Đros trâu tsôngv px hur si têz qơưs, hnor mông chủ tịch têz qơưs Trần Đại Quang tâu tas siv nênhx, tsôngv px cxuô hêir nênhs faz Bắc, lênhx tưs cux pôngz siêz thiêz ndo txos chủ tịch têz qơưs têx côngk đas jos, tsưr ziv đros cxiv kho-huôv tsar têz qơưs. Chor sâu xor xưv Đêix nta suôz VN nhoz iz suôv faz Bắc hêik lok têx njiêz luk ntơư.

Cux li cxuô chuôz zis txơưr, niêv lâuk Trần Thị Hoa nhoz phươngx Đồng Tâm, đrôngl Yên Bái đros trâu têx nênhs cxênhz jê kriz ti vi sêiz thâuv sơưr. Tus tưs cux pôngz cuô muôs, pôngz siêz, viv sêiz pov cxuô đoanx tuôx shov zơưv chủ tịch têz qơưs. Niêv lâuk Trần Thị Hoa hêik:

“Chủ tịch têz qơưs Trần Đại Quang tâu tas siv nênhx, tsôngv px sđ txơưv lênhx tưs cux pôngz siêz thiêz ndo txos chủ tịch têz qơưs Trần Đại Quang têx tsưr ziv, đas jos cxiv kho têz qơưs. Lar hêik zos luôs hâux lưv uô đros cxuô têz qơưs sâuv ntiêx têz”.

Ntơưv laox cai, cxuô cơ quan thiêz cxuô chuôz zis tsôngv px sđ puôr lênhx đêi qix tuôs. Sâuv cxuô txox cêr muk lok hâur ciêz đrôngl, muk lok trâu cxuô chuôz zis sđ puôr lênhx sêiz  njôngr ntênhk txưk thiêz ntênhk shov zơưv chủ tịch têz qơưs Trần Đại Quang. Tix lâus Nguyễn Trung Kiên, Hội vênhx huôv Nghệ Thuật tỉnh laox cai hêik pâuz:

“Zơưv Trần Đại Quang zos iz tsov iêr chi cax lul, sir tas đas jos tsưr ziv uô tâu tiêr cxuô luôs hâux lưv jông hâur têz qơưs, viv tsôngv px luz nênhx. Zơưv Trần Đại Quang tâu tas siv nênhx, cur lok six pôngz siêz, taz sik tsik pov kaz zuôr hêik li chas, tsuôk zos đros tsôngv px hâur hur si têz qơưs sik đros chuôz zis kênh têx cêr pôngz siêz xưz. Cur xar njôngr chor hluôk tov kaz no, tsuv cơưv shâuv zơưv chủ tịch têz qơưs têx cêr uô nênhx jông đros cxiv kho têz qơưs cov ziv hnuz ziv truôx jông”.

Ntơưv Điện Biên, tsôngv px ntơưv no cux njôngr njôngr hâur oz shông đhâu, chủ tịch têz qơưs Trần Đại Quang cux tuôx sêiz shuôk hâu nov tỉnh thiêz tsôngv px sđ hâur thax tsav. Iz chas hâu nov ntơưv qơư uô truôx cxuô luôs hâux lưv tso tơưv thiêz chủ tịch têz qơưs Trần Đại Quang cux hêik, hâu nov ntơưv qơư tsuv moz siêz txos tsôngv px sđ luz nênhx, gra siêz lok mcêr cơưv txux chi đros trâu cxiv tsa cxuô cêr nênhx vênhx huôv jông trâu thax tsav tsôngv px hêir nênhs tsơưs. Pos Nguyễn Thị Thu Hằng, nhoz jos 21, phươngx Tân Thanh, đrôngl Điện Biên phủ, tỉnh Điện Biên hêik pâuz:

“Pêz sđ lok six pôngz siêz; hâur oz pêz hnuz đhâu, cux tsênhv sêiz pov zơưv chủ tịch têz qơưs đêiv ntơưr phôngv tsiêz Trung thu trâu nhuôv zâu; taz sik cux ho hnor mông zơưv chủ tịch têz qơưs tâu tas siv nênhx thiêz uô trâu tsôngv px cxuô hêir nênhs sđ nhoz faz Bắc cêr pôngz siêz lox, thâuv tưs tsôngv px pêz sđ tưz ndo txiêx njis txos zơưv chủ tịch têz qơưs Trần Đại Quang”.

Hâur ntu uô chủ tịch têz qơưs cux li hâur ntu uô Bộ trưởng Bộ công an, Đại Tướng Trần Đại Quang, tưz tsês ntâu six hơưv hnuz nhôngs muk sêiz shuôk tsôngv px faz Bắc, tsôngv px sđ thâuv tưs cux ndo njôngr txos chủ tịch têz qơưs. Tix lâus Tòng Văn Tiến nhoz phươngx Chiềng Sinh, đrôngl Sơn la hêik pâuz:

“Hâur oz pêz hnuz đhâu, cur tsênhv sêiz pov chủ tịch têz qơưs Trần Đại Quang xa ntơưr phôngz tsiêz Trung Thu trâu nhuôv zâu thiêz khoz đruôk kriz shông cơưv yiêz. Taz sik, thâuv hnor mông zơưv chủ tịch têz qơưs tâu tas siv nênhx, pêz sđ lok six pôngz siêz, pêz sđ muôx luk xa đros chủ tịch têz qơưs chuôz zis sik phêiz kênh cêr pôngz siêz”.

Chủ tịch têz qơưs Trần Đại Quang tâu tas siv nênhx, taz sik chủ tịch têz qơưs cxuô luôs hâux lưv uô hâur ntu đhâu, thâuv tưs nhoz nhoz trơưr tsôngv px faz Bắc siêz tsik plox./.

                                         (Tsu cxêik nhênhv-Nhóm PV Tây Bắc)