Ciês thâuv Bộ Y tế heik pâuz lok lênhx nênhs moz tiv 133 tâu xav tiêk trâul moz SARS-CoV-2, muôx vax tsêr nhoz ntơưv phường Tân Phong, TP Lai Châu, Ban chox kriê phax tar moz gênhs tỉnh Lai Châu tưz cơưv zênhx max chox kriê uô luôs hâux lưv kho moz thiêz qênhz shuôs hur tiz si chor nênhs tâu nhoz jê, buôk ti đros lênhx nênhs moz chiê fuô uô hâux lưv kuôk cêv, tso chor nênhs ntơư nưk nhoz nưk iz kro. Ntơưv qơư tso chor nênhs tâu xav tiêk zôngx ziv trâul moz thiêz cik tâu moz ntơư nưk nhoz nưk iz kro hâur trường quân sự tỉnh lai Châu ntơưv phường Quyết Thắng, TP Lai Châu, txos 8 six tas cik hnuz 26/3, muôx zuôr xar 300 lênhx tâu nhoz jê, buôk tik txos chor nênhs tâu nhoz jê đros lênhx nênhs moz tâu cêv tso lơưr nhoz lơưr iz kro. Ntơưv tsêr kho moz đa khoa tỉnh sox seiz njôngr, cêv 26 lênhx nênhs nưk nhoz nưk iz kro, tsi chiê nhoz jê đros luôs lưv tus txơưr đuô/.

                                    (Khắc Kiên-Riê Lâux cxeik, nhênhv)

Chiê phax tar moz Covid-19 tsênhv txơưr txar phiv liv, chor tỉnh Tây Bắc hêik cơư kror trôngx tas nro têx qơư kinh doanh dịch vụ sâuv thax tsav. Tỉnh Yên Bái hêik têx Sở, nganhx thiêz tiv phaz kriz uô ntâu tsênhv njiêz chiê phax tar moz Covid-19, cxaz nzir kriz uô giao dịch trực tuyến, điện thoại hâur côngz xưv, txo grêk têx jiês siz njiz ciês; cxơưz cxiz chor tsưr tsix, tiz nênhs uô hâux lưv đhâu Cổng dịch vụ công trực tuyến. Ntơưv Điện Biên, Ủy ban têx huyện, thị xar, thành phố sêiz shuôk, sik côngv đros Sở Vênhx huôv, Thể thao thiêz Du lịch, Sở Nội vụ, Công an tỉnh thiêz têx taz viv qênhz yuôx, bax cxuô nro têx qơư cêv kuôk sâuv thax tsav./.

(TTTB-Lik Thox cxêik nhênhv)

Hnuz 26/3, Ủy ban tỉnh Yên Bái tưz tso tơưv zênhx max ntơưr sôr 748 xa trâu Sở Y tế. Ban chox kriê phax tar moz Covid-19 thiêz têx huyện, thị xã, TP lok sâuv sox njôngr, seiz kaz đas jos tsôngv px, lênhx nênhs moz, chor cưk yuôx, bác sỹ muk txix tsêr kho moz Bạch Mai lok Yên Bái. Iz chas ntơư, heik zênhx max trâu tsôngv px pâuz, zos tưz muk tsêr kho moz Bạch Mai lok hâur 14 hnuz đhâu lok chiê cêv tưx lơưr nhoz lơưr iz kro thiêz sox seiz, qênhzz shuôs đal jos ntơưv tsêr, heik zênhx max trâu hâu nov ntơưv qơư thiêz cơ quan y tế pâuz thâuv muôx têx tuk tsi txơưr txar lok đas jos li: Uô cuz uô no, hnôngk, uô tsi yuô tâuk pa..... Choz Sở Y tế chox kriê cxuô qơư y tế nhoz hâur sở qênhz shuôs thiêz sâu bê têx lênhx nênhs tưz nhoz kho moz ntơưv zuk qơư chiê heik trâu Sở Y tế, tso lênhx nênhs moz ntơư nưk nhoz nưk iz kro chiê sox seiz, qênhz njuôk shuôs đal jos..../.

(Thừa Xuân-Riê Lâux cxeik, nhênhv)

Hâur 3 hnuz đhâu, ntâu tiv phaz nhoz thax tsav faz Bắc tror muôx yưv ntux nas đros lơưs uô ruôr hiêv ntâu txos têx vax tsêr, tsoz chos cxuô zav. Ciês hâur hnuz 25/3, ntux nas đros lơưs thiêz chuô lox muôx yưv ntơưv ntâu xar nhoz 3 huyện: Nâm Pồ, Tủa Chùa, Tuần Giáo uô 300 luz tsêr trâus za trur, puôk tsuôx (njuôk xav trâus hiêv muôx 30-70%), zuôr xar 200 hec thax tsav chos têx jâuz tâuv, ntông nox txir trâus hiêv. Njuôk xav xuz thơưx tas muôx 1,8 tiv đêiv. Xav txos 5 six zuôr tsâuk ntux hnuz 26/3, chor coz nas lok đros lơưs, chuô lox sâuv thax tsav tỉnh Sơn La tưz uô hiêv ntâu txos têx vax tsêr thiêz kôngz lôngk, đros tas nro têx trâus hiêv tas muôx 8 tiv đêiv ntâu. Đhâu ciês trâus ntux uô ruôr hiêv, Ban sêiz car phax tar ntux têz uô ruôr hiêv thiêz zok nriêr chơưv paz têx huyện, xar tưz qênhz yuôx tsênhz mênhx. Sir jos huiz tôngv pênhr jos ntơưv qơư chiê kho đuô têx vax tsêr, paz pox nhuôs nzor truôx tuk luz nênhx./.

(TTTB-Lik Thox cxêik nhênhv)