Huyện Mai Sơn hux jos đros công ty muôv muôs thiêz zuôr muôs têx xiv huv đrâuv luôs 2 chas thax tsav GreenPath VN (Nà Nội) tưz muôs 1,2 tênhr têx txir lưv tsiz nhôngk mul trâu ciêz đrôngs Ôxtrâylia. No zos huyện Mai Sơn têx txir lưv tsiz jiês xuz thơưx tâu muôs trâu ciêz đrôngs no hâur shông no.

Txir lưv tsiz Mai Sơn muôs trâu ciêz đrôngs Ôxtrâylia tâu sâu đê, txiêr uô iz luz luz, ntiv hâur têx thôngz, far ntơưr, iz luz thôngz, far ntơưr muôx 1,1 cir thiêz tâu thâux xa muk trâu Hà Nội qênhz shuôs têx txir uô ntêx thâuv zuôr muôs trâu têz qơưk đrâuv./.

                           (VOV4-Riê Lâux cxeik, nhênhv)

Huyện Mường Ảng (tỉnh Điện Biên) ntâu shông lok no tsik so njiz phiv liv hâur hêik shux xênhz tror tuôx cơưv ntơưr. Taz sik muôx cấp ủy, chính quyền tiv phaz li đros uô, piz txix shông cơưv nhiv kruôr đhâu, chor shux xênhz tuôx tsêr cơưv ntơưr chuôz ndê ntâu. Chiê chor shux xênhz mênhx cxưx tsơưs nênhs tso siêz cơưv ntơưr, phongx zoz zux thiêz thox cxov huyện uô truôx jông tsênhv chêi paz, txo grêk tsơưs nhiêx cơưv ntơưr trâu shux xênhz, paz trâu chor shux xênhz niêv xir zus mor, shux xênhz nhuôs zâu txix 3-5 shông…huv li cui tênhv thiêz cxix cxuô./.

(VOV4-Lik Thox cxêik nhênhv)

  Nhiv kruôr đhâu, ntơưv thax tsav qơư tsav yêz hlâu Pom Hán, Lào Cai, iz lênhx txir nênhx tâu seiz xưk li zos kâus chơưr, gak mul đhâu txox cêr hlâu, ndax trâu thâuv iz luz yêz hlâu nhiv kruôr qir tuôx txix qơư tsav yêz Pom Hán tuôx thâux hax huv ntơưv Mỏ Cóc tưz đrâu trâus lênhx txir nênhx heik co, uô tuôs nênhs. Lênhx nênhs heik sâuv tâu xav zos Phạm Văn V, xênhz zus shông 1961, nhoz ntơưv phường Pom Hán, TP Lào Cai. Tâu pâuz, co tsi zos jâuv xuz thơưx, zơưv V kâus chơưr li ntơư thiêz muk lol đhâu thax tsav no. Txeik tâu mông, cơ quan muôx vax huôv tưz muôx njêx muôs ntơưv qơư chiê qênhz yuôx shuôs. Nhiv no, lênhx nênhs heik sâuv tưz tâu choz trâu chuôz zis uô đaz uô kruô trơưk cêr nênhx phôngz cxưx ntơưv qơư. Tsôngv box sđ uô nênhx nhoz têx thax tsav jê ntus cêr hlâu muôx têx yêz mul lol tsuv uô trơưk têx lênhx nênhs seiz car cêr hlâu cui tinhv thâuv mul lok đhâu, txar jav têx tsi jông, riêz nênhs yưv siv./.

(KT-Riê Lâux cxeik, nhênhv)

Tar su hnuz 26/8, ntơưv jok Sư Lư 2, xar Na Son, huyện Điện Biên Đông, tỉnh Điện Biên muôx iz txuz trâus pôngz đêx pôngz siêz, uô 3 lênhx nhuôs zâu trâus tuôs. Pêz lênhx nhuôs co zos: Lò Văn Việt (zus shông 2016) thiêz oz lênhx vir ndâuk zos Lò Thị Bình (zus shông 2014), Lò Thị Trà My (zus shông 2016). Xor mông xuz thơưx puz pâuz: têis cik 26/8, tas nro pêz lênhx mê nhuôs co muk tsêr cơưv chiê cơưv ntơưr. Tiv zos hâur shôngk shông cơưv, tsêr cơưv ntơưr tsik tâu tsưr tsix uô jâuz mor nox ntơư tsêr cơưv, niêv txir muk uô hâux lưv, viv li chor nhuôs tâu chuôz zis tok lok trâu ntơưv pos zơưs-niêv têik zơưv txir zos Lò Văn Lún tsêr. Đhâu pluôs su, thâuv chor nênhs lâul pư su mak chor nhuôs nhiês muk đa đêx. Txos thâu 12 six, chuôz zis muk zok nriêr chêk tưz pov chor nhuôs trâus tuôs ntơưv zơưv Lò Văn Thiện zos Lò Văn Việt txir luz pak njêl. Ntu đhâu tưz muôx lok six ntâu txuz trâus pôngz đêx pôngz siêz, chor uô niêv uô txir tsuv uô jông sêiz shuôk jông zuk têx mê nhuôs, chiê txar jav tâu têx txuz phiv liv trâus pôngz siêz li no muôx yưv./.

(Vũ Lợi-Lik Thox cxêik nhênhv)