Moz siêz txos sêiz mnôngs Đại hôiv Đảng tas nro têz qơưk jiês tiv 13, zơưv Cao Đức Hải, cán bộ so lâul nhoz thành phố Lào Cai hêik, têx shông đhâu, pêx xênhz lok six shir phaz đros côngz xưv kho đuô Đảng thiêz phax tar nox nhiêx têz qơưk, nhiv no tror vav thiêz chiê siêz tiêk nênhs sơưr thơưx Đảng thiêz Têz qơưk zuôr tror khav tênhv thiêz hêik mênhx hâur hêik pâuz chính trị lok côngz xưv no: “Đảng li Đại hôiv 13 hêik co zos sir jos tsav txênhz phax tar nox nhiêx têz qơưk mak ntơưv đại hôiv no khav tênhv zuôr sir jos tir tar nox nhiêx têz qơưk, tuôr xuôv. Đros têx uô tâu jông lok côngz xưv no hâur 5 shông nhiv kruôr đhâu tưz zos yênhx kror paz trâu pêx xênhv njênhs njôngr trâu Đảng đuô”./.

(TTTB-Lik Thox cxêik nhênhv)

Huyện Trạm Tấu, tỉnh Yên Bái muôx 11 vav ntâu tsôngv box phênhv ntâu zos tsôngv box mênhx cxưx tsơưs nênhs, hâur co muôx zuôr xar 80% zos tsôngv box Hmôngz, nhoz pêv têx tox siêz. Luz nênhx tsênhv txov nhêv, yênhx tưv kis. Chủ tịch UB huyện Trạm Tấu Vũ Lê Chung Anh puz pâuz: Đros tỉnh li tsov cưv yưv pênhr, kaz hli 9/2020, tỉnh Yên Bái tưz krêz côngz uô 2 txox cêr 32 txuôk cêr 174, txuôk thị trấn Trạm Tấu đros huyện Bắc yên, tỉnh Sơn La. Tas nro pênhr uô zos 698 tỷ đeiv. Côngz tsinhx muôx ziz njiêz coaz tsôngv paz tsôngv box thax tsav huôv tsar KTXH....Viv li 100% xã tưz muôx cêr yêz muk txos ciês tsênhv qơư; phênhv ntâu têx jêx jos tox siêz muôx cêr bê tông chiê yêz meir muk lok zôngx ziv đuô./.

(DTMN-Txâur Vax cxeik nhênhv)

Nhiv kruôr đhâu, tôv côngz xưv phongx Cảnh sát qênhz yuôx nênhs phamv cxâuv lok zax zênhz-Công an tỉnh Lào Cai tsênhv uô hâux lưv ntơưv jok Cốc Tủ 1, xar Phong Niên, huyện Bảo Thắng (Lào Cai), pov iz lênhx nênhs zos Ma Seo Lềnh, zus shông 1990, nhoz jok Tả Thồ 1, xar Hoàng Thu Phố, huyện Bắc Hà, tỉnh Lào Cai chêix yêz mêir biển số BKS 24B-474.07 muk lok đhâu. Qênhz yuôx pov muôx oz poz ntiv muôx 12.000 luz yuôx shơư zax zênhz.

Lơưr nus xuz thơưx, Lềnh hêik tưz zuôs chor zax zênhz co txix iz lênhx nênhs tsik pâuz bê lok muôs chiê zuôr liv. Nhiv no txuz hâux lưv no tsênhv tror tâu qênhz yuôx cov tsênhz mênhx./.

(An Kiên-Lik Thox cxêik nhênhv)

Bộ đội pênhz phax tỉnh Sơn La tsênhv chuôz tsar lưx lươngv chiê seiz car jông txiv ngaz ntus đriv thiêz phax tar moz Covid-19 muôx chêx cuk hâur ntu tsưr tsix Đại hội Đảng tas nro têz qơưk jiês tiv 13.

Cxôngx hâur hlik hli 1 txos nhiv no, têx tuêv seiz car tưz pov 18 txuz, ntês tâu 21 lênhx nênhs muôv muôs zax zênhz; pov thiêz yưr lir 1 lênhx nênhs Lào nhiês muk lok đhâu ntus đriv tsi trơưk chei....Thượng tá Đỗ Văn Đông, Phưv chủ nhiệm chính trị, Bộ chỉ huy Bộ đội pênhz phax tỉnh Sơn La puz pâuz: “Khưx phưx têx phêv liv lok qiv hơưv, tơưv txênhz tir tar nênhs nhiês muk lok đhâu ntus đriv; têx lênhx nênhs no zuôr tâu yưr lir txos qơư thôngx cxix sik côngv đros têx lưx lươngv tsưr tsix cêv kuôk lơưr cui tênhv. Pêz truôx siêz tơưv txênhz phax tar moz nhoz ntus đriv thiêz uô jông 2 jênhv vưv coar lik, por vêv tsưr qênhx têz qơưk thiêz phax tar moz Covid-19”./.

(TTTB-Txâur Vax cxeik nhênhv)