Tỉnh Lào Cai zuôr uô luôs hâux lưv phênhz 19 taz viv zos 16 xã, 2 phường thiêz iz thị trấn. Hâur co, muôx 13 taz viv tâu phênhz, muôz lok uô cê chiê uô tâu trơưk tsưr ziv muôx txâuk ar liêx têz thiêz jênh sôr; 6 taz viv tsênhv yuôr mak uô trơưk tsưr ziv cxơưz cxiz.

Chor taz viv hành chính cấp xã hâur tỉnh Lào Cai đhâu thâuv phênhz tas zuôr muôx 154 taz viv, txo grêk 10 taz viv pir li thâuv ntêx. Iz chas ntơư, tsưr ziv cux tso tơưv têx hâux lưv zuôr trâus uô đros trâu têx li heik sâuv zos, muôz Đảng ủy têx qơư lok uô cê; hlôngr chi bộ; muôz têx cơ quan Hôiv đôngx pêx xênhv, Ủy ban pêx xênhv, Ủy ban Mặt trận Tổ quốc VN thiêz têx tsưr tsix đoanx thêv cấp xã lok uô cê.  Đhâu phênhz, chor canr bôv zuôr sênhv muôx 160 lênhx nênhs, Lào Cai cux tưz muôx tsưr ziv phênhz, zok nriêr qơư uô hâux lưv tsênhv tsênhz, taz por cui tinhv./.

                     (An Kiên-Riê Lâux cxeik, nhênhv)

Cux ntơưv Lào Cai, Sở Kôngz nuv thiêz Huôv tsar jêx jok tox siêz tỉnh no nhiv kruôr hêik têx cơ quan txơưx jênhv tỉnh, UBND têx huyện, thành phố sik côngv chox kriê, hêik kriê pêx xênhv muôz têx hâux lưv kriz uô thiêz por vêv tsiêx đêx zos yênhx têx chêi hâur jêx jok. No zos kror hâux lưv tsuv uô chiê por vêv chor tsiêx đêx, tuôr chiê, khưx phưx chor tsiêx đêx muôx tsiv gri, chor zav muôx tsiv gri kinh têr nhoz hâur têx đêx sâuv thax tsav tỉnh Lào Cai, paz muôx cêr uô nox truôx trâu pêx xênhv ntơưv tiv phaz uô nênhx nhoz jê têx ntus cưx đêx, cưx ha, pak đêx. Lào Cai muôx ntâu cưx đêx, cưx ha, pak tsês chiê đêx, tiv zix muôx đêx đuz thiêz đêx Chảy lok six zôngx ziv trâu têx zav tsiêx đêx huôv tsar./.

(VOV4-Lik Thox cxêik nhênhv)

Đhâu qênhz yuôx luôs hâux lưv yưv pênhr têx pênhr nhiêx trâu têz qơưk tsaz yênhx qơư tsov txos lok txo grêk cêr pluôs truôx thiêz cxiv tsa jêx jok yiêz ntơưv huyện Mường Tè, chor nênhs uô hâux lưv qênhz yuôx tỉnh Lai Châu tưz qênhz pov ntâu kror uô zuôv hâur hâux lưv seiz car dưv anr yưv pênhr cxiv tsa, đhâu ntơư, heik cov sâu tsês chor nhiêx, muôx 300 ntâu tsov đeiv. Iz chas co, hâux lưv qênhz shuôs têx luôs hâux lưv uô ntơưv iz cxiê dưv anr tsênhv uô tsi tâu tâu, uô trâu iz cxiê côngz trênhx hâur six hơưv cxiv tsa tsuv xưv lik iz cxiê hâux lưv, hlôngr uô đuô....., muôx kênh côngz trênhx uô tsar ndê têx nhiêx txiêx yưv uô./.

(KT-Riê Lâux cxeik, nhênhv)

Thâuv 2 six ntâu zar hnuz kêix 27/8, sâuv txos cêr lox 6, ntu đhâu xar Loóng Luông, huyện Vân Hồ, tỉnh Sơn La tưz muôx yưv iz txuz txiêz nanv zoz thôngz nhoz 2 luz yêz mêir thiêz iz luz yêz lox uô iz lênhx nênhs tuôs ciês ntơưv qơư.

Thâuv co, luz yêz lox muk lơưr saz Sơn La-Hà Nội, muk txos trâu kror qơư hêik co mak siz đrâu đros oz luz yêz mêir. Oz luz yêz mêir đhâu thâuv siz đrâu đros yêz lox tưz vâu ntos trâu sâuv ntus cêr, 3 lênhx nênhs chêix luz yêz mêir mak tsư chơưr chuôs tsi. Txuz txiêz nanv uô 3 lênhx nênhs trâus saz, iz lênhx nênhs chêix luz yêz mêir thâux 3 lênhx trâus tuôs ciês ntơưv qơư. Đhâu thâuv muôx yưv txuz txiêz nanv, chor lưx lươngv txơưx jênhv tưz tuôx qênhz yuôx nriêr pâuz qir tiv txuz txiêz nanv. Pox nhuôs sơưr đơưk tsuv uô jông muk lơưr chêi Zoz thôngz thâuv tsar yêz, muk huv zuk saz cêr, tsik muk chênhr, ntông câuk mov por vêv tâuz hâu, thiêz tưz hâuk chơưr, bia lơưv mak tsik tsar yêz chiê taz por ngaz tuk zoz thôngz./.

(Đắc Thanh-Lik Thox cxêik nhênhv)

  Zar hnuz kêix 27/8, hâur thax tsav tỉnh Điện Biên muôx iz jiês ntux kênhs 3,3 tưv rích te. No zos jiês ntux kênhs tiv 7 hâur thax tsav txix hâur shôngk shông txos nhiv no thiêz zos jiês ntux kênhs tiv 2 siz lơưr liês muôx hâur 3 hnuz đhâu. Qơư ntux kênhs tâu xav zos ntơưv thax tsav  jê đriv têz puôz Lol Tsuôk hâur huyện Mường Nhé, tỉnh Điện Biên. Thiêz thâuv kênhs, uô kênhs gơưk iz mê njik. Trơưk li qơư seiz njuôk shuôs ntux kênhs TP Điện Biên Phủ, đros thiêz kênhs li co, tsôngv box hâur thax tsav zuôr hnor kênhs txol lok six tsênhz. Taz sik, zuôr uô hiêv li chas lok têz qơưk thiêz tsôngv px têx côngz trênhx uz no./.

(Vũ Lợi-Riê Lâux cxeik, nhênhv)