Nhiv kruôr đhâu, đôngx chir Tòng Thị Phóng, Ủy viên Bộ chính trị, Phưv Chủ tịch Thường trực Côx hôiv tưz muôx jiês seiz yuô thiêz uô hâux lưv đros huyện Thuận Châu, tỉnh Sơn La.

Ntơưv jiês uô hâux lưv đros huyện Thuận Châu, Phưv Chủ tịch thường trực Côx hôiv Tòng Thị Phóng heik huyện Thuận Châu tsuv uô jông luôs hâux lưv phênhz qơư nhoz, yeik txar tsôngv box muk đhâu thax tsav riêz nênhs zôngx ziv trâus ntux uô ruôr hiêv. Iz chas ntơư, huyện Thuận Châu tsuv chêx tsôngk huôv tsar uô têx xiv huv kôngz nuv muôx tsơưr lươngv thiêz taz por vêv xênhz ngaz tuk zav nox, iz chas co moz siêz txos hâux lưv por hưv thiêz huôv tsar jôngr ntông reik đros njuôk hov tsôngv box sơưr đơưk li têx liêx têz uô nox. Phưv Chủ tịch thường trực Côx hôiv heik tỉnh Sơn La heik cxuô thiêz huyện Thuận Châu heik taz tsuv zôngv trơưk tsưr ziv T.Ư thiêz ntơưv qơư têx pênhr chiê chaz têx xor tênhv têz qơưk muk txos trâu têx jêx jok tsi tâu muôx tênhv tênhz tơưk pov cêr; txoz cxơưx trâu tsôngv box qơư nhoz yiêz chiê zuôr qơư uô dưv anr tsêr meir tênhv tênhz Sơn La./.

(TTTB-Lik nhênhv)

Nhiv kruôr đhâu, đoanx côngz xưv Hội đồng mênhx cxưx côx hôiv zos Phưv chủ tịch Nguyễn Lâm Thành uô tsar đoanx tưz uô hâux lưv đros tỉnh Điện Biên lok qênhx shênhx, chêx cuk uô tsênhv chei pháp luật lok choz ar, choz jôngr trâu côngv thôngx tsongv box thiêz ziv chuôz zis thax tsav tsôngv box mênhx cxưx tsơưs nênhs, tox siêz ntux 2006-2016. Côngz xưv choz ar, choz jôngr tưz chox lol chêx cuk jông. Têx tsưr jôngr tâu sơưv liv, muôz siêz phênhv sâu cxôngx tsênhv chei thêv jix vuv tênhx qơư jôngr, gôngr phênhv cxuôv yeiz thiv pluôs....Đros thiêz têx hâux lưv tsi tâu uô tâu, đ/c heik tỉnh Điện Biên tsuv chuôz tsar côngz xưv chox kriê têx tiv phaz tror seiz car côngz xưv choz ar choz jôngr...Cxiv tsa têx trâur nuv yiêz chiê tsôngv box muôx hâux lưv uô muôx lênhx coaz txos jôngr. Muôz siêz chêx cuk yax mông chiê tsôngv box pâuz thiêz muôz siêz siêz xar hâur côngz xưv por vêv jôngr./.

(Vũ Lợi- Txâur Vax cxeik nhênhv)

Tas cik hnuz 26/8, UBND tỉnh Lai Châu tsưr tsix  cơưv ntâuk grê luôs hâux lưv uô lơưr Luật dân quan tự vệ shông 2009 thiêz kruôs têx tập thể, xiz nênhs uô tâu nuv jông hâur uô lơưr Luật dân quân tự vệ.

Nhiv no, tas nro tỉnh Lai Châu muôx 234 qơư dân quân tự vệ, đros thiêz 12 cxênhz ntâu lênhx nênhs. Ntơưv qơư tưz cxiv tsa lưv lươngv dân quân tự vệ trơưk tsưr ziv truôx vênhk, đêz đar. Luôs hâux lưv xeir tsov, xeir zuôr tsôngv box nhoz hâur lưv lươngv dân quân tự vệ tâu uô jông lơưr Đảng tsưr ziv zos: Tsôngv box pâuz, tsôngv box seiz lax, tsôngv box tsoz phưz.

Uô trơưk cui tinhv sik hux jos đros têx lưv lươngv pênhz phax, Công an, kôngz nuv thiêz huôv tsar tox siêz thiêz têx lưv lươngv txơưr đuô hâur thax tsav uô jông luôs hâux lưv qênhz yuôx, seiz jor, por hưv têx tsưr ziv, hâux lưv zov chênhr; tuôr truôx txiv ngaz chính trị, ngaz tuk xã hội, đros trâu zuôr xar 55 cxênhz hnuz côngz..../.

(Khắc Kiên-Lik nhênhv)

Li Đeix nta suôz Việt Nam tưz tso mông, hmo thiêz tas cik hnuz 26/8, đêx cuôr yôngz pov muôx yưv sâuv têx tul đêx ntưs đhâu thax tsav huyện Bát Xát, tỉnh Lào Cai uô ruôr hiêv txos lênhx nênhs thiêz chuôz zênhx chuôz tas. Lol nas lox thauv hmo ntux ntơưv têx thax tsav hâur huyện tưz uô muôx đêx cuôr yôngz. Ruôr hiêv chêx chôngk phênhv ntâu ntơưv têx xã Trịnh Tường, Nậm Chạc, A Mú Sung, A Lú, Ngải Thầu, Y TÝ, Dền Sáng thiêz Mường Hum. Lơưr pov cov muôx iz lênhx nênhs trâus plox mông thiêz muôx 19 ziv chuôz zis trâus zênhr shar, phênhv ntâu zos tiv đêx cuôr yôngz uô puôk tsuôx. Yênhx châuv luz guôx, pas zus njês thiêz 30 ntâu hecta blêx, jâuz tâuv cxuô zav trâus đêx ngaz thiêz cuôr yôngz./.

(An Kiên- Txâur Vax cxeik nhênhv)