã: Bản Lầu, Nậm Chảy, Thanh Bình, Bản Xen. Zuz thiêz tsưr ziv chos, tu têx tsơưz tâu tsôngv box cơưv shâuv txix têx thax tsav qơư hâur huyện Hà Khẩu, Trung Quốc.  Hâur 2, 3 shông jê lok no, iz chas têx ar têz tsơưz muôx nhiv no, tsôngv box tưz krêz đar liêx têz chos tsơưz sâuv têx ar têz uô tsi jông poz cưk./.

(Thanh Thủy-Riê Lâux cxeik, nhênhv)