Viện kiểm sát tỉnh Điện Biên nhiv kruôr tik cêr cxâuv đros têx lênhx nênhs hâur txuz án tuô tuôs lênhx nxeik muôv muôs keiz hâur six hơưv nox tsiêz shông 2019. Lơưr co, tsov lơưr têx qênhz yuôx tâu, Viện kiểm sát tỉnh tik cêr cxâuv têx lênhx nênhs viv ntês lênhx nênhs chiê txênhz chuôz zênhx chuôz tas, tuô tuôs lênhx nênhs, zuôv lênhx nênhs uô đaz uô tuôs, muôv muôs zax zênhz thiêz tsi heik kriê nênhs phamv cxâuv. Hâur co muôx 6 lênhx trâus cơư tux 20 shông txos cơư iz tiêv lok sik trâus tuô por tsês. Vì Văn Toán xênhz shông 1982 nhoz tuêv 5, xã Thanh Yên, huyện Điện Biên trâus tik cêr cxâuv viv tuôx tuôs lênhx nênhs thiêz ntês cơư lênhx nênhs, txênhz chuôz zênhx chuôz tas lơưr Bộ luật hình sự li cui tênhv./.                                

(Vũ Lợi- Txâuk Vax cxeik, nhênhv)

Trơưk li lưv lươngv muôx vax huôv thôngz sâu, txix hâur shôngk shông txos nhiv no, hâur thax tsav tỉnh Yên Bái tưz qênhz pov 130 ntâu txuz, zuôr xar 180 lênhx nênhs mul lok trâu luôs 2 chas têz qơưk đrâuv tsi trơưk chei, hâur co muôx 60 ntâu lênhx tưz trâus ntêk thiêz tso tror kaz lok VN.

Phênhv ntâu nênhs lox tôngv mul lok saz đrâuv luôs 2 chas têz qơưk zok nriêr hâux lưv uô tsi trơưk chei zos viv luz nênhx txov nhêv, xar muk saz têz qơưk đrâuv uô hâux lưv seiz luz nênhx pok hlôngr yiêz; iz cxiê lênhx txơưr đuô tiv trâul luôs lưv tuk zâuv, hâuz nziêk. Thâuv muk txos đrâuv luôs 2 chas têz qơưk, luz nênhx lok six txov nhêv, muôx ntâu kror tsi jông, ntâu lênhx tsuv trâus uô têx hâux lưv hnhar, lok six riêz nênhs. Pos Mai Thị Hoàng, nhoz jok Làng Than, xã Phong Dụ Thượng, huyện Văn Yên, tỉnh Yên Bái, muôx lênhx tuz trâul tuôs thâuv muk uô hâux lưv saz đrâuv luôs 2 chas têz qơưk tsi trơưk chei heik pâuz:

“Lênhx nhuôv khiêr muk uô hâux lưv saz đrâuv luôs 2 chas têz qơưk tsi trơưk chei, hmôngr tsi jông trâul tuôs ntơưv Trung Quốc, tsês ntâu têx cêr qiv, pôngz siêz lox trâu chuôz zis. Hâu nov ntơưv qơư tưz muôz jông six hơưv paz max chuôz zis chiê tok tuk nhuôv lok uô đaz uô kruô. Cur vav thiêz xar cov sđ tsi cxoz muk uô hâux lưv đrâuv luôs 2 chas têz tsi trơưk chei li ntơư, muk saz đrâuv mak lol six txov nhêv, njiz trâus ntâu kror tsi jông...”./.

                             (Đinh Tuấn-Riê Lâux cxeik, nhênhv)

Txơưv tưz muôx ntâu tsưr ziv chiê txu gris qênhx shênhx siz zuôr thâuv tsi tâu txưv shông li: Xưv phuôv hành chính lơưr chei cui tênhv cxôngx 500 cxênhz txos 1 tsov đeiv iz lênhx nênhs uô cxâuv, taz sik phênhv xưv phuôv tsi txâuk chiê lơưr nyei. 2 shôngk đhâu tỉnh Lào Cai tsênhv muôx txos 1 cxênhz 200 lênhx nênhs siz zuôr thâuv tsi tâu txưv shông. Zơưv Nông Đức Ngọc, tsar ban mênhx cxưx tỉnh Lào Cai puz pâuz:

“Tỉnh li siêz xar chox kriê zos txu gris qênhx shênhx siz zuôr thâuv tsi tâu txưv shông, siz zuôr siz jê sâuv thax tsav tỉnh Lào Cai zos tsuv phax thiêz tar. Cxôngx siêz xar co mak tso tơưv qơư tsov txos zos tsuv txu gris kis qênhx shênhx no. Chiê uô tâu hâux lưv co, hâux lưv tsênhv zos tsov cưv txos têx njiêz luv yax mông”./.

(TTTB- Txâur Vax cxeik nhênhv)

Têx hnuz lok no nhoz cxuô jêx jok thiêz trơưk 2 saz têx ntus cêr mul lok hâur tỉnh Lai Châu zos pov têx pax Dã quỳ tơưs yiêz đax vok trâu cxiê qơư. Co zos six hơưv jông trâu tsôngv kruô sđ thâuv xar tuôx ndis shuôs ntux uô si seiz njiê jêx jok, têx pax tơưs yiêz. Chor pax heik co khênhr tơưs đra thiêz yiêz jông hâur 2 ciêz txơưv đuô thiêz jênhs tal, chênhr viv li hâur cheix ntux mê njik no nziês li no, Lai Châu zuôr zos qơư jông trâu tsôngv kruô, têx lênhx nhiêv txos têx pax tơưs yiêz jông jav tuôx uô si, ndis shuôs têz qơưk./.

(Báo Lai Châu-Riê Lâux cxeik, nhênhv)