Thủ tướng Chính phủ nhiv kruôr tso tơưv Quyết tinhv số 1444/QĐ-TTg tso thiêz xeir pos Phạm Thị Thanh Trà, Ủy viên T.Ư Đảng, Bí thư Tỉnh Yên Bái, Chủ tịch Hội đôngx tỉnh Yên Bái uô Thứ trưởng Bộ Nội vụ. Pos Phạm Thị Thanh Trà tưz muôx jiês lês uô têx hâux lưv li: Phưv Chủ tịch Ủy ban huyện Trấn Yên, Bí thư Tỉnh Đoanx, Tsar Ban Tuyên giáo Tỉnh ủy, Phưv Chủ tịch Ủy ban tỉnh Yên Bái, Bí thư Thành ủy TP Yên Bái, Phưv Bí thư Tỉnh ủy, Chủ tịch Ủy ban tỉnh Yên Bái, Bí thứ Tỉnh ủy, Chủ tịch HĐND tỉnh Yên Bái. Uô ntêx ntơư, Đại hội đại biểu Đảng bộ tỉnh Yên Bái jiês tiv 19, ntu 2020-2025 tưz bo 48 lênhx ủy viên BCH khóa yiêz. Pos Phạm Thị Thanh Trà, Bí thư Tỉnh ủy khóa 18, ntu 2015-2020 tsi cxaz chuôz nhoz hâur BCH khóa yiêz viv hlôngr qơư uô hâux lưv./.

(Tuấn Xuân-Riê Lâux cxeik, nhênhv)

340 ntâu lênhx têiv plor zos chor nênhs uô tâu hâux lưv jông hâur phongz yaox sik  tưr nhiêv têz qơưk tỉnh Điện Biên tưz dự tỉnh li Đại hôiv sik tưr nhiêv têz qơưk jiês tiv 5 (ntu 2020-2025) trâu têis cik 25/9. Kror yiêz zos txos hli 7/2020, tas nro tỉnh tưz muôx 32 xar uô tiêr cxiv tsa jêx jok yiêz; phênhv sâu lênhx nênhs ntơưv têx jêx jok njuôk xav tâu muôx 19 triệu đêiv iz lênhx nênhs iz shông; njuôk xav txos tas shông 2020, muôx iz taz viv cấp huyện uô tiêr cxiv tsa jêx jok yiêz, 1 xar uô tiêr cxiv tsa jêx jok yiêz jông; chor chuôz zis pluôs tâu txo grêk tsơưx txix 48% ntâu shông 2016 txos tas shông no njuôk xav yuôr muôx 30%...Ntu 2020-2025, tỉnh Điện Biên tso tơưv 16 jênhv vưv thiêz tsưr ziv zov chênhr txix phongz yaox sik tưr nhiêv têz qơưk, xưk li phênhv sâu nhiêx txiêx têz qơưk tiv phaz tâu muôx 14.000 tiv đêiv; txos shông 2025 tas nro chor kôngz krâur muôx njiêr tâu 280.000 tấn, phênhv sâu lênhx nênhs tâu 60 triệu đêiv ntâu iz lênhx nênhs iz shông, chor chuôz zis pluôs grêk txos yuôr tsơưs đuô 16%./.

(Vũ Lợi-Lik Thox cxêik nhênhv)

Ntơưv Sơn La, zuôr xar 500 lênhx tuz nxeik, nhuôs zâu cxuô heir nênhs tsêr cơưv cxênhx iz-cxênhx 2 nhoz Mường Bang, huyện Phù Yên, tỉnh Sơn La nhiv kruôr tâu cxaz chuôz tsaz yênhx “Uô lov jêv tok hôiv hli đra-cxơưz paz đas jos trâu têx tuz nxeik nhuôs zâu” zos Đoanx hluôk nênhs cộng sản HCM thiêz Hôiv đôngx đôiv Sơn La tsưr tsxx. Hâur six hơưv nthuôr uô tsaz yênhx, Ban tsưr tsix tưz muôz zuôr xar 500 poz huv puz trâu shux xênhz tsêr cơưv cxênhx iz-Cxênhx 2 Mường Bang; choz yar tiêx, qơư uô si lov jêv trâu Tsêr cơưv cxênhx iz Mường Bang thiêz choz 6 luz yêz câux vaz trâu shux xênhz sir jos cơưv ntơưr hênhr, xav hur si tsiv grê xar muôx 200 tsov đeiv. Tsaz yênhx uô no zos têx hâux lưv uô muôx liv thiêz jông, muôz cêr shir phaz, uô si lov jêv trâu têx tuz nxei shux xênhz, paz chor nhuôs shux xênhz cxuô heir nênhs nhoz Mường Bang tso siêz sir jos cơưv txux hâur shông cơưv yiêz 2020-2021./.

(Trấn Long-Riê Lâux cxeik, nhênhv)

Chor hnuz đhâu, chôngz lênhx nênhs nhoz tỉnh ntus điv Lai Châu thav ntâu txos chor txuz án kinh têr, tiv nox nhiêx uô tuôr xuôv muôx yênhx châuv tiv đêiv tâu tòa án tỉnh Lai Châu muôz lok xết xử. Iz zav li txuz uô phiv liv thiêz nox nhiêx ntơưv Công ty cổ phần cao su Lai Châu, Zênhx hangx kôngz nuv huyện Sìn Hồ thiêz Phongx Zoz zux huyện Sìn Hồ, đros chor nhiêx mak chor nênhs co uô pôngz plox thiêz nhiês zuôr xar muôx 100 tiv đêiv. Zơưv Phan Văn Nguyện, đảng viên uô nênhx nhoz ntơưv tôv dân phố 23, phường Đông Phong, thành phố Lai Châu puz pâuz:

“Zos iz lênhx nênhs nhoz Lai Châu lênhx tưs cux pâuz txos 2 hâur 3 txuz án lox lok kinh têr ntơưv tiv phaz tưz tâu muôz lok xết xử, hâur co muôx iz lênhx tsuv tuô tuôs, 2 lênhx cơư tux tas siv nênhx thiêz ntâu lênhxtrâus  xưv bluô cơư tux. Zos iz lênhx pêx xênhv, cur lok six thôngx ziv đros têx kror cxâuv co. Vav tiêk no zuôr zos têx jiês kruôz kriê trâu chor nênhs uô hâux lưv lox xar liv zôngv hâux lưv chiê uô cxâuv chêi têz qơưk”./.

(Khắc Kiên-Lik Thox  cxêik nhênhv)