Lơưr chêx cuk jiês thik cơưv tiêr THPT shông 2021 nhiv kruôr tâu côngz fur, tỉnh Sơn La muôx chor shux xênhz thik tâu cxênhx 3 tax 98% ntâu, chuôz ndê zuôr xar 3% pir đros tsêz no. Đrâuv co, shux xênhz tas nro tỉnh li điểm chungz fênhx tax 6,04 chuôz ndê 3 thênhv pir đros tsêz no. Lơưr pos Điêu Thị Dân, Phưv giám đốc Sở zaoz zux thiêz thox cxov tỉnh Sơn La: Muôx lok six ntâu qir tiv chiê tax tâu chêx cuk no, co zos muôx tas nro cxix luôk chính trị chox kriê, tas nro nganhx tưz xav tênhv tsênhz tsưr ziv hâur côngz xưv kriê thiêz cơưv ntơưr, tuôr truôx thiêz chuôz ndê chor shux xênhz thik tâu ntơưr; chêx chôngk chox kriê lok côngz xưv chuyên môn, tsưr tsix kriê cxaz trâu lớp 12 cxôngx ciês hâur shôngk shông cơưv, qênhz yuôx, ntâus grê thiêz thik siv hâur yênhx hli chiê pheiz chor shux xênhz, đros co zos têx tsêr cơưv chuv tôngv chiê muôx tsưr ziv tsưr tsix kriê cxaz cov huv đros yênhx shux xênhz....

“Muôx tâu chêx cuk no tsuv heik txos têx lênhx nênhs coar lik, cưk kriê têx tsêr cơưv THPT sâuv thax tsav tỉnh li têx sir jos hla đhâu cxuô phêv liv. Têx cưk kriê yênhx hnuz hmo nriêr tsưr ziv chiê kriê cxaz trâu shux xênhz, tas nro puôr lênhx zos viv têx shux xênhz nziv hluz”./.

(B.Thủy-Đ.Anh-Txâur Vax cxeik nhênhv)

Six hơưv đhâu, tỉnh Lai Châu thâuv tưs tưz moz siêz txos khơưk thiêz por hưv chiê têx nôngz blêx kaz, paz tuôr tâu tsês têx nôngz kôngz jông ntơưv qơư thiêz krêz hâu cêr yiêz trâu huôv tsar uô nox uô hnar, chiê ndar txos cxiv tsa tỉnh têx xiv huv kôngz nuv muôx suôz bê to.

  Tiến sỹ Dương Đình Đức-Giám đốc Sở Khoa học thiêz Công nghệ tỉnh Lai Châu heik pâuz, tỉnh Lai Châu iz txưv muôx ntâu têx nôngz blêx jông li: Séng cù, blêx blâuv Tan Pỏm, Tà Cù, Blêx txuô tsư ha…. Taz sik, viv hâur ntu zuôr têx nôngz blêx yiêz lok tsêz chos hâur thax tsav đros trâu ntux têx txơưr txar nhiv no, viv li phênhv ntâu chor nôngz blêx kaz thiêz jông hâur thax tsav qơư no tưz tsi yuô jông li têx nôngz blêx thâuv ntêx, nox lok cux tsi yuô kaz, tsi yuô tsư ha thiêz jôngx li chor nôngz blêx đrav ntêx têx lâuk iz txưv uô. Zos tsi muôx faz tsưr ziv chiê khơưk thiêz por hưv tsês têx nôngz blêx kaz co mak zuôr ziv hnuz ziv trâul pôngz nôngz, tsi muôx lok tsêz chos./.

 (DTMN Lâux cxeik, nhênhv)

Lơưr Ban chỉ huiz phax tar ntux nas thiêz nriêr chơưv nanv tỉnh Điện Biên li pov cov sei, hâur têx hnuz đhâu, ntâu tiv phaz sâuv thax tsav tỉnh tưz muôx yưv ntux lok nas lox, uô ruôr hiêv ntâu.

Ntơưv huyện Mường Nhé, ntux lok nas tưz uô tsôngv box li 13 luz tsêr trâus ruôr hiêv tiv tox poz, ruôr hiêv 70% ntâu, iz cxiê mênhv chêx blêx thiêz kôngz lôngk trâus ruôr hiêv; ntâu cêr zaoz thôngz muk lok trâus tox poz. Njuôs xav ruôr hiêv 1,6 tỷ đeiv ntâu. Đrâuv Mường Nhé, đêx nas cux cuôr lơưv iz njưs tar đêx sâuv cêr cxôngx xã Chà Cang muk xã Nậm Tin (huyện Nậm Pồ); cuôr iz tul qox lav uô sâuv cêr muk uô tul qox jos Hiệu, xã Chiềng Sinh (huyện Tuần Giáo), uô tsôngv box muk lok njiz ntâu phêv liv. Ciês thâuv muôx ntux nas ruôr hiêv, Ban chỉ huiz phax tar ntux nas thiêz nriêr chơưv nanv têx huyện tưz chox kriê têx xã huiz tôngv têx lưx lươngv ntơưv qơư paz tsôngv box khưx phưx têx trâus ruôr hiêv, tiv zix zos ciêr chênhr kho đuô tsêr nhoz thiêz tsiv uô kôngz lôngk chiê nzor ngaz tul luz nênhx./.

(Vũ Lợi-Txâur Vax cxeik nhênhv)

Txix tsâuk ntux thiêz thâuv hmo hnuz 27/7, têx thax tsav qơư hâur tỉnh Yên Bái muôx ntux lok nas thiêz nzông trâu iz cxiê suôv qơư (muôx kênh qơư lok nas lox). Trơưk li njuôk xav, txix zar tsâuk ntux hnuz 28/7 txos hnuz 30/7, cxuô thax tsav hâur tỉnh tror lok nas yâur thiêz nzông kror puôr qơư (muôx iz cxiê suôv qơư lok nas lox). Chiê bax tsưr ziv phax tir thêir, txar jav thiêz txo grêk tsơưs têx tsi jông, Ban seiz car phax tar ntux uô ruôr hiêv thiêz zok nriêr chơưv paz lênhx tỉnh Yên Bái heik têx lênhx nênhs hâur Ban seiz car phax tar ntux uô ruôr hiêv tỉnh thiêz Ủy ban cxuô huyện, thị xã, TP sox seiz njôngr ntux têx txơưr txar, njuôk xav têx tsi jông, riêz nênhs chie heik pâuz, kriê zênhx max thiêz tsi so trâu têx tsưr tsix, tsôngv niêv txir lax px sđ chênhr phax, txar jav, txo grêk tsơưs têx tsi jông tiv ntux uô ruôr hiêv, lar heik zos têx chuô lox, lok lơưs, khâur jênhs chuô, đêx ngaz, tox xưz poz….nhoz têx qơư muôx ntux nas hloz./.

(Báo Yên Bái-Riê Lâux cxeik, nhênhv)