Ủy ban bâux xêir tỉnh Sơn La nhiv kruôr thôngz đhâu biên bản ntâuk gri jiês bâux xêir têiv plor HĐND tỉnh khóa 15, ntu 2021-2026; Njuôk xav Nghị quyết lok hêik pâuz jiês bâux xêir thiêz bê ntơưr chor nênhs tâu bâux xêir têiv plor HĐND tỉnh khóa 15, ntu 2021-2026. Lơưr co, tỉnh Sơn La muôx 110 lênhx ứng cử têiv plor HĐND tỉnh khóa 15; tsik muôx taz viv bâux xêir tưs muôx chor nênhs tâu bâux xêir tsơưs đuô chor têiv plor HĐND tỉnh tâu bâux xêir zos Ủy ban bâux xêir tỉnh xav jênhv. Tưz muôx 65 lênhx nênhs tâu bâux xêir têiv plor HĐND tỉnh Sơn La khóa 15, ntu 2021-2026.

Zơưv Hoàng Quốc Khánh, Chủ tịch Ủy ban tỉnh, Chủ tịch Ủy ban Bâux xêir tỉnh Sơn La khav tênhv: Jiês bâux xêir tưz tâu uô tiêr jông, ngaz tuk. Co zos muôx tas tas nro cxiv luôs Chính trị, cxuô cấp, cxuô nganhx, cxuô thax tsav qơư li sir jos chox kriê thiêz sik đros uô, sik côngv truôx jông, nzor đơưk kho têx phiv liv hâur tas nro ntu kriz uô hâux lưv bâux xêir./.

(TTTB-Lik Thox cxêik nhênhv)

Cux ntơưv Sơn La, chuôz tsar têx tsưr ziv phax tar moz Covid-19, Sở zaoz thôngz vênhv teiv tỉnh tưz tso tơưv ntâuz ntơưr số 1520 lok hâux lưv tso tsês hâux lưv yêz muk cxôngx Sơn La muk tp Hà Nội thiêz cxôngx Hà Nội tuôx Sơn La.

Lơưr co, cxôngx 12 six tá shmo hnuz 26/5 txos thâuv muôx thôngz pov yiêz, huox tôngv vênhv teiv thâux kruô cxôngx yêz kruô, yêz hôx thôngx, yêz ju lix, yêz taxi cxôngx Sơn La muk Hà Nội thiêz Hà Nội tuôx Sơn La tâu tso tsês, tsi xav têx yêz phưx vưv côngz xưv phax tar moz, yê zuô jênhv vưv txơưr lơưr chiz coaz muôx txơưx jênhv li zoz qơưx. TXos nhiv no tỉnh Sơn La tưz tso tsês huôx tôngv vênhv teiv muk lok đros 15 tỉnh thành li: Hòa Bình, Điện Biên, Nghệ An, Hà Tĩnh, Thanh Hóa, Hải Phòng, Ninh Bình, Lào Cai, Lai châu, Yên Bái, Phú Thọ, Tuyên Quang, Thái Nguyên, Hà Nội. Đros têx yêz vênhv teiv thâux hax huv tâu tso chei muk lok taz sik tsuv uô trơưk têx cui tênhv phax tar moz lơưr Bộ zaoz thôngz vênhv teiv, Bộ y tế thiêz tiv phaz li heik kriê./.

(Trấn Long-Txâur Vax cxeik nhênhv)

Tỉnh Điện Biên cux muôx hêik pâuz tso tsês, txưr têx yêz thâux xa kruô so tsik thâux xa kruô muk lok trâu têx tỉnh, xav tas nro muk trâu Hà Nội.

Lơưr co, tso tsês tas nro têx yêz thâux xa kruô muk trâu têx tỉnh thiêz txix Điện Biên muk Hà Nội thiêz txix Hà Nội, têx tỉnh txơưr tror tuôx trâu Điện Biên. Yưx chor yaz phưx vưv trâu côngz xưv phax, tar caz moz, têx yêz uô têx hâux lưv txơưr lơưr cơ quan muôx vax huôv hêik pâuz. Hêik pâuz no tâu uô trơưk txix iz tas hmo hnuz 27/5 txos thâuv muôx hêik pâuz yiêz.

Nhiv no, qênhx shênhx moz Covid-19 sâuv thax tsav tỉnh Điện Biên tsênhv yuôr ntâu phiv liv. Hâur 19 hnuz đhâu tỉnh tưz muôx 56 lênhx nênhs trâus moz Covid-19 ntơưv 4  huyện, thị xar, thành phố zos: Huyện Điện Biên, Nậm Pồ, thị xar Mường Lay thiêz thành phố Điện Biên Phủ./.

(Vũ Lợi-Lik Thox cxêik nhênhv)

Ntơưv tỉnh Lai châu, cxôngx hnuz 29/4 txos hnuz 24/5 ntơưv 4 qơư seiz car moz Covid-19 sâuv thax tsav tỉnh tưz qênhz yuôx zuôr xar 1 cxênhz 900 jiês yêz teiv thâux kruô muk lok hâur thax tsav, pov thiêz yưr lir uô cxâuv hành chính đros 6 lênhx nênhs tsar yêz kruô muk cxôngx Lai Châu muk Vinh; Ninh Bình; Mỹ Đình; Thái Bình....têx lênhx nênhs no tưz uô cxâuv Chính phuv li Nghị định 100 thiêz Nghị định 176 li cui tênhv, tsi heik kriê y tế sâu phần mềm nriêr lênhx nênhs, tos kruô cxôngx thax tsav muôx moz huôv xênhz, sâuv cêr muk chênhr...Lơưr co 5 lênhx nênhs tsar yêz uô cxâuv cui tênhv hâur vênhv thix y tế trâus xưv bluô 7,5 tsov đeiv; 1 lênhx xưv bluô 6 tsov đeiv thiêz sâu tsês ntơưr tso chei tsar yêz 3 luz hlik./.

(K. Kiên-Txâur Vax cxeik nhênhv)