Zar hnuz kêix hnuz 26/12, Cơ quan Cảnh sát qênhz yuôx, Công an tỉnh Lai Châu heik pâuz, taz viv tưz ntêk tâu thiêz xơưz xưv 5 lênhx nênhs cxoz txưv uô tsi trơưk têz qơưk têx cui tinhv lok seiz car kinh tế, uô hiêv lox txos têx nhiêx txiêx têz quưk ntơưv tsêr nhiêx kôngz nuv thiêz huôv tsar tox siêz huyện Sìn Hồ.

Iz chas ntơư, txix têx ntơưr pênhr thiêz đhâu qênhz yuôx, hnuz 19/11, Cơ quan Cảnh sát qênhz yuôx, Công an tỉnh Lai Châu tưz tso tơưv chei yơưz vơưz, qir ntêk zênhx max thiêz qênhz shuôs ntơưv qơư nhoz, qơư uô hâux lưv, qơư khơưk tsês têx ntâuz ntơưr uz no uô zuôv têx chei, cui tinhv heik sâuv đros thiêz Trần Văn Sơn, xênhz shông 1975, canr bôv tsêr nhiêx kôngz nuv thiêz huôv tsar tox siêz tỉnh Lai Châu (kuz thơưx tsêr nhiêx huyện Sìn Hồ) lok sâuv nox nhiêx têz qơưk chiê phưx vưv luôs hâux lưv qênhz yuôx. Qênhz yuôx shuôs ntơưv qơư khơưk tsês têx ntâuz ntơưr uz no, ntơưv tsêr nhiêx kôngz nuv tưz pov thiêz sâu tsês tâu 29 luz hồ sơ kêr txeik pênhr nhiêx zos Trần Văn Sơn thiêz têx lênhx đros Trần Văn Sơn tuôr hâur uô têx nuv tsi trơưk chei ntơư cxiv uô chiê nox nhiêx đros thiêz chor nhiêx lơưr muôz hâur tsêr nhiêx kôngz nuv thiêz huôv tsar tox siêz huyện Sìn Hồ zos 37,25 tỷ đeiv./.

(Khắc Kiên-Riê Lâux cxeik, nhênhv)

Nganhx du lịch tỉnh Điện Biên tror muôx ntâu hlôngr yiêz. Shông 2017 no, tas nro tỉnh tưz tok xar muôx 600.000 lênhx kruô, hâur co, kruô ntiêx têz muôx 120.000 lênhx. Tas nro phênhv sâu txix huôx tôngv du lịch nhoz tỉnh njuôk xav muôx 950 tiv đêiv. Pir li shông uô ntêx, chor kruô tuôx ndis shuôk, du lịch ntơưv tiv phaz ndê 43%; chor kruô ntiêx têz thiêz phênhv sâu txix du lịch nhoz tỉnh puôr lênhx ndê 70%. Zơưv Phạm Việt Dũng, Giám đốc sở vênhx huôv-Thể thao thiêz Du lịch tỉnh Điện Biên puz pâuz: Ntu zuôr txos, tỉnh zuôr tror tsov cưv thox cxv pênhr jos tsơưr lươngv siêz chiê phưx vưv jông tiv zix tsôngv kruô li zoz qơưx ndis shuôk, duc lịch:

“Chiê huôv tsar tax tâu zoz qơưx mak tsuv huiz tôngv, thox cxov lưx lươngv ntơưv qơư, tiv zix zos sir jos trâu du lịch côngv thôngx thiêz hêik chor doanh nghiệp sik đros côngv đas jos chiê muôz nhiêx txiêx thox cxov thiêz tỉnh cux hêik chor nênhs tâu thox cxov tsơưr lươngv siêz nhoz chor tsêr cơưv, chor tỉnh tơưr đuô lok paz trâu Điện Biên thiêz uô côngz xưv ntơưv Điện Biên. Uô tâu li co thiêx tax tâu tsôngv kruô li zoz qơưx hâur ntu zuôr txos”./.

(Vũ Lợi-Lik Thox cxêik nhênhv)

Thâuv 9 six tsâuk hnuz 25/12, ntơưv tsêr uô jâuz uô mor trâu tsôngv kruô nox Thuyền Chài, nhoz jok 6, phường Hợp Minh, TP Yên Bái, tỉnh Yên Bái, iz luz yêz lox KIA K3 thâuv thoz kaz tưz trâus pôngz, ntos trâu hâur đêx liêz, uô 2 lênhx bác sỹ hâur yêz trâul tuôs.

Trơưk li Công an TP Yên Bái, luz yêz heik sâuv trâul tos hâur đêx toz muôx 6-7 thiêr. Lênhx nênhs tsar yêz thâuv co zos bác sỹ chuyên khoa II Phạm Văn Thuận, xênhz shông 1969, Phưv khoa ngoại, tsêr kho moz đa khoa tỉnh Yên Bái; lênhx jâuv đros sâuv yêz zos Ngô Văn Sinh, xênhz shông 1964, uô hâux lưv ntơưv khoa chơưv kho têx lênhx nênhs trâul moz hnhar, tsêr kho moz Đa khoa tỉnh Yên Bái. Đhâu thâuv muôx yưv têx tsi jông li heik sâuv, têx lênhx nênhs uô hâux lưv chơưv paz tưz zênhx max zok nriêr chơưv lênhx tiz nênhs, taz sik tiv đêx toz thiêz chênhr, tsi muôx lênhx tưs pâuz uô luôv đêx, viv li hâux lưv chơưv paz njiz ntâu phiv liv. Txos thâuv 2 six 30 phênhz tas cik sơưr nzor hnuz 26/12, têx lưv lươngv chơưv paz thiêx buôk ti tâu qơư lênhx nênhs thiêz yêz trâus pôngz co chiê bo yêz hâur đêx lok. Taz sik 2 lênhx bác sỹ heik sâuv tưz trâul tuôs. Nhiv no qir tiv tsênhv tâu cơ quan muôx vax huôv qênhz yuôx, uô tsênhz mênhx./.

(Tuấn Xuân-Riê Lâux cxeik, nhênhv)

Six hơưv kaz shông no, qênhx shênhx thâux gra fov ntơưr đhâu ntus đriv Lào Cai tror chuôz ndê. Bộ chỉ huy Bộ đội pênhz phax tỉnh tưz chox kriê chor taz viv chuôz cxaz côngz xưv qênhz yuôx, sik côngv truôx đros chor cơ quan txơưx jênhv chiê tir tar qênhx shênhx thaux gra tsik zos chêi cxuô zav hax huv đhâu ntus đriv. Nhiv no tas nro chor hâux lưv co tsênhv tâu qênhz yuôx uô tsênhz mênhx./.

(An Kiên-Lik Thox cxêik nhênhv)