Trơưk li thôngz sâu, txix hâur shôngk shông txos nhiv no, hâu nov têx cơ quan, taz viv hâur thax tsav tỉnh Lào Cai tưz huiz tôngv tâu muôx 33 tỷ đeiv ntâu chiê paz trâu têx xã cxiv tsa jêx jok yiêz thiêz txo grêk yeiz pluôs truôx. Nhiv no, tỉnh Lào Cai muôx hur tiz si 160 lênhx canr bôv hâu nov cxaz chuôz siz chos paz têx xã, hâur co phênhv ntâu zos têx cơ quan, taz viv lês car uô têx hâux lưv têz qơưk; yuôr đuô li zos hâu nov iz cxiê zênhx hax, công ty, doanh nghiệp hâur thax tsav. Đhâu ntơư paz cxơưz phôngz yaox cxiv tsa jêx jok yiêz nthuôr uô tâu jông thiêz đar đuô. Zơưv Bùi Công Khanh, Phưv Chánh Văn phongx seiz car cxiv tsa jêx jok yiêz tỉnh Lào Cai heik:

“Tỉnh Lào Cai tưz tso tơưv quyết tinhv phênhz côngz hâux lưv, heik têx hâu nov cxuô sở, ban, ngênhx, têx doanh nghiệp tsuv sik đros paz max têx xã. Zos tsi muôx cui tinhv co mak têx hâu nov zuôr tsi muk trâu têx xã ntâu li no. Zos thâuv tưz muôx cui tinhv lơưv, têx hâu nov tsuv buôk ti muk, pâuz tâu tsôngv box luz nênhx xênhz huôx nox nhoz, txix ntơư paz iz phênhv lok kinh tế, tsưr ziv huôv tsar paz tsôngv box cov ziv hnuz ziv tsar ndê”./.

(An Kiên-Riê Lâux cxeik, nhênhv)

Teis cik 27/9, tâu UBND tỉnh Yên Bái thiêz huyện Lục Yên tso chêi, Công ty TNHH Đá cẩm thạch R.K Việt Nam piz qênhz njuôk shuôk têx qơư chiê piz yâu kror nriêr pâuz lok têx poz jêz đơưz ntơưv thax tsav Nà Kèn, xar Lâm Thượng, huyện Lục Yên. Hâur ntu kriz uô, chôngz lênhx pêx xênhv xar Lâm Thượng tưz tsik khênhr yâu, uô muôx yưv sik tsav txênhz nhoz pêx xênhv thiêz lưx lơưngv por vêv Công ty. Pêx xênhv txơưz poz jêz trâus 2 lênhx por vêv Công ty uô trâus saz, nhiv no tsênhv tâu chox muk chơưv kho ntơưv Hà Nội, pêx xênhv cux muôx iz lênhx nênhs trâus saz. Chor nênhs trâus saz hâur công ty thiêz pêx xênhv tưz tâu huyện choz zok trâu nganhx Y tế tsoz phưz, chơưv kho. Nhiv no ntơưv iz cxiê pêx xênhv tsênhv cxov tsês iz lênhx cán bộ huyện ntơưv thax tsav jok Nà Kèn, xar Lâm Thượng. Lưx lươngv Công an cux tưz lav cxov tsês iz lênhx hluôk nênhs tâu xav tiêk xuôk poz jêz txơưz trâu lưx lươngv por vêv công ty R.K uô nênhs trâus saz. Lok qir tiv chênhr uô muôx yưv txuz hâux lưv no, zơưv Thịnh puz pâuz, tiv pêx xênhv xar tiêk kriz khơưz zok poz jêz ntơưv thax tsav no zuôr phiv liv txos tênhv qơư thiêz pêx xênhv nhoz no luz nênhx. Đros xor xưv ntơưv qơư no, zơưv Bùi Văn Thịnh hêik pâuz, nhiv no pêx xênhv tưz tror lok tsêr, hok cán bộ Tuyên giáo trâus pêx xênhv cxov tsês cux tâu pêx xênhv chiê nox hâuk, nriêr qơư nhoz. Lok huyên li tsưr ziv cêir chêx, zơưv Bùi Văn Thịnh, Chủ tịch UBND huyện Lục Yên, tỉnh Yên Bái puz pâuz:

“Đhâu chor cơ quan txơưx jênhv luk têz khav tênhv, txos hnuz no mak Công ty tưz uô tiêr têx ntâuz ntơưr lơưr cêr chêi têz qơưk Việt Nam, Chính quyền zuôr paz tsar tov trâu doanh nghiệp uô lơưr cêr chêi tưz tâu cungz. Đros iz cxiê pêx xênhv tiv jênhv pâuz tsik tâu cxix cxuô, chính quyền zuôr tror huiz tôgv chor lưx lươngv, tsưr tsix chính trị, đoanx thể yax kriê đros tsưr ziv “sik thav sêiz lax zos chênhr” chiê pêx xênhv pâuz tâu Đảng, têz qơưk li têx cêr chêi”./.

(TTTB-Lik Thox cxêik nhênhv)

Hnuz 27/9, Cơ quan nhoz iz suôv thax tsav Tây Bắc-Đeix nta suôz VN tưz muk txos xã Căn Co, huyện Sìn Hồ, tỉnh Lai Châu chiê paz têx shux xênhz pluôs thiêz tsôngv box thax tsav trâus đêx nas uô ruôr hiêv khưx phưx têx tsi jông tiv đêx nas uô nhiv kruôr đhâu. Taz viv tưz muôz 30 poz huv, hâur co muôx 20 poz học bổng trâu shux xênhz pluôs, iz poz tsiv grê nhos iz tsov đeiv thiêz 10 poz huv puz trâu têx chuôz zis trâus ruôr hiêv tiv đêx nas uô nhiv kruôr đhâu, iz poz tsiv grê nhos 2 tsov đeiv. Chor nhiêx heik sâuv zos canr bôv, nênhs lox tôngv Cơ quan thax tsav faz Tây Bắc, chor nênhs nhiêv mnôngs Đeix zos têx lênhx shux xênhz uô têx nuv jông siêz khóa 88-91, Tsêr cơưv Bến Tre (Phúc Yên, Vĩnh Phúc) thiêz têx lênhx fôngx zưs xênhz zus mir shông nhoz Sơn La....siz chos gôngr paz./.

(Khắc Kiên-Riê Lâux cxeik, nhênhv)

Txar qơư nhoz trâu pêx xênhv muk đhâu thax tsav njiz phiv liv tsênhv zos iz kror phiv liv trâu tas nro chor huyện sâuv thax tsav tỉnh Điện Biên tiv ar muôx tsơưs, nhiêx txiêx muôx tsik txâuk đros pêx xênhv li siêz xar tsik xar hlôngr yiêz đuô qơư nhoz. Chiê txo grêk tsơưs têx phiv liv tiv ntux têz ruôr hiêv, tiv zix zos lênhx nênhs, tỉnh Điện Biên tsuv huiz tôngv pênhr jos chiê paz trâu pêx xênhv txar muk trâu têx qơư nhoz yiêz jông đuô. Đros co, chuôz cxaz uô côgz xưv yax kriê, hêik pêx xênhv pâuz, bax phax tar ngaz tuk trâu zuk, chuôz zis thiêz sik côngv đros chính quyền hâur txar muk nhoz trâu têx qơư ngaz tuk đuô./.

(KT-Lik Thox cxêik nhênhv)