Tiv ntux nas lox lok trâu cxiê qơư tưz uô đêx cuôr yôngz ntơưv xã Suối Bu, huyện Văn Chấn, tỉnh Yên Bái, uô iz lênhx nênhs trâul tuôs thiêz iz lênhx trâul pôngz plox mông.

Lưv lươngv muôx vax huôv thiêz chuôz zis tưz zok nriêr tâu zơưv Txôngr Xênhv Muôk tưz trâul tuôs nhoz thax tsav qox Cầu Thia, thị xã Nghĩa Lộ, kuôk qơư zơưv Txôngr pôngz zuôr xar 20 cêik. Iz chas ntơư coz nas lox co cux uô puôk tsuôx, cxuz tas tas tsôngv box iz cxiê liêx têz blêx, jâuz tâuv uz no.

Nhiv nor hâur thax tsav huyện Văn Chấn ntux tưz tror yar, chor lưv lươngv muôx vax huôv tsênhv sir jos zok nriêr têx lênhx trâus pôngz plox mông; iz chas co paz max chuôz zis uô đaz uô kruô trâu têx lênhx trâul tuôs tưz zok nriêr tâu lơưr phôngz cxưx ntơưv qơư./.

(Thừa Xuân-Riê Lâux cxeik, nhênhv)

          Hâur têx hnuz đhâu, ntơưv  3 huyện tox siêz Mường Khương, Bắc hà, Si ma Cai, tỉnh Laox cai, muôx ntux lok nas lox uô ruôr hiêv hnhar txos tsôngv px sđ têx chuôz zênhx chuôz tav, vax tsêr thiêz kôngz lôngk.

          Tsênhz mênhx nas chuô tưz uô 41 luz tsêr trâus đêx nas ngaz; hâur ntơư huyện Mường Khương 13 luz tsêr, Bắc hà 7 luz, Si ma Cai 21 luz tsêr thiêz  30 ntâu ha kôngz lôngk đros trâu ntâu thax tsav qơư tu zus tsiêx cxu trâus đêx nas ngaz uô puôk tsuôx; xav tas 9 tỷ ntâu đêiv.

          Đhâu đêx nas chuô uô ruôr hiêv, hâu nov cxuô tsênhv qơư tưz tso lực lươngx thiêz px sik côngv đas jos đros paz cxiv kho đuô vax tsêr cov px muôx vax tsêr nhoz, nzor muôx luz nênhx truôx tuk./.

(Tsu cxêik nhênhv-An Kiên)

Ủy ban huyện Điện Biên, tỉnh Điện Biên nhiv kruôr tsưr tsix ntênhs côngz fur xã Thanh Luông uô tâu luôs hâux lưv cxiv tsa jêx jok yiêz.

Đhâu 6 shông cxiv tsa jêx jok yiêz, têx côngz trênhx, hâux lưv kinh tế-XH hâur thax tsav xã tâu yưv pênhr cxiv tsa, jux juk uô tâu jông; têx hâux lưv kinh tế thiêz tsưr ziv tsưr tsix huôv tsar uô nox fiv đros, uô kôngz đros trâu công nghiệp, y tế, zoz zux.....puôr lênhx uô tâu jông; xav kror đruôz đraz iz lênhx nênhs sâu tâu 28 tsov đeiv hâur shông 2017 (tsar ndê zuôr xar 10 tsov đeiv pir li shông 2011); têx chuôz zis pluôs txo grêk tsơưs txix 23% ntâu yuôr xar muôx 9%.

Chiê tror tuôr truôx thiêz gra siêz tsơưr lươngv têx hâux lưv uô cxiv tsa jêx jok yiêz, ntơưv ntênhs côngz fur, Ủy ban xã Thanh Luông tưz phuôx tôngv phôngz yaox sik tưr “Tuôr truôx côngz bê xã jêx jok yiêz”./.

(KT-Riê Lâux cxeik, nhênhv)

  Huyện mai Sơn, tỉnh Sơn la tưz hêik lok txir “Na Mai Sơn”zos iz zav txir nox kaz.

Txix shông 2004, tsoz chos txir Na tưz tâu tsôngv px chuôz piz huôv tsar trâu thax tsav huyện mai Sơn, tỉnh Sơn la, tâu tsôngv px thiêz tsôngv kruô nhiêv zuôr chox muk nox, tsôngv px muôx phênhv sâu tâu cxaz nzir yênhx puô triệu đêiv nhiêx hâur iz shông thiêz cux tâu trôngv px huôv tsar chos tsoz chos txir Na trơưk li VietGap. Zơưv Vũ Tiến Đĩnh, phưv chủ tịch ủy ban huyện Mai Sơn, tỉnh Sơn la hêik pâuz:

“Luôs hâux lưv yax kriê tsôngv px chos tsoz chos txir Na trơưk đrêiv li tsưr ziv kriê txuôs đros công ty cxiv uô, sâu zuôr, jiêz kra thiêz muôs huv đros tus grê, cux zos iz luôs hâux lưv zov chênhr tsuv uô cov tâu truôx trâu hâur ntu zuôr txos no./.

(Tsu cxêik nhênhv-Hoàng Long-VOV Tây Bắc)