Nhiv kruôr đhâu, UBND huyện Bảo Thắng, tỉnh Lào Cai tsưr tsix jiês cơưv hluôk nênhs uô nox shông 2019. Ntơưv jiês cơưv, ntâu tsưr ziv uô nox tưz tâu chor hluôk nênhs huyện Bảo Thắng muôz lok sêiz lax. Thôngz đhâu chor jiês sêiz lax, chor têiv plor tưz hêik kriê, phêiz kênh têx tsưr ziv uô, têz qơưk têx tsênhv chêi paz thiêz tiv zix zos txix chor hluôk nênhs têx tsưr ziv uô nox tưz yênhx côngz. Thôngx cxix, hêik tơưv têx tsưr ziv khưx phưx têx phiv liv trâu chor hluôk nênhs muôx nzir txux chi thiêz tsar tov chiê uô tsênhz đuô zuk li tsưr ziv uô nox./.

(KT-Lik Thox cxêik nhênhv)

Cxuô thax tsav qơư tỉnh Yên Bái tsênhv uô ntâu faz tsưr ziv, chiê phax tir thêir moz ơưk buô châu Phi siz cik đêz đar. Ntơưv huyện tox siêz Trạm Tấu, zuôr xar 60% chuôz zis zos chuôz zis pluôs, 80% ntâu tsôngv box uô nênhx khov trâu têx liêx têz, zos moz ơưk buô châu Phi huôv xênhz, zuôr uô ruôr hiêv lox txos tsôngv px luz nênhx nox nhoz. Chênhr viv li, huyện tưz sir jos yax mông fuô kriê trâu tsôngv box sđ pâuz lok têx moz ơưk thiêz tsưr ziv phax tir thêir tsi chiê caz moz siz cik..... Zơưv Nguyễn Văn chiến, Phưv Giám đốc Tsênhv qơư Dịch vụ, paz huôv tsar kôngz nuv huyện Trạm Tấu heik pâuz:

“Đhâu pêz cơ quan car lês uô đreiv hâux lưv li heik sâuv yax kriê trâu tsôngv px thiêz lênhx nênhs tu zus, heik cxuô tsôngv px sđ jông siêz, thôngx ziv đros luôs hâux lưv phax tir thêir moz ơưk”./.

(Thừa Xuân-Riê Lâux cxeik, nhênhv)

Têx hnuz đhâu, moz ơưk buô Châu Phi tưz muôx yưv ntơưv chor xar Noong Hẹt, Phu Luông, Thanh Luông, Na Ư, Thanh An thiêz Thanh Nưa huyện Điện Biên, tỉnh Điện Biên. Hâur chor hnuz txix 18 txos 26/3, sâuv thax tsav chox xar no tưz muôz hlơưr por tsês tas nro muôx 84 tuk buô trâus moz, hâur co ntâu tiv zix zos xar Phu Luông 60 tuk thiêz Noong Hẹt 14 tuk. Đrâuv huyện Điện Biên, tưz muôx oz huyện zos Tuần Giáo thiêz Mường Ảng, tỉnh Điện Biên hêik pâuz muôx moz ơưk buô Châu Phi. Xav txos hnuz 26/3, huyện Tuần Giáo tưz muôz hlơưr phâuk por tsês 138 tuk buô trâus moz; huyện Mường Ảng hlơưr phâuk por tsês 50 tuk./.

(Vũ Lợi-Lik Thox cxêik nhênhv)

  Hnuz 26/3, ntơưv jok Quyết Tiến, xã Nà Nghịu, huyện Sông Mã, tỉnh Sơn La, Công an huyện Sông Mã tưz ruôr por tsês tâu txuz nhiês zuôr muôs, uô luôv zax zênhz lox, ntêk tâu Lê Đức Thắng, xênhz shông 1989, nhoz ntơưv jok 8, thị trấn Sông Mã, huyện Sông Mã, tỉnh Sơn La, tsênhv taz tov zuôr muôs zax zênhz tsi trơưk chei. Têx chuôz zênhx sâu tâu muôx 4 poz zênhz đơưz, iz luz yêz meir, iz luz máy hu xor tôngx. Krêz đar qênhz yuôx, Cơ quan Cảnh sát qênhz yuôx Công an huyện Sông Mã tưz tâu chei ntêk zênhx max Lầu Bả Câu lok zos Câuk Xênhv Lâux, xênhz shông 1979, nhoz ntơưv jok Khua Họ, xã Huổi Một, huyện Sông Mã lok sâuv zuôr muôs zax zênhz tsi trơưk chei. Nhiv no txuz plâuz co tsênhv tâu tror qênhz, uô tsênhz mênhx./.

(Trấn Long-Riê Lâux cxeik, nhênhv)