Đros tỉnh li phênhv pênhr, shông 2018, phòng giao dịch Zênhx hangx tsênhv chei xã hội huyện Bắc Hà, tỉnh Lào Cai tưz uô tsaz yênhx puz tsôngv box sâuv thax tsav huyện txeik pênhr car chêx hâux lưv uô đros tas nro chor nhiêx txiêx zos 1 tỷ đeiv chiê yưv uô ju lix homestay thiêz chos jâuz hur công nghệ siêz. Lơưr co, têx ziv chuôz zis tâu txeik pênhr zos têx chuôz zis tưz thiêz tsênhv xar yưv pênhr uô ju lix côngv thôngx, chêx chôngk phênhv ntâu ntơưv thị trấn Bắc Hà thiêz iz cxiê xã buôk co ( Na Hối, Tà Chải, Bản Phố...) iz lênhx nênhs lox tôngv tâu txeik 50 tsov đeiv, nhiêx liv bâuv nhiêx liv puz chuôz zis pluôs txeik. Têx chuôz zis txeik uô jix vuv homestay zôngv chiê kho đuô tsêr nhoz, uô cxaz côngz tsinhx vêv xênhz, zuôr têx chuôz zênhx zuôr trâus chiê tos tiêv kruô..../.

(KT- Txâur Vax cxeik nhênhv)

Nhiv kruôr đhâu, ntơưv jok Phiêng Phát 3, xã Trung Đồng, huyện Tân Uyên, tỉnh Lai Châu tsưr tsix ntênhs sđ sik đros chos ntông.

Iz chas ntơư, canr bôv,công chức, viên chức, nênhs lox tôngv nhoz 20 cơ quan, taz viv, tsêr cơưv ntơưr thiêz têx chuôz zis tsôngv box (qơư tso yêz đêx sor jok Phiêng Phát 3) cxaz chuôz chos 92 tsoz ntông pax lâus ntơưv ntu cêr txix txox cêr lox 32 muk trâu đêx sor jok Phiêng Phát 3. Taz por tsơưr lươngv ntông chos, têx taz viv qir cxok ndêx shôngz thiêz xor xor hlâu iz ndis chiê thêir têx tsiêx cxu tsi uô ruôr hiêv têx ntông chos.

No zos iz hâur têx hâux lưv uô lơưr tsưr ziv chos, tu têx ntông njuôz hâur thax tsav huyện Tân Uyên shông 2018./.

(KT-Riê Lâux cxeik, nhênhv)

Đros qơư tsov txos zos muôz hâux lưv uô ngaz tul, chuôz ndê lênhx nênhs txơưx uô hâux lưv cxơưz tiês huôv tsar, txu yeiz cxuôv pluôs, huyện Tủa Chùa, tỉnh Điện Biên tsov cưv txos côngz xưv thox cxov hâux lưv uô nôngx cxênhz. Huôx tôngv no tưz gôngr phênhv hlôngr yiêz ntâu qênhx shênhx tsiv uô kôngz nuv, cxiv tsa nôngx cxênhz yiêz, hlôngr yiêz nôngx mênhx tsơưr lươngv luz nênhx. Huyện Tủa Chùa sir jos niêx shông chuôz ndê lênhx nênhs lox tôngv đhâu thox cxov cxôngx hâux lưv kriê hâux lưv uô trâu lox tôngv nôngx cxênhz, vênhv tôngv pox nhuôs cxaz chuôz cơưv shâuv hlôngr yiêz tsoz chos, tsiêx tu zus huv đros theox chênhv, đros yênhx chuôz zis li pênhr jos..../.

( KT- Txâur Vax cxeik nhênhv)

Tas cik hnuz 27/5, đoanx hluôk nênhs CSHCM tỉnh Sơn La đros tsêr cơưv đại học Tây Bắc tsưr tsix hội thik Tin học hluôk nênhs tỉnh Sơn La jiês tiv 4, shông 2018. Hội thik shông no hu zâuv muôx 100 ntâu lênhx nênhs cxaz chuôz thik, zuôr xar 20 đội thik nhoz têx huyện, thành đoanx thiêz đoanx nhoz hâur tỉnh đoanx cxaz chuôz. Hội thik zos qơư uô si jông, paz trâu phôngz yaox sik tưr cơưv shâuv, uô tsưr công nghệ thông tin trâu canr bôv, đoanx hluôk nênhs, têx tuz nxeik nhuôs zâu hâur tas nro tỉnh; thox cxov, kriê cxaz têx txux chi tsưr ziv yuôr trâus trâu chor hluôk nênhs lok sâuv lês uô têx hâux lưv uz no chiê paz trâu tỉnh huôv tsar, paz Sơn La yênhx tỉnh huôv tsar hâur thax tsav Trung du thiêz tox siêz faz Bắc./.

(Trấn Long-Riê Lâux cxeik, nhênhv)