Đhâu hâur oz luz hli uô trơưk Chính Phủ Nghị quyết 116 lok tsênhv chêi paz trâu chor nênhs laox tôngv thiêz lênhx nênhs sir zôngv laox tôngv trâus caz moz Covid-19 uô ruôr hiêv; txix quiv bảo hiểm pôngz hâux lưv uô, Bảo hiểm xã hội tỉnh Điện Biên tưz fuô uô ntâu faz tsưr ziv, chiê paz chor nênhs laox tôngv muk cov đhâu têx phiv liv cov muôx luz nênhx truôx tuk. Đhâu fuô Chính Phủ Nghị quyết 116, hnuz xiêz 1/10, Bảo hiểm xã hội tỉnh Điện Biên tưz qênhz yuôx 1.490 ntâu đơn vị, muôx 28.900 ntâu lênhx laox tôngv tsênhv taz tov zuôr Bảo hiểm pôngz hâux lưv uô hâur thax tsav tỉnh.  Xav txos trâu hnuz 22/11, Bảo hiểm xã hội tỉnh Điện Biên tưz muôz tas 23 tỷ đêiv trâu 9.200 lênhx laox tôngv tsênhv taz tov zuôr Bảo hiểm pôngz hâux lưv uô. Zơưv Nguyễn Xuân Thảnh, phưv giám đốc Bảo hiểm xã hội tỉnh Điện Biên hêik pâuz:

“Chiê đơưk cov tâu têx phiv liv hâur thax tsav tỉnh, Bảo hiểm xã hội tỉnh Điện Biên tưz tror đros cxuô sở ban ngênhx, hêik kriê cxuô lênhx laox tôngv, cơ quan sir zôngv laox tôngv  pâuz lok Chính phủ Nghị quyết 116 thiêz Thủ tướng Chính phủ quyết tênhv số 28”./.

                                                     Tsu cxêik nhênhv- Vũ Lợi

Tỉnh Yên Bái tsênhv krêz uô têx tsưr ziv thâuv pov muôx ntâu lênhx nênhs trâus moz Covid-19 hâur côngv thôngx. Lơưr Ban chox kriê phax tar moz Covid-19 tỉnh Yên Bái, hnuz 27/11 nhiv kruôr đhâu, đhâu njuôs siv têx lênhx nênhs muôx têx moz yưv li nôngk, cuz sor thâuv muk seiz njuôs moz ntơưv Tsênhv qơư y tế huyện Yên Bình pov 1 lênhx zos txir nênhx 20 shông nhoz thị trấn Yên Bình trâus caz moz SAR Cov 2. Ciês thâuv muôx xor mông sâuv, têx tuêv qênhz shuôk tỉnh Yên Bái tưz ciêr chênhr qênhz yuôx, njuôs siv têx lênhx nênhs njiz thiêz muôx lênhx coaz txos lênhx txir nênhx no.

Txos nhiv no, lưx lươngv muôx txơưx jênhv tưz pov muôx cxaz 14 lênhx nênhs trâus moz; hâur co 8 lênhx nhoz TP Yên Bái, 5 lênhx ntơưv huyện Trấn Yên, 1 lênhx nhoz huyện Yên Bình. Tas nro 15 lênhx puôr lênhx tâu cêv kuôk ntơưv tsêr kho moz kruô njưk thiêz moz njưk tỉnh Yên Bái. Txix qênhx shênhx moz huôv xênhz phêv liv, tỉnh Yên Bái tsênhv ciêr chênhr krêz uô têx tsưr ziv phax tar moz taz sik cux taz por trâu huôx tôngv tsiv uô kinh doanh./.

(Tuấn Xuân-Txâur Vax cxeik nhênhv)

Cà phê shông no muôs tâu grê siêz đuô cxiê shông. Lênhx nênhs chos cà phê nhoz Sơn La tưz shir phaz lul, muk đhâu têx phiv liv hâur jiês muôx caz moz Covid-19. Tỉnh Sơn La nhiv no muôx 18.000 ha ar têz chos ca phê; hâur ntơư muôx 15.000ha tưz tâu sâu đê, njuôk xav zuôr sâu tax tâu 180.cxênhz tấn txir cà phê nhôngk, ndar ndê 5% pir li têx shông uô ntêx. Pos Càm Thị Phong, Phưv Giám đốc sở kôngz nuv tỉnh Sơn La hêik pâuz:

“Txos trâu shông 2025, tỉnh cux zuôr yax kriê tsôngv px huôv tsar uô cov tâu truôx 17.000ha cà phê. Đros ntơư, cux yax kriê tsôngv px sđ huôv tsar chos cà phê cov tâu zos đrêiv tsưr ziv kriê thiêz cxuô doanh nghiệp tsuv zuôr cov tas tsôngv px têx txir cà phê”./.

                                              Tsu cxêik nhênhv-Trấn Long

Ntâu shông no lớp kriê ntơưr Hmôngz tsênhv tâu tuôr truôx thiêz krêz uô đêz đar txos tas nro têx tiv phaz hâur tỉnh Lào Cai, gôngr phênhv phuôx huiz tsiv grê vênhx huôv, tuôv zênhv zoz qơưx huôv tsar KTXH nhoz tiv phaz tox siêz ntus đriv no. Hâur lớp cơưv luk Hmôngz nhoz tsênhv qơư zaoz zux hâux lưv uô thiêz zaoz zux yax six TP Lào Cai, thâuv tưs cux muôx kriê cxaz luk Anh, luk Trung Quốc thiêz. 30 lênhx học viên nhoz cxuô hov hnuz nhôngs, iz lênhx nhiês uô nhies iz côngz xưv txơưr, tuôx txix têx tiv phaz txơưr, taz sik lênhx tưs cux pov cơưv luk Hmôngz muôx ntâu liv zix trâu zuk. Lơưr cưk kriê Zax A Pao, kriê luk Hmôngz ntơưv tsênhv qơư puz pâuz, ntơưr Hmôngz muôx ntâu kror jông, thâuv cơưv têx njiêz luv cơưv phênhv ntâu heik txos tsôngv box Hmôngz li vênhx huôv, luz nênhx niêx hnuz, zôngx ziv cơưv thiêz ndo tâu:

“Chiê học viên txơưx heik luk Hmôngz, pêz chuôz tsar sik thav đros học viên, đhâu co shâuv sâu ntơưr, li ntơưv thâuv suôv câuv khóa cơưv mak lênhx tưs cux taz por pâuz ntơưr Hmôngz”./.

(An Kiên-Txâur Vax cxeik nhênhv)