Tsôngv box tox siêz Lào Cai, tiv zix zos thax tsav tsôngv box mênhx cxưx tsơưs nênhs tsênhv tsov cưv jông txos Đại hội Đảng tas nro têz qơưk jiês tiv 13. Nghĩa Đô- qơư muôx zuôr xar 100% zos tsôngv box mênhx cxưx Tày nhoz uô nênhx, phênhv ntâu zos uô kôngz jôngr nuv, taz sik hâux lưv zov chênhr zos pox nhuôs lok six tsov cưv thiêz njênhs njôngr lok đại hội Đảng jiês no. “Tsôngv box xar njôngr cxôngx Đại hội jiês tiv 13, Đảng, têz qơưk zuôr muôx têx cơ chế, chính sách, tiv zix zos tsov cưv txos tox siêz li tênhv tênhz, cêr muk lok, tsêr cơưv ntơur, qơư y tế, BH y tế; chính sách trâu nênhs pluôs, tsôngv box mênhx cxưx tsơưs nênhs chiê tsôngv box muôx luz nênhx tsâu sor, shir phaz đuô”./.

(An Kiên-Txâur Vax cxeik nhênhv)

Shir phax đros têz qơưk têx hlôngr yiêz, chor thành viên Câu lạc bộ nhiêv mnôngs Đaix jok Cá, phường Chiềng An, thành phố Sơn La tưz sik sêiz lax thiêz vav njôngr trâu têx tsưr ziv, tsênhv chêi nzor tâu kriz uô hâur luz nênhx. Zơưv Cầm Văn Tuân, Phưv sêiz car Câu lạc bộ nhiêv mnôngs Đaix jok Cá puz pâuz: Iz hâur têx kror yiêz hâur Đại hôiv 13 zos xav jênhv tsênhz mênhx txos huôv tsar têz qơưk đuô: “Đros zos iz lênhx nênhs hnuz nhôngs tưz siêz, cur tsik so sir jos thiêz cơưv nzir đhâu têx pov chir, Đaix, ti vi. Txix co cux kruôz kriê nzir trâu têx tuz nhuôs pâuz txos lịch sử jêx jok, têz qơưk, chiê têx tuz nhuôs pâuz tâu txos têx kror jông, muôx siêz nhiêv txos têz qơưk đuô. Tov kaz no chor nhuôs zuôr zos chor nênhs txơưx njê, paz trâu têz qơưk”./.

(Trấn Long-Lik hox cxêik nhênhv)

Côngv đros khôngz qiv tas nro têz qơưk, cán bộ chiến sĩ bộ đội pênhz phax tỉnh Điện Biên ntơưv têx tuêv seiz car nhoz ntus đriv xã Pa Thơm, huyện Điện Biên đros tsôngv box têx mênhx cxưx Lào, Cống, cux tsênhv ndar txos đại hội Đảng tas nro têz qơưk jiês tiv 13.

Trung úy Quàng Văn Anh, tuêv tsar tuêv phax tar zax zênhz thiêz nênhs phamv cxâuv, Zênhx pênhz phax Pa Thơm pheiz kênh: ntơưv qơư seiz car tsi muôx sóng điện thoại, taz sik mnôngs tâu Đeix, viv li pêz cux tsov cưv thiêz pâuz tâu qênhx shênhx Đại hội. Têx cán bộ, chiến sĩ tsênhv sir jos uô hâux lưv por vêv ntus đriv têz qơưk, por vêv Đại hội Đảng thiêz phax tar moz Covid-19 muôx chêx cuk./.

(Vũ Lợi- Txâur Vax cxeik nhênhv)

Tsôngv box cxuô mênhx cxưx Tây Bắc sik đros xar lok Đại hôiv Đảng tas nro têz qơưk đros têx hâux lưv uô tsênhv tsênhz.

Zos lênhx nênhs nhiêv pax, nhiêv nghệ thuật viv li tix lâus Lù A Páo nhoz jok Rừng Ổi Khèo Thào, xar Hồ Thầu, huyện Tam Đường, tỉnh Lai Châu, tsưr luz vax Quang Thanh cuêz tênhv so hâux lưv Têz qơưk chiê lok chos pax. Shông 2011, tix lâus Páo piz chos muôx 600 tsoz txir đuô jôngr; shông 2016, tror chos nzir 150 tsoz txir đuôx tơưs pax ntâu zav. Lơưr tix lâus Páo, kỹ thuật thiêz tsưr ziv tu chor txir đuôx mak zôngx ziv, chiê tơưs pax ndar trâu jiês tsiêz mak txos iz đraz hlik hli 11 tsuv muôz chor blôngx đê cov tas chiê txir đuô tsêx trung zus chor pax, taz por pax tơưs ntâu, siz luôs thiêz lox, jông gâux. Tưz tsik zos muôs xưz mak oz pêz shông jê lok no tsênhv uô nzir dịch vụ muôz ntiêr txir đuôx chiê nox tsiêz, fênhx six mak txix kaz hli 12 zênhz lix txos tas tsiêz, gri txix 2-15 triệu đêiv iz tsoz. Khov co, paz muôx tâu phênhv sâu 250 triệu đêiv iz shông./.

(Báo Lai Châu-Lik Thox cxêik nhênhv)