Txơưv tiêk nhiv kruôr yênhx lix, taz sik HTX kôngz nuv Mường Bú (huyện Mường La, tỉnh Sơn La) xuz thơưx tưz uô tâu yênhx côngz bê thiêz muôz trâu ciêz đrôngs têx xiv huv kôngz nuv hur thiêz jông trơưk lênhx nênhs sir zôngv tsưr ziv, siêz nhiêv. Đros thiêz 60 ntâu ha, HTX tsês 15 ha chos têx jâuz tâuv cxuô zav, yuôr đuô li zos chos têx ntông nox txir truôx tuk trơưl VietGAP. Chiê uô tâu têx jâuz thiêz txir ntông jông, HTX thâuv tưs tưz kriê thiêz seiz kaz truôx têx luôs hâux lưv chos thiêz tu têx jâuz. Txix hâur cheix txos nhiv no, HTX tưz sâu đê thiêz muôs hâur ciêz đrôngs 100 ntâu tênhr jâuz tâuv, txir ntông cxuô zav; hâur co, muôs 70 tênhr jâuz tâuv, têx txir ntông trâu ciêz đrôngs Big C ntơưv Hà Nội; yuôr đuô li zos muôs trâu têx qơư uô jâuz uô mor nox, muôs têx jâuz hur hâur thax tsav Mường La, Thuận Châu, Quỳnh Nhai./.

                           (Lường Hạnh-Riê Lâux cxeik, nhênhv)

Huyện Bắc Hà, tỉnh Laox cai zos thax tsav qơư tâu xêir chos cxuô tsoz chos yuôx đrox njuôz. Nhiv no huyện tưz chos tâu 90 ha tsoz chos yuôx đrox njuôz muôs trâu têz qơưs, tsôngv px muôx phênhv sâu tâu 150-160 triệu đêiv nhiêx hâur iz shông.

Taz sik, hâur ntu huôv tsar uô, huyện Bắc Hà tsênhv njiz têx phiv li li tsik muôx txâuk zuz tsoz chos thiêz huôv tsar uô tas ntâu nhiêx txiêx./.

    (Tsu vưx cxêik nhênh-Hạnh-Thào Ly)

Hâur txuz tuô hiêv lênhx nxeik shux xênhz muôs keiz Cao Mỹ Duyên thâuv Tsiêz têz qơưk nhiv kruôr đhâu uô trâu tas nro têz qơưk heik ntâu txos, Bùi Thị Kim Thu zos iz lênhx pox niêv hâur 9 lênhx nênhs buôk ti đros muôz lênhx nxeik Cao Mỹ Duyên chox muk jêik por tsês, seiz pov njôngr têx nênhs fêv zuôv lênhx nxeik heik sâuv uô đaz uô tuôs txix ciês thâuv xuz thơưx. Ntơưv cơ quan công an ntơưr suô luk qênhz yuôx sôr 71, Bùi Thị Kim Thu tưz trâus cxâuv lok sâuv sik đros chor nênhs fêv ntơư tuôr tsưr ziv tuô nênhs thiêz trâus xơưz xưv lok tsi heik trâu cơ quan muôx vax huôv pâuz chor nênhs fêv co têx cêr cxâuv. Txơưv li ntơư, taz sik đros trâu zuk têx cêr cxâuv tsênhz mênhx, iz lênhx pox niêv siêz fêv, siêz tsi jông tưz seiz pov njôngr thiêz chiê iz lênhx nxeik hluôk trâus tuô hiêv tuôs li no, mak tsôngv box sđ tsênhv xar tiêk, tik cêr cxâuv li co xưz pok zuôr tsiv nhos trâu Bùi Thị Kim Thu têx cêr zuôv, cêr cxâuv./.

(Vũ Lợi-Riê Lâux cxeiv, nhênhv)