UBND huyện Văn Chấn, tỉnh Yên Bái nhiv kruôr kỷ luật hiệu trưởng thiêz hiệu phưv tsêr cơưv nhuôs zâu Bình Thuận tiv têx uô cxâuv hâur côngz xưv. Lơưr UBND huyện Văn Chấn li cuêz tênhv, pos Trần Tố Trinh, Hiệu trưởng tsêr cơưv nhuôs zâu Bình Thuận trâus kỷ luật tso so hâux lưv tsênhv uô, pos Đoàn Thị Thương, Phưv Hiệu trưởng tsêr cơưv nhuôs zâu Bình Thuận trâus kỷ luật cảnh cáo tiv tưz uô cxâuv lok six zov chênhr têx cui tênhv lơưr cêr chêi têz qơưk hâur côngz xưv chox kriê, sêiz car thiêz sir zôngv nhiêx txiêx xã hội hóa ntơưv tsêr cơưv nhuôs zâu Bình Thuận txix shông 2014-2015 txos shông cơưv 2018-2019. Six hơưv uô lơưr kỷ luật zos 12 luz hli, xav txix hnuz Cuêz tênhv xưv lik kỷ luật trâu công chức tâu uô trơưk./.

(TTTB-Lik Thox cxêik nhênhv)

Uô lơưr têx tsưr ziv yiêz, ngênhx y tế Sơn La tsênhv tsi so gra siêz tsơưr lươngv por hưv, tsoz phưz đas jos trâu tsôngv px, lar heik zos tsôngv px nhoz thax tsav tox siêz đêz đrôngs, thax tsav txov nhêv. Pos Nguyễn Thị Kim An, Giám đốc Sở Y tế tỉnh Sơn La heik pâuz:

“Hâur têx shông zuôr txos mak ngênhx y tế Sơn La zuôr tror cxơưz tiês thiêz fuô uô lơưr têx tsưr ziv yiêz hâur seiz njuôk shuôs, kho moz thiêz zuôr txos ntơư zos tsêr kho moz Đa khoa tỉnh zuôr tsuv fuô uô cov tâu têx tsưr ziv seiz njuôk shuôs, kho moz li: Kho moz têx sâur lênhs, lênhs plơưr, kho moz trưx phax....paz trâu lênhx nênhs moz tâu chơưv kho moz txix ciês têx chuôz zênhx jông, tsưr ziv yiêz ntơưv qơư mak tsi tas muk trâu têx tsêr kho moz lox, paz txo grêk tsơưs chor nênhs moz chôngz hênhr trâu têx tsêr kho moz lox thiêz txo grêk tsơưs nhiêx txiêx khiêz kho moz trâu nênhs moz”./.

(TTTB-Riê Lâux cxeik, nhênhv)

Đros têx txơưr txar phiv liv lok caz moz ơưk A (H5N6 thiêz H5N1) muôx yưv ntơưv ntâu tỉnh, thành haur têz qơưk, Ủy ban tỉnh Điện Biên cux nhiv kruôr hêik têx tiv phaz hâur tỉnh sir jos kriz uô cxix cxuô têx tsưr ziv chiê phax, tar moz ơưk A muôx yưv nhoz paz kêiz ol, cik trâu lênhx nênhs thiêz cxuô zav moz siz cik phiv liv txix tsiêx cxu. Zơưv Đỗ Thái Mỹ, Chi cục trưởng Chi cục thú y tỉnh Điện Biên puz pâuz:

“Tu zus tsơưs cux tsênhv muôx ntâu ntơưv tiv phaz, viv li no cux zos iz kror lok six phiv liv chiê phax tar caz moz, tiv zix zos moz ơưk kêiz ol zuôr cik tâu trâu lênhx nênhs. Tỉnh tưz hêik têx tiv phaz sêiz shuôk jông chor kêiz ol trâus moz tuôs, chiê tsưr tsix muôz phâuk por tsês thiêz phax tar moz. Thôngx cxix hêik trâu pox nhuôs, nênhs tu zus pâuz moz ơưk li têx phiv liv chiê muôx tsưr ziv phax tar thiêz tu zus ngaz tuk sinh học”./.

(Vũ Lợi-Lik Thox cxêik nhênhv)

Zơưv Nông Mạnh Tường, Chủ tịch Ủy ban xã Lâm Thượng, huyện Lục Yên, tỉnh Yên Bái heik pâuz: Thâuv 10 six 30 phênhz tas cik hnuz 27/2, ntơưv jok Nà Kèn-Nặm Trọ, xã Lâm Thượng, Lục Yên, Yên Bái tưz muôx iz txuz trâul pôngz đêx, uô lênhx nhuôv Đặng Hoàng N, xênhz zus shông 2016, zos niêv lâuk Hoàng Thị Giếng tuk nhuôv trâul tuôs. Qir tiv tâu xav zos thâuv luz six hơưv mê nhuôv tsênhv taz tov đhiê siz jês uô si, hmôngr tsi jông txơưv trâul pôngz trâu hâur pak đêx, uô tuôs nênhs li ntơư. Hội Chữ thập đỏ huyện Lục Yên, tỉnh Yên Bái heik pâuz, iz shông huyện Lục Yên muôx yênhx châuv txuz nhuôs zâu trâul pôngz đêx tuôs, qir tiv phênhv ntâu zos chor nênhs lâuk tsi tiz jông seiz jor, shuôs têx mê nhuôv. Chor uô niêv uô txir tsuv seiz shuôs njôngr zuk têx mê tuz mê nhuôv, tsi chiê muôx yưv têx tsi jông li heik sâuv./.

(Thừa Xuân-Riê Lâux cxeik, nhênhv)