Tas cik hnuz 27/3, tsêr meir nquôr thiêz tsiv uô tôngx sôr 2 ntơưv Lào Cai tưz tâu uô tiêr. Phưv Thủ tướng Chính Phủ Trịnh Đình Dũng tuôx dưv thiêz heik chox kriê ntơưv ntênhs. Tsêr meir nquôr thiêz tsiv uô tôngx sôr 2, nhoz dưv anr krêz uô đar thiêz tsar ndê uô tâu ntâu têx luôs hâux lưv nquôr thiêz tsiv uô tôngx Sin Quyền, tâu fuô kriê cxiv uô hâur thax tsav 2 xã Bản Vược thiêz Cốc Mỳ ntơưv xã Bát Xát, tỉnh Lào Cai, xav hur si têx pênhr yưv uô tas muôx 2.500 ntâu tỷ đeiv. Dưv anr tsưr ziv zos chiê chuôz tsar krêz uô đar, uô tâu ntâu luôs nquôr thiêz tsiv uô tôngx Sin Quyền txix 1,1 tsov tênhr ndê txos 2,5 tsov tênhr iz shông./.

(An Kiên-Riê Lâux cxeik, nhênhv)

Hnuz đhâu 27/3, tỉnh Yên Bái tsưr tsix phêv ziv njiz njêx muôk têx doanh nghiệp, têx tsưr yưv pênhr sâuv thax tsav tỉnh shông 2019. Shông 2018, têx doanh nghiệp, HTX tưz gôngr phênhv car chêx hâux lưv uô trâu muôx nhos 35 cxênhz lênhx nênhs lox tôngv tiv phaz, đros phênhv sâu fênhx pheiz muôx nhos 4,7 tsov đeiv iz lênhx nênhs iz luz hlik. Six hơưv no, tỉnh Yên Bái tưz khơưk muôz cuiz tênhv chủ trương yưv pênhr trâu 5 tsưr yưv pênhr thiêz côngz fur 11 ntâuz ntơưr tsuv ndo txos hâur Sở tsưr ziv thiêz yưv pênhr tỉnh Yên Bái đros têx doanh nghiệp, tas nro pênhr yưv zos 29 tỷ đeiv ntâu./.

(Thừa Xuân- Txâur Vax cxeik nhênhv)

  Hnuz 26/3, xã Chiềng ve, huyện Mai Sơn, tỉnh Sơn La tưz tsưr tsix uô tiêr txox cêr luôv suôz jêz, xi măng hâur jêx jok txix jok Khiềng muk trâu jok Thẳm thiêz jok Nà Lằn. Côngz trênhx no tâu yưv pênhr cxiv uô trơưk li HĐND tỉnh Nghị quyết 77, krêz côngz cxiv uô thâuv kaz hli 10/2018. Xã thiêz ban seiz car têx jêx jok tưz tsưr tsix cơưv, yax kriê têz qơưk tsênhv chei, tsưr ziv, vênhv tôngv tsôngv box gôngr ar, paz hnuz côngz lox tôngv thiêz nhiêx txiêx chiê krêz uô txox cêr no. Côngz trênhx uô tiêr zuôr zôngx ziv trâu xar muôx 250 chuôz zis tsôngv box hâur 3 jok mul lok, paz uô tiêr têz qơưk qơư tsov txos lok cxiv tsa jêx jok yiêz./.

(KT-Riê Lâux cxeik, nhênhv)

Têx shôngk đhâu, côngz xưv txu grês cêr pluôs truôx vênhs thâuv tưs cux tâu Đangv bộ, chinhr quyênx thiêz tsôngv box tỉnh Điện Biên tsov cưv yưv pênhr thiêz uô jông. Khov co, têx tsaz yênhx txu grês cêr yeiz pluôs tưz tax tâu ntâu chêx cuk jông, hâur shông 2018 tas nro tỉnh muôx 3 cxênhz 800 ziv chuôz zis hla đhâu cêr pluôs. Chor ziv chuôz zis pluôs tsênhv yuôr muôx nhos 47 cxênhz ziv. Tỉnh Điện Biên sir jos txos tas shông no, chor ziv chuôz zis pluôs sâuv tas nro tỉnh txu grês yuôr 44 cxênhz ziv (txu grês cxaz 7 cxênhz ziv)./.

(VOV4- Txâur Vax cxeik nhênhv)