Jiês thik tưr cơưv tiêr ntơưr lớp 12 têz qơưk shông no, tỉnh Lai Châu muôx 3.254 lênhx shux xênhz cxaz chuôz dự thik ntơưv 163 qar thik, 21 qơưk thik. Lơưr Sở zoz zux, thox cxov tỉnh Lai Châu hêik pâuz sêi, suôv câuk môn thik uô kaz ciês têis cik 27/6, ntơưv têx qơưk thik tsik muôx lênhx shux xênhz, cán bộ tưs uô cxâuv chêi; côngz xưv sêiz car đề thik, jax thik puôr lênhx tâu uô ngaz tuk, truôx jông, huv cêr chêi. Zơưv Hoàng Đức Minh, Phưv Giám đốc Sở Zoz zux thiêz Thox cxov, Phưv Ban chox kriê, Trưởng Ban sêiz car thik tưr cơưv tiêr ntơưr lớp 12 têz qơưk tỉnh Lai Châu puz pâuz: chor shux xênhz tso tsês tsik thik tưr tiv muôx moz zuôr tâu Sở sêiz shuôk sêz puôk jông chiê tưz cơưv tiêr ntơưr:

“Shông no côngz xưv chấm thik pêz uô lok six jong, bax iz qar tso têx jax thik muôx mêir camera, thiêz công an, bảo vệ txix tar su hnuz 27/6. Hâur ntu chấm thik mak chor phòng chấm puôr lênhx muôx mêir camera hur si”./.

(Khắc Kiên-Lik Thox cxêik nhênhv)

Tưz ntâu shông no, tỉnh Yên Bái thâuv tưs cux muôx yưv đêx nas cuôr yôngz, tox poz ar lơưk, uô ruôr hiêv lox txos lênhx nênhs thiêz têz qơưk, tsôngv box li chuôz zênhx chuôz tas. Cxôngx qênhx shênhx co, UB tỉnh Yên Bái heik têx tiv phaz tror seiz car, cxiv tsa tsưr ziv tir tar ntux nas, tsov cưv txos tsưr ziv phax tar đêx cuôr yôngz, tox poz ar lơưk; heik tsôngv box chuv tôngv tir tar đêx cuôr yôngz, tox poz ar lơưk, tiv zix zos têx xã muôx ntâu cưx đês, tsôngv box muk uô têz, nhoz pêv tsêr têz..../.

(KT- Txâur Vax cxeik nhênhv)

Nhiv kruôr đhâu, Ban thường vụ Liên đoàn lox tôngv tỉnh Điện Biên tưz tsưr tsix jiês choz zok tsêr sor công đoàn trâu tix lâus Lò Văn An-zos đoàn viên công đoàn Mường Luân nhoz Liên đoàn lox tôngv tỉnh Điện Biên Đông. Zos cán bộ xar Mường Luân, đoàn viên Lò Văn An muôx luz nênhx txov nhêv. Pox niêv uô têz, phênhv sâu tsik truôx, 2 tuk mê nhuôs tsênhv zâu, tas nro chuôz zis tsuôk khov trâu tix lâus An kror nhiêx hli. Tâu paz txix tsaz yênhx tsêr sor Công đoàn, Liên đoàn lox tôngv tỉnh đros chor nhiêx paz zos 30 triệu đêiv, đros chuôz zis, cưr tix, nênhx tsa li têx muôz paz chiê uô luz tsêr no trâu chuôz zis…/.

(KT-Lik Thox cxêik nhênhv)

Phòng phax tar zax zênhz thiêz nênhs phamv cxâuv bộ đội pênhz phax tỉnh SƠn La đros Zênhx pênhz phax Tân Xuân nhiv kruôr ntês tâu 2 lênhx nênhs tsês chiê vưv qiv quân dụng tsi trơưk chei ntơưv xã Tân Xuân, huyện Vân Hồ, tỉnh SƠn La. 2 lênhx nênhs co zos: Phàng A Giống xênhz shông 1982 nhoz jos A Lang thiêz Thào A Chu xênhz shôg 1997 nhoz jos Cột Mốc xã Tân Xuân, huyện Vân Hồ, tỉnh Sơn La. Chuôz zênhx sâu tâu muôx: 1 traz fov K59, 7 luz muôk txưr, 2 luz điện thoại di động, 1 luz yêz meir./.

(CTV-Txâur Vax cxeik nhênhv)