Tsôngv box thiêz fôngx zưs sơưr đơưk hmor yuô! Tổng Bí thư Nguyễn Phú Trọng li jax sâu lok chủ nghĩa xar hôiv thiêz txox cêr ndê muk chủ nghĩa xar hôiv nhoz Việt Nam tâu chôngz tsôngv box cxuô mênhx cxưx Tây Bắc moz siêz txos. Tsênhv tsênhz, pox nhuôs sơưr đơưk lok six jông siêz đros Tổng Bí thư li siêz xar: Têz qơưk Việt Nam zos têz qơưk pháp quyền xar hôiv chủ nghĩa viv pêx xênhv.

Zos chor nênhs njiêz pov thiêz pâuz tâu txos ntu pêz têz qơưk trâus tros câuz Pháp tuôx txênhz, lâul jok Tòng Văn Hịa, nhoz jok Mòng, xar Hua La, thành phố Sơn La, tỉnh Sơn La thiêz zơưv Tẩn Kim Phu, zos iz lênhx lâul nênhx nhoz huyện tox siêz Sìn Hồ, tỉnh Lai Châu zênhx ndo njôngr tsik plox txos tsôngv box li luz nênhx txov nhêv ntu thâuv co. Tsôngv box trâus huôz ar, cxuô zav thiêz tsuv uô tros châuz krêr. Khov muôx Đảng, lâul Hôx chox car cách mạng giải phóng mênhx cxưx, cxiv tsa têz qơưk Việt Nam xar hôiv chủ nghĩa, luz nênhx kinh têr-xar hôiv txix tox siêz txos qơư kik tsik so hlôngr yiêz, pêx xênhv ziv hnuz ziv muôx tâu luz nênhx tsâu sor, shir phaz. Tưz tsik zos txoz cxơưx trâu pêx xênhv, Đảng, chính quyền tsênhv paz chiê tsôngv box cxuô mênhx cxưx muôx vax huôv siz luôs, tâu cơưv shâuv, uô nox, tâu sêiz lax đros chính quyền lok cxuô kror côngz xưv nhoz ntơưv thax tsav qơư: “Ntu đrav ntêx thâuv têz qơưk tsênhv tsik tâu tiêx tuk, pox nhuôs luz nênhx txov nhêv hênhr, blêx cxur uô tâu bâuv li chak lok tsuv muôz trâu tror châuz hur si, mor tsik txâuk nox, tsôngk yo tsik txâuk hnar, moz gênhs mak tsik tâu chơưv kho. Muôx Đảng, Chính phủ, bôv đôiv Việt Minh hêik muk lơưr cách mạng, pox nhuôs sik đros côngv jos, cxuô zav trâu hâux lưv ntauk châuv tros châuz chiê muôx tâu tiêx tuk trâu mênhx cxưx. Têz qơưk tâu tiêx tuk, đros muôx Đảng, têz qơưk lênhx tov, pêx xênhv luz nênhx ziv hnuz ziv hlôngr yiêz, siv tsâu sor đuô. Nhiv no tsênhv muôx moz Covid-19, zos tsik muôx Đảng, têz qơưk, tas nro cxiv luôs chính trị đros uô chiê paz trâu pêx xênhv mak luz nênhx zênhx zuôr tror txov nhê li ntu đrav ntêx co”.

“Ntu đrav ntêx mak pêx xênhv tsuv uô krêr. Khov muôx Đảng, têz qơưk chox car viv li têz qơưk tâu tiêx tuk. Nhiv no cxuô lênhx nênhs puôr lênhx muôs vax huôv siz bâus. Lênhx tưs cux tâu muk cơưv ntơưr, khưr uô nox huôv tsar kinh têr thiêz uô cxuô kror tsik zuôv txos chêi têz qơưk. Ntơưv thax tsav qơư, cxuô kror hâux lưv txix xar, jêx jok txos thênhv siêz, pox nhuôs muôx vax huôv tâu hêik zuk siêz xar, tâu sêiz kaz hâuv kriz uô. Pox nhuôs lok six tso siêz chiê khưr uô nox”.

