Zar hnuz keix hnuz 28/12, ntơưv TP Sơn La, Ủy viên Bộ chính trị, Phưv chủ tịch Thường trực Côx hôiv Tòng Thị Phóng đros teiv plor côx hôiv têx khóa, lênhs tov tỉnh Sơn La cxaz chuôz jiês njiz njêx muôk Chiv nhênhv 75 shông hnuz Bo xeir teiv plor côx hôiv jiês xuz thơưx (xiêz 6/1/1946-6/1/2020). Đhâu 75 shông cxiv tsa thiêz huôv tsar, Đoanx teiv plor côx hôiv tỉnh Sơn La tưz muôx 60 lênhx teiv plor uô tâu truôx cxuô luôs hâux lưv jông, phênhv ntâu zos teiv plor nênhs mênhx cxưx tsơưs nênhs, uô ntâu hâu nov txơưr cxôngx Trung ương txos tiv phaz. Iz teiv plor zos iz đeiv iêr chi cax luk sik côngv côx hôiv đros cử tri, muôx ntâu gôngr côngv trâu côx hôiv heik cxuô thiêz tỉnh Sơn La heik taz sâuv txox cêr huôv tsar sei thiêz truôx vênhs. Phuôx plov ntơưv phêv ziv, Phưv chủ tịch thường trực Côx hôiv Tòng Thị Phóng sâu jênhv Đoanx teiv plor côx hôiv tỉnh Sơn La li têx gôngr côngv lox đhâu têx six cxiv côx hôiv heik cxuô thiêz tỉnh Sơn La heik taz:

“Cur thix ziv pêz sđ tsuv ndar txos Đại hội đros chinhz yênhx, txơưx jênhv siêz tiv zix chiê por vêv yênhx côngz Đại hội thiêz tsưr tsix Đại hội yênhx côngz; tas nro têx teiv plor côx hôiv tsuv uô jông zuk li jênhv vưv, tsưr tsix bo Trung ương khóa yiêz muôx txâuk pênhr xưv, txux chi chiê lênhs tov têz qơưk hâur ntu sik côngv thiêz huôv tsar./.

(Trấn Long-Txâur Vax cxeik nhênhv)

Hnuz 28/12, Phưv Chủ tịch Côx hôiv Phùng Quốc Hiển thiêz đoanx côngz xưv Côx hôiv tưz muk sêiz nus, khơưk muôz huv trâu Zênhx Pênhz phax; cấp ủy, chính quyền; chor tsêr cơưv ntơưr thiêz chor chuôz zis tâu sơưv tsênhv chêi, chuôz zis pluôs muôx luz nênhx txov nhêv sâuv thax tsav xar Thu Lũm, huyện Mường Tè, tỉnh Lai Châu. Ndaz ndơưv jiês no, Phưv Chủ tịch Côx hôiv Phùng Quốc Hiển tưz khơưk muôz huv trâu cấp ủy, chính quyền xar Thu Lũm; Zênhx Pênhz phax Thu Lũm, Trạm qênhz yuôx moz Covid-19 Zênhx Pênhz phax Thu Lũm; khơưk muôz puz trâu Tsêr cơưv Phôv thôngz mênhx cxưx niêv txir zus mor cxênhx oz Thu Lũm qar cơưv tin học đros 10 bôv mêir vi tính thiêz khơưk muôz huv trâu 10 ziv chuôz zis tâu sơưv cêr chêi, chuôz zis pluôs muôx luz nênhx txov nhêv tiv zix.

Thu Lũm zos xar tox siêz, ntus đriv đêz đrôngs thiêz txov nhêv tiv zix tỉnh Lai Châu, muôx cêr ntus đriv ntêr 36 cêik cêr ntâu buôs ti huyện Lục Xuân (tỉnh Vân Nam, Trung Quốc). Tas nro xar muôx 9 jêx jok, nhoz trơưk ntus đriv Việt-Trung đros muôx 500 ntâu ziv chuôz zis, 2.500 ntâu lênhx nênhs, 3 mênhx cxưx đros uô nênhx nhoz zos Hà Nhì, La Hủ, Cho, hâur co mênhx cxưx Hà Nhì tsav muôx 81% ntâu./.

(Khắc Kiên-Lik Thox cxêik nhênhv)

Ban thường vụ tỉnh ủy Yên Bái nhiv kruôr tso tơưv Chỉ thị số 04 lok iz cxiê jênhv vưv uô ntêx, hâur thiêz đhâu thâuv nox tsiêz 2021 tas, hâur co chox kriê iz cxiê Sở, ban, nganhx pov cov qênhx shênhx bax tsiêz trâu tsôngv box. Chỉ thị heik têx cấp ủy, tsưr tsix Đảng, chính quyênx, Mặt trận tổ quốc thiêz têx đoanx thêv, têx ban, sở, nganhx cấp tỉnh, chêx chôngk lênhs tov, chox kriê thiêz krêz uô jông têx cui tênhv lok phax tar moz Covid-19. Tsov cưv uô jông chính sách nox nhoz xã hội, cxơưx trâu tsôngv box nox tsiêz taz por shir phaz, lov jêv, tiv zix zos têx chuôz zis tâu sơưv cêr chei, lênhx nênhs txov nhêv, tsôngv box mênhx cxưx nhoz tox siêz; chuôz zis pluôs, công nhân, nênhs lox tôngv uô hâux lưv ntơưv têx qơư công nghiệp sâuv thax tsav tỉnh..../.

(Đinh Tuấn- Txâur Vax cxeik nhênhv)

Vũ Lợi, nênhs sâu xor xưv Đaix TNVN thax tsav faz Bắc xa mông: Công an huyện Điện Biên, tỉnh Điện Biên nhiv kruôr cxov tâu iz lênhx pox niêv, sâu tâu 1 đêiv zênhz đơưz, 1.400 luz yuôx shơư zax zênhz. Lênhx nênhs trâus cxov zos Lù Thị Thinh (zus shông 1975), nhoz ntơưv jok Bản Pó, xar Thanh Hưng, huyện Điện Biên. Đhâu nus, Lù Thị Thinh hêik tiêk tưz zuôr chor zax zênhz co ntơưv thax tsav ntus đriv chox lok muôs sâuv thax tsav. Nhiv no Công an huyện Điện Biên tsênhv sir jos nriêr pâuz uô tsênhz mênhx txuz zuôr muôs zax zênhz no./.

(Vũ Lợi-Lik Thox cxêik nhênhv)