Trơưk li zơưv Trần Minh Sáng, Bí thư Huyện ủy, Chủ tịch Ủy ban huyện Bảo Thắng, tỉnh Lào Cai, txix têx mông heik hâur mạng XH lok sâuv, hur si har jôngr lâuk ntơưv thị trấn Phong Hải (huyện Bảo Thắng) trâul iz doanh nghiệp hlơưr cuz hnhiêz tas,  chiê zuôr ar uô kôngz lôngk, cơ quan muôx vax huôv ntơưv qơư tưz sik đros qênhz shuôs, uô tsênhz mênhx, iz chas ntơư zuôr yơưz phơưz txơưx jênhv thiêz muôz lênhx tiz nênhs sâu thiêz tso têx mông tsi muôx tsênhz tiês sâuv mạng XH tik cêr cxâuv cov txos qơư. Trơưk li zơưv Phạm Văn Tuấn, Hạt tsar Hạt yuôx jôngr huyện Bảo Thắng, têx kôngz li: Tâux đuz, txir pur lux, txir tsơưz sâuv dưv anr têx ar têz chos siz shơưs hâur ntu tsênhv tok têx shôngz ntông hloz lox nzôngr tox trôngz câuv har ntơư, cê muôz phênhv sâu tâu, cê tsi uô tuôr xuôv têx ar têz. Têx li heik no tsi zos uô cxâuv mak tsênhv tâu cxiz sđ cov uô trơưk. Txơưv tiêk lênhk txeil tâu cơ quan muôx vax huôv têx suô luk xav jênhv, taz sik lênhx nênhs muôx facebook heik sâuv cux tsi jông siêz, thôngx ziv, iz chas ntơư tror sâu, tso têx mông li heik sâuv chiê hu zâuv côngv thôngx sđ sik đros por hưv jôngr ntông, por hưv tênhx qơư trơưk cui tinhv./.

                                   (An Kiên-Riê Lâux cxeik, nhênhv)

Uô Chinhr phuv li cuiz tênhv lok chính sách paz txưv shux xênhz thiêz tsêr cơưv phổ thôngz nhoz têx xã, jêx jos txov nhêv tiv zix, UB tỉnh Điện Biên nhiv kruôr muôx cuiz tênhv paz 2 cxênhz 840 ntâu tênhr cxur trâu shux xênhz sâuv thax tsav hâur kỳ cơưv tiv 2 shông cơưv 2019-2020. Lơưr co 2 cxênhz 840 ntâu tênhr cxur zuôr tâu muôz trâu muôx nhos 48 cxênhz 200 lênhx shux xênhz nhoz 248 tsêr cơưv sâuv thax tsav tỉnh Điện Biên. Hâur co, iz lênhx shux xênhz zuôr jênhv tâu ntâu tiv zix zos 60 cir cxur (bâuv 15 cir cxur iz luz hlik). Ntơưv Điện Biên, lơưr nganhx zaoz zux thox cxov tỉnh mak hâux lưv krêz uô chinhr sách no tưz gôngr phênhv txu gris phênhv tưs têx phêv liv hâur xênhz huôx, paz shux xênhz muôx cxaz đas jos thiêz sir jos mul cơưv ntơưr đuô, gôngr phênhv muôz siêz tsơưr lươngv zaoz zux sâuv thax tsav./.

(Vũ Lợi- Txâur Vax cxeik nhênhv)

Công an huyện Yên Châu, tỉnh Sơn La heik pâuz, cơ quan Cảnh sát qênhz yuôx Công an huyện no tưz tso tơưv quyết tinhv yơưz phơưz, tik cêr cxâuv thiêz tso chei txưr tsi khênhr muk đhâu thax tsav qơư nhoz trâu Nguyễn Đình Hồng, lênhx tsar tsưr yêz Bảo Lâm luz yêz kruô muôx biển số 29B-312.33 lok sâuv tuôr thiêz jêik tsês tsi trơưk chei kruô têx chuôz zênhx trơưk grê 176, Bộ luật Hình sự. Đhâu thâuv hu hur si lênhx nênhs tsar yêz thiêz lênhx phưv tsar yêz, chor nênhs seiz njiê pov tuôx tiv ndâux luk ntơưv Cơ quan Công an, lênhx tsar yêz zos Nguyễn Đình Hồng ( xênhz zus shông 1985, nhoz jok Thụy Khuê, xã Sài Sơn, huyện Quốc Oai, Hà Nội) krêz lênhk tiêk, tưz tâu jêik tsês kruô 700 ntâu tsov đeiv nhiêx. Đhâu Công an huyện Yên Châu qênhz yuôx, cux tưz uô tsênhz mênhx lênhx phưv tsar yêz zos cik txos hur tiz si thiêz./.

(TTTB-Riê Lâux cxeik, nhênhv)

Sâuv niêv cêr 279, ntu đhâu thax tsav xã Nà tấu, thành phố Điện Biên Phuv tỉnh Điện Biên nhiv kruôr muôx yưv iz txuz txiêz nanv zaoz thôngz zov chênhr uô zaoz thôngz mul lok tsi tâu hâur ntâu six hơưv. Ciês thâuv muôx txiêz nanv, tuêv cảnh sát zaoz thôngz, Công an thành phố Điện Biên Phủ tưz ciêr chênhr tuôx yưr lir. Txos 3 six zar hnuz kêix đros hnuz luz yêz teiv container thiêx li tâu truz trâu iz saz cêr chiê têx yêz mul lok đhâu. Nhiv no qir tiv txuz txiêz nanv tsênhv tror tâu chiz coaz muôx txơưx jênhv ciêr chênhr uô cov tsênhz mênhx./.

(VOV- Txâur Vax cxeik nhênhv)