Tiv phiv liv txix jiês qiv hơưv txiêk cxaz nzir, piz txix têik cik hnuz 27/12, sâuv thax tsav tỉnh Lai Châu muôx ntux nas đros ntux no sâuv thax tsav đar, uô phiv liv txos pêx xênhv li luz nênhx xênhz huôx thiêz uô xênhz yar. Nhiv notas nro tỉnh Lai Châu muôx ntux nas zâu, đros qiv hơưv muôx huôz tsâuk, jêx tưv grêk kik viv li lok six no, iz cxiê qơư sâuv thax tsav têx jâuv zuôr muôx yưv lok tê thiêz đâuk.

Lơưr co, nganhx kôngz nuv nhoz tiv phaz tưz tso cán bộ lok chor xã, tiv zix zos chor tiv phaz tox siêz zov chênhr lok ntux no chênhr chiê vênhv tôngv thiêz đros pêx xênhv kriz uô chor tsưr ziv phax tar ntux no trâu tsoz chos, tsiêx zus. Sở zoz zux thiêz thox cxov Lai Châu cux chor kriê chor phongx zoz zux thiêz chor tsêr cơưv ntơưr bax chiê tso shux xênhz so ntơưr thuav jêx tưv grêk kik, taz por ngaz tuk trâu shux xênhz tox siêz, tiv zix zos cxênhx cơưv nhuôs zâu thiêz cxênhx iz; thôngx cxix bax six hơưv cơưv nzir chiê taz por tsaz yênhx cơưv hâur iz shông./.

(Khắc Kiên-Lik Thox cxêik nhênhv)

Chiê taz por ngaz tuk trâu têx tsoz chos, tsiêx tu zus hâur têx jiês ntux no njiv no hênhr, tsôngv box nhoz cxuô thax tsav qơư hâur tỉnh tox siêz Sơn la tưz bax uô lơưr têx faz tsưr ziv phax tar yeiz thiêz no trâu têx tsiêx cxu. Tỉnh Sơn La nhiv no muôx 414 ntâu tuk nhux tưv, nhux đas. Hâur cheix ntux no shông 2015-2016, Sơn La zos tỉnh sơưr tiv iz hâur têx tỉnh tox siêz faz Bắc trâus uô ruôr hiêv tiv ntux no njiv. Nzênh trâu shông no, chiê taz por txo grêk tsơưs têx trâus uô hiêv, huôv tsar truôx tuk têx tsiêx cxu , qơư cxiz kôngz, Chi cục kho moz tsiêx cxu tỉnh tưz thiêz tsênhv cxơưz tiês hâux lưv yax mông, heik kriê tsưr ziv phax tar no thiêz yeiz trâu têx chuôz zis tu zus tsiêx cxu hâur hur si thax tsav tỉnh./.

(Hồng Việt-Riê Lâux cxeik, nhênhv)

Chêix ntux no shông no, chor thax tsav tox siêz tỉnh Yên Bái tsik so muôx yưv ntux no chênhr, no njiv, phiv liv txos pêx xênhv li xênhz huôx, hâur co muôx shux xênhz chor tsêr cơưv li cơưv ntơưr. Txơưv cơ sở cxuô zav tsênhv yuôr ntâu phiv liv, taz sik chor tsêr cơưv ntơưr sâuv thax tsav tsik so taz por côngz xưv phax tar ntux no, uô sor trâu shux xênhz, paz muôx chor shux xênhz sir jos cơưv ntơưr tax 90% ntâu. Tas nro huyện Mù Cang Chải nhiv no muôx 37 lênhx nênhs, 56 tsêr cơưv zâu, 570 chor lớp, zuôr xar 19.000 lênhx shux xênhz, hâur co muôx 9.300 ntâu lênhx shux xênhz niêv txir zus mor.

Khov muôx chor xưk kriê ntơưr li tsov cưv, txơưx jênhv, chor shux xênhz tox siêz Mù Cang Chải tsik so taz por đas jos. Txơưv nox chênhr, no njiv muôx yưv tsik so taz sik chor tsêr cơưv ntơưr li sir jos tsik so tâu tuôr truôx, tsik muôx shux xênhz tsuv so ntơưr./.

(Tuấn Xuân-Lik Thox cxêik nhênhv)

Chiê taz por côngz tênhv tênhz tâu jông, tsi so thiêz truôx tuk phưx vưv tsôngv box huôv tsar kinh tế XH, uô si lov jêv hâur têx hnuz ntênhs lox kaz shông, ngênhx tênhv tênhz Điện biên tưz fuô uô tsưr ziv côngz tênhv tênhz ngaz tuk, iz chas ntơư, chox kriê têx taz viv nhoz hâur ngênhx tênhv tênhz qênhz yuôx, cxiv kho têx xor tênhv hâur thax tsav cov jông. Iz chas co, Công ty tênhv tênhz Điện Biên tưz chox kriê têx qơư tênhv tênhz nhoz hâur tỉnh sir jos uô luôs hâux lưv qênhz yuôx shuôs têx xor tênhv thiêz qơư tso tênhv, tuô tênhv; shuôs têx xor tênhv; luôx, ntor têx shôngz ntông siêz tsi chiê qưr thiêz  khuôv têx xor tênhv...... Zơưv Trần Đức Dũng, Phưv Giám đốc zuôr muôs tênhv tênhz Công ty tênhv Điện Biên heik:

“Qir txix ciês hli 12 no tưz tsuv bax uô hur tiz si têx luôs hâux lưv li: Qênhz yuôx shuôs, cxiv tsa tsưr ziv côngz tênhv tênhz, taz por muôx txâuk tênhv phưx vưv trâu thax tsav tox siêz đêz đrôngs thiêz huôv tsar kinh tế XH. Pêz cux choz trâu têx qơư côngz tênhv tênhz hâur tỉnh qênhz yuôx shuôs têx xor tênhv tênhz uz no chiê pâuz tâu kror tưs jông, kror tưs tsi jông chiê zênhx max kho, taz por muôx tênhv phưx vưv tsưr tsix têx hnuz ntênhs lox, tsôngv box uô si lov jêv hâur têx hnuz co”./.

(Hồng Việt-Riê Lâux cxeik, nhênhv)