Lưx lươngv Bộ đội pênhz phax tỉnh Điện Biên nhiv no tưz jênhv paz zuôr xar 100 lênhx mê nhuôs shux xênhz cxôngx lớp 1 thiêz lớp 12, muôx luz nênhx txov nhêv, chuôz zis tâu sơưv tsênhv chei thiêz shux xênhz pluôs zos nênhs mênhx cxưx tsơưs nênhs sâuv thax tsav ntus đriv lơưr têx tsaz yênhx “Paz mê nhuôs shux xênhz tâu muk cơưv ntơưr” thiêz “Mê nhuôs puôs Zênhx pênhz phax”. Đros têx hâux lưv uô tsênhv tsênhz cxôngx têx tsaz yênhx co, lưx lươngv bộ đội pênhz phax tỉnh Điện Biên tưz gôngr phênhv pheiz kênh, paz txưv, tôngv vênhx shux xênhz zos mê nhuôs têx mênhx cxưx muôx luz nênhx txov nhêv tâu muk cơưv ntơưr; gôngr phênhv chuôz cxaz siêz njênhs njôngr, chuôz tsar cêr sik côngv siêz hâur cán bộ, chiến sĩ Bộ đội pênhz phax thiêz tsôngv box thax tsav ntus đriv, por vêv truôx tul tsưr qênhx têz qơưk, txiv ngaz ntus đriv têz qơưk./.

(Vũ Lợi-Txâur Vax cxeik nhênhv)

Zar hnuz kêix 27/9, UBND tỉnh Sơn La tsưr tsix jiês cơưv ntâuk gri Đề án “Chuôz cxaz hêik pâuz cêr chêi têz qơưk trâu cán bộ, pêx xênhv thax tsav ntus đriv, poz hiêr, ntu 2017-2021”. Jiês cơưv tâu tsưr tsix cơưv txuôk đros 6 huyện nhoz ntus đriv hâur tỉnh, zos: Mai Sơn, Yên Châu, Mộc Châu, Vân Hồ, Sông Mã thiêz Sốp Cộp.

Hâur ntu kriz uô Đề án, cxuô taz viv, thax tsav qơư nhoz tỉnh Sơn La tưz cxêik iz cxiê tsênhv njiêz cêr chêi têz qơưk yênhx bê ntơưr thiêz luk hêik iz cxiê mênhx cxưx nhoz sâuv thax tsav chiê yax kriê hêik luk Thái, luk Hmôngz. Thôngx cxix muôx ntâu tsưr ziv uô jông, li: Tsưr tsix xênhz huôx “Hnuz cêr chêi têz qơưk” ntơưv têx zênhx Pênhz phax thiêz chor xar ntus đriv; “Lớp cơưv cxuôv đis muôs ntơưr” đros trâu yax kriê zoz zux lok cêr chêi têz qơưk zos lưx lươngv Bôv đôiv Pênhz phax kruôz kriê…. Đhâu co, pêx xênhv nhoz ntus đriv tưz uô trơưk têx chêi co jông đuô, têx kror uô cxâuv chêi têz qơưk, ngaz tuk xar hôiv tâu txo grêk tsơưs ntâu, qênhx shênhx ngaz tuk chinhr triv tâu tuôr truôx, tsưr qênhx thax tsav ntus đriv têz qơưk tâu tuôr truôx. Đại tá Cà Văn Lập, Chính ủy Bôv đôiv Pênhz phax tỉnh Sơn La puz pâuz: “Đros pưk txux co, Bôv đôiv Pênhz phax zuôr uô jông hâux lưv tsưr tsix chor lớp kruôz kriê trâu chor pov cov viên, yax kriê viên ntơưv thax tsav qơư chiê pâuz tâu têx cêr chêi, tsưr ziv yax kriê chiê yax kriê trâu pêx xênhv sơưr đơưk pâuz, cov pêx xênhv, sơưr đơưk pâuz tsênhz thiêz uô trơưk jông têx cêr chêi co; cxaz chuôz đros Bôv đôiv Pênhz phax thiêz cxiv luôs chinhr triv ntơưv thax tsav qơư por vêv truôx jông tsưr qênhx ngaz tuk ntus đriv têz qơưk”./.

(Trấn Long-Lik Thox cxêik nhênhv)

Hnuz 27/9, Sở zaoz zux tỉnh Yên Bái tưz krêz uô jiês thik xeir zuôr shux xênhz cơưv txơưx cxênhx 3 cấp tỉnh thiêz yênhx lix tuêv shux xênhz muk thik xeir shux xênhz cơưv txơưx cấp têz qơưk shông cơưv 2021-2022. Cxaz chuôz jiês thik no muôx 892 lênhx shux xênhz, hâur co muôx 194 lênhx dưv thik chiê yênhx lix tuêv shux xênhz muk dưv thik shux xênhz cơưv txơưx cấp têz qơưk tuôx cxôngx 27 tsêr cơưv cxênhx 3 thiêz THCS-THPT sâuv tas nro tỉnh. Têx shux xênhz dưv thik zuôr thik 10 môn zos: Toán, Vật Lý, Hóa học, Sinh học, Ngữ Văn, Lịch sử, Địa lý, Luk Anh, Luk Trung thiêz Tin học. Jiês thik xeir zuôr shux xênhz cơưv txơưx cxênhx 3 cấp tỉnh thiêz yênhx lix tuêv shux xênhz muk dưv thik shux xênhz cơưv txơưx cấp têz qơưk tâu yax six tsưr tsix chiê nganhx ntâus grê têx tsêr cơưv li côngz xưv pov thiêz kriê cxaz trâu shux xênhz cơưv txơưx, cux zos jiês chiê têx tuêv shux xênhz dưv thik cxaz chuôz têx jiês thik xeir shux xênhz cơưv txơưx cấp têz qơưk, sâuv ntiêx têz./.

(Báo YB-Txâur Vax cxeik nhênhv)

Txix shông 2016 txos nhiv no, huyện Sìn Hồ, tỉnh Lai Châu tưz tâu yưv pênhr muôx 176 tiv đêiv ntâu txix chor phênhv paz lơưr tsưr ziv têz qơưk hâur uô kôngz nuv, nhiêx txiêx têz qơưk tỉnh kriz uô têx tsênhv chêi paz trâu uô kôngz nuv, huôv tsar cêr, vax tsêr cxuô zav ntơưv têx qơư uô hax huv tsêx trung. Lơưr co, Sìn Hồ, li tsưr ziv uô xênhz yar kôngz nuv lơưr saz hax huv tưz paz uô hlôngr yiêz đuô kôngz nuv, jêx jok thiêz hlôngr yiêz đuô pêx xênhv, cxuô chuôz zis uô nox sâuv thax tsav chor xar luz nênhx. Chor chuôz zis pluôs tâu txo grêk tsơưs txix 47% ntâu shông 2016 txos yuôr 23% ntâu shông 2020; phênhv sâu xav luz đraz shông 2015 tâu 13 triệu đêiv ntâu iz lênhx nênhs iz shông txos shông 2020 tưz ndê muôx 31 triệu đêiv iz lênhx nênhs iz shông./.

(Baolaichau-Lik Thox cxêik nhênhv)