Txix hnuz 1 txos hnuz 3/11 huyện Yên Bình, tỉnh Yên Bái zuôr tsưr tsix ntênhk hôiv txir lưk jôngr Đại Minh thiêz sik tưr chêix fuôx sâuv pak đêx Thác Bà jiês tiv II shông 2019.

Ntênhk hôiv txir lưk jôngr Đại Minh thiêz chêix fuôx sik tưr sâuv pak đêx Thác Bà jiês tiv II zos chiê piêr pâuz lok têx kror jông jav, lênhx nênhs, tsôngv box cxuô mênhx cxưx sâuv thax tsav huyện Yên Bình li têx vênhx huôv jông. Tiv zix zos yax kriê, piêr pâuz đuôz shav, hax huv txir lưk jôngr Đại Minh thiêz iz cxiê hax huv chênhr nhoz Yên Bình txos trâu nênhs sir zôngv. Paz tsar tov chiê têx doanh nghiệp sik njiz, phêiz kênh chênhz zênhv lok uô xênhz yar, uô kôngz, jôngr nuv; kriz đar qơư muôs txir lưk jôngr Đại Minh, paz muôx nzir phênhv sâu trâu pêx xênhv. Pos Nguyễn Thanh Huyền, Chủ tịch UBND xar Đại Minh, huyện Yên Bình puz pâuz:

“Hâur têx shông zuôr txos pêz uô nzir chos chor txir lưk jôngr Đại Minh no thiêz uô tsưr ziv siz txuôk đros , sâu zuôr muôs hax huv. Muôz tsaz yênhx VietGap lok uô chiê gra siêz tsơưr lươngv txir lưk jôngr thiêz uô tsưr ziv têx qơư chos txir lưk jôngr jông. Yênhx shôngx kriz têx lớp choz zok khoa học kỹ thuật trâu pox nhuôs lok tsưr ziv chos thiêz tsoz phưz chiê gra siêz tsơưr lươngv txir lưk jôngr Đại Minh”./.

(Tuấn Xuân-Lik Thox cxêik nhênhv)

Nênhs Mảng hâur tas nro têz qơưk nhiv no tsuôk muôx nhos 5 cxênhz 700 lênhx; nhoz uô nênhx chêx chôngk hâur 2 huyện Nậm Nhùn thiêz Mường Tè, tỉnh Lai Châu. No zos mênhx cxưx txov nhêv tiv zix, đros chor ziv chuôz zis pluôs tsav 90% ntâu. Txơưv tưz tâu Đảng, têz qơưk tsov cưv jông cxôngx ntâu chính sách, tsaz yênhx, dự án, taz sik tiv phongz cxưx, cêr uô nênhx pôngz kaz, viv li tsôngv box luz nênhx tsênhv yuôr ntâu phêv liv.

Hâux lưv kriê cxaz hâux lưv uô, tuôr tsês hâux lưv uô chax chês trâu mênhx cxưx Mảng zos huôx tôngv muôx ziz njiêz, chiê yênhx trus hôx phưx, tuôr tsês, huôv tsar hâux lưv uô chax chês thiêz phuôx huiz tsôngv box mênhx cxưx Mảng li vênhx huôv jông. Đhâu co, tsưr tsix krêz uô đêz đar, paz têx nghệ nhân, têx lênhx txir ndâux txir lul thiêz học viên hâur côngv thôngx mênhx cxưx Mảng kriê hâux lưv uô chax chês trâu cxênhx hluôk nênhs sâuv thax tsav, muôz hâux lưv uô thiêz chuôz cxaz phênhv sâu trâu tsôngv box chiê muôz siêz tsơưr lươngv luz nênhx./.

(K.Kiên-Txâur Vax cxeik nhênhv)

Phongx phax tar zax zênhz thiêz nênhs phamv cxâuv, Bôv đôiv pênhz phax tỉnh Điện Biên nhiv kruôr sik côngv đros Đônx pênhz phax Pa Thơm cxov tâu iz lênhx nênhs nhiês zuôr muôs 2 đêiv zênhz đơưz txix Lào lok Việt Nam. Lênhx nênhs co zos Lò Văn Dẫn, zus shông 1982, nhoz ntơưv jok Pá Nậm, xar Chiềng Sơ, huyện Điện Biên Đông, tỉnh Điện Biên. Dẫn hêik pâuz tiêk kuôk no muôs iz hli tưz muk trâu tỉnh U Đôm Xay, Lào chiê uô jos thiêz pâuz iz lênhx pox niêv nhoz co thiêz sik thav tiêk tror lok Việt Nam zos xar zuôr muôs zax zênhz mak hu tênhv trâu nưk mav muôs trâu Dẫn. Chor zênhz đơưz co Dẫn zuôr txix lênhx pox niêv no ntơưv ntus đêx Nậm Núa nhoz jok Pa Thơm, Việt Nam thiêz jok Na Luông, Lào đros gri zos 130 triệu đêiv. Thâuv tsênhv thâux gra lok chêk trâus cxov. Nhiv no txuz hâux lưv no tsênhv tror tâu qênhz yuôx uô cov tsênhz mênhx./.

(Vũ Lợi-Lik Thox cxêik nhênhv)