Tsôngv box cxuô mênhx cxưx Tây Bắc lênhx tưs cux pov tâu: Đảng, têz qơưk, Chính phủ lok six moz siêz txos txoz cxơưx trâu pêx xênhv, tiv zix zos tsôngv box cxuô mênhx cxưx. Kror co tâu njiê pov đhâu têx tsênhv chêi, dự án, đros ntâu kror pênhr yưv paz trâu thax tsav tsôngv box mênhx cxưx, thax tsav nhoz đêz, tox siêz, ntus đriv. Khov co, cxuô jêx jok ziv hnuz ziv hlôngr yiêz jông, têx xar puôr lênhx muôs cêr yêz lox tuôx txos ntuô qơư, muôx tênhv tênhz tơưl pov cêr, chor chuôz zis pluôs tâu txo grêk tsơưs ntâu. No zos iz kror cux lok six jông hêik tơưv têz qơưk Việt Nam zios luz têz qơưk xar hôiv chủ nghĩa viv pêx xênhv. Zơưv Vax Xênhv Tsaz, Chủ tịch UBND xar Pá Long, huyện Thuận Châu, tỉnh Sơn La puz pâuz:“Đảng, Têz qơưk lok six moz siêz txos huôv tsar lênhx nênhs. Đros tsôngv box cxuô mênhx cxưx mak Đảng, Têz qơưk tưz muôx ntâu tsênhv chêi paz li tsês chiê pênhr nhiêx chiê huôv tsar kinh têr thax tsav tsôngv box. Txix co, kror shir phaz zos yưv pênhr chiê paz txo grêk cêr yêiz pluôs, paz trâu têx tuz nhuôs tsôngv box tâu muk cơưv ntơưr, paz pox nhuôs huôv tsar kinh têr. Txos nhiv no, ntâu thax tsav qơư tưz hlôngr yiêz ntâu, chor chuôz zis pluôs tưz  tâu txo grêk tsơưs ntâu pir li ntu đrav ntêx”./.

(TTTB-Lik Thox cxêik nhênhv)

Lơưr lênhs tov Sở y tế tỉnh Sơn La, nhiv no iz hnuz, Sơn La tsênhv muôx yênhx puôk lênhx nênhs cxôngx têx qơư công nghiệp thiêz cxôngx thax tsav muôx moz huôv xênhz tror lok tiv phaz. Zos tsi seiz car jông, thôngx cxix, têx olênhx nênhs cxôngx têx qơư công nghiệp thiêz thax tsav muôx moz huôv xênhz lok tiv phaz tsi muôz siêz siêz ar phax tar moz mak njuôs xav moz huôv xênhz lok six siêz. Viv li, nganhx muôx txơưx jênhv heik tốngv box tsuv lok six tsưv ziv thiêz uô jông têx cui tênhv lok phax tar moz, tiv zix zos uô Bộ y tế li tsưr ziv 5K thiêz tsi muk lok ntâu thâuv tsi zuôr trâus, chiê moz tsi cik đêz đar./.

(Thu Thùy-Txâur Vax cxeik nhênhv)

Tỉnh Lai châu tưz tror kriz uô truôx jông têx qơưk sêiz jor caz moz ntơưv têx cêr. Têx thax tsav qơư nhoz puôz đriv têz cux tror kriz uô jông têx qơư sêiz jor ntơưv têx cêr hâur xar, jêx jok thiêz tror uô jông chor tôv phax, tar caz moz côngv thôngx, txo grêk tsơưs tiv zix chor nênhs txix têx qơư muôx caz moz lok tâu trâu hâur thax tsav qơư. Zơưv Nguyễn Thế Phong, Phưv Giám đốc Sở Y têr tỉnh Lai Châu puz pâuz: “Sở Y têr tưz hêik trâu UBND tỉnh tsưr tsix kriz uô, tiv zix zos sêiz shuôk jông chor nênhs lok txix têx qơư muôx caz moz, hâur co muôx Điện Biên. Tsưr tsix kriz uô jông 4 qơư sêiz jor nhoz têx ndâux cêr lok hâur tỉnh, hâur co muôx qơư sêiz jor Lai Hà zos qơư sêiz jor chor nênhs txix Điện Biên lok. Têx huyện li Mường tè, Nậm Nhùn mak cux kriz uô têx qơưk sêiz jor sâuv thax tsav; đhâu co chiê pov tâu chor nênhs lok txix têx qơưk muôx caz mok lok trâu hâur thax tsav chiê chox muk cêv kuôk y têr cov huv zos li cui tênhv”./.

(Khắc Kiên-Lik Thox cxêik nhênhv