Tror uô hâux lưv trâu ntơưv tỉnh Điện Biên, têis cik hnuz 28/1, pos Tòng Thị Phóng, uỷ viên Bộ chính trị, phó chủ tịch Thường trực Quốc hội tưz đros đoanx côngz xưv Trung ương muk sêiz shuôk thiêz muôz 100 poz huv tsiêz puz trâu cxuô chuôz zis muôx côngz têz qơưs thiêz chor chuôz zis muôx lênhx nênhs trâus tsơưr tưx da cam, chor chuôz zis pluôs; xav grê nhiêx tas 110 triệu đêiv.

Đros ntơư, phó chủ tịch Thường trực Quốc Hội cux hêik, cxuô cơ quan Trung ương tsuv muôz nhiêx txiêx paz trâu têx huyện tox siêz li: Mường Chà, chiê cxiv uô vax tsêr đros trâu yax kriê tsôngv px huôv tsar cêr uô nox cov ziv hnuz px ziv muôx luz nênhs truôx tuk thiêz huv đros./.

                                                                   (Tsu cxêik nhênhv-KT)

Nhiv kruôr đhâu, đ/c Nguyễn Đắc Quỳnh, Phưv bí thư thường trực tỉnh ủy, Tsar đoanx teiv plor côx hôiv tỉnh Sơn la tưz mul seiz, phôngv tsiêz canr bôv, chiến sĩ Zênhx pênhz phax thiêz tsôngv box xã Chiềng On, Chiềng Tương huyện Yên Châu, tỉnh Sơn La. Seiz thiêz phôngv tsiêz xã Chiềng On thiêz Chiềng Tương, đồng chí Nguyễn Đắc Quỳnh thiêz Đoanx tưz mnôngs lênhs tov têx xã pov cov qênhx shênhx huôv tsar KTXH, côx phax, taz por txiv ngaz thiêz côngz xưv bax trâu tsôngv box tos tsiêz Đêr shông 2018. Đồng chí Nguyễn Đắc Quỳnh phôngv jông têx chêx cuk mak 2 xã tax tâu hâur shông đhâu. Thix ziv Đảng bộ, chinhr quyênx chêx chôngk lênhs tov, chox kriê hlôngr yiêz kinh têr huv đros tiv phaz li theox chênhv; sik côngv jông đros lưx lươngv pênhz phax hâur côngz xưv taz por txiv ngaz chinhr trị, taz por xã hội thax tsav ntus đriv; tsưr tsix têx huôx tôngv trâu tsôngv box tos tsiêz yiêz lov jêv, tsưr tsix seiz nus, khơưk muôz huv trâu têx chuôz zis sơưv cêr chei, nênhs muôx côngz đros cơưx mênhv thiêz têx ziv chuôz zis pluôs./.

(KT-Txâur Vax cxeik nhênhv)

Têis cik hnuz 28/1, ntơưv công ty tsiv uô trox ntông thiêz kror cxax An Phát, nhoz thax tsav công nghiệp faz Nam, Liên đoanx laox tôngv tỉnh Yên Bái tưz tsưr tsix tsiêz trâu cxuô lênhx hluôk, laox tôngv ndax trâu tsiêz 30 têz qơưs shông 2018. Ntơư zos shông tiv 3, Liên đoanx laox tôngv tỉnh tsưr tsix tsiêz trâu chor hluôk, laox tôngv.

Ndax trâu ntu no, quiv chơưv paz nhuôv zâu công đoanx VN tưz muôz 20 triệu paz trâu chor uô hâux lưv hâur công ty têx mê nhuôv; đros ntơư, liên đoanx laox tôngv cux tsênhv cxiv uô tâu 4 luz tsêr sor sor siêz trâu 4 lênhx công nhân muôx tsêr nhoz truôx. Đros ntơư, công ty tsiv uô trox ntông thiêz kror cxax An Phát cux muôz 300 poz huv tsiêz puz trâu  công nhân uô hâux lưv, xav grê nhiêx tas 130 triệu đêiv./.

                                                                 (Tsu cxêik nhênhv-KT)

Nhiv kruôr đhâu, Đoanx hluôk nênhs Bộ zaoz thôngz vênhv teiv đros Sở zaoz thôngz vênhv teiv tỉnh Lào Cai thiêz têx taz viv paz txưv tsưr tsix tsaz yênhx “ Pav sor cheix ntux no” ntơưv xã Thanh Phú ( huyện Sa Pa). Ntơưv tsaz yênhx, têx taz viv tưz khơưk muôz 80 phênhv huv, iz phênhv muôx 500 cxênhz thiêz pav sor. Đrâuv co, đoanx côngz xưv tsênhv khơưk muôz yênhx puôk chêr trik yo sor trâu shux xênhz tox siêz. Thanh Phú zos tsênhv qơư chor xã thax tsav kis huyện Sa Pa, hâur têx shôngk đhâu, txơưv jênhv tâu têz qơưk li ntâu tsov cưv đhâu têx tsaz yênhx, dự án huôv tsar kinh têr, taz sik tsôngv box li luz nênhx tsênhv yuôr ntâu phêv liv..../.

(KT- Txâur Vax cxeik nhênhv)