Muôz siêz jênhv pâuz cux xưk li siêz xar uô jông cêr chei pháp luật trâu hội viên, Hội nôngx mênhx tỉnh Lai Châu tưz cxiv tsa trâur nuv Câu lạc bộ “ Nôngx mênhx đros pháp luật” ntơưv xã Phúc Khoa ( huyện Tân Uyên, tỉnh Lai Châu). Đhâu 2 shông huôx tôngv, CLB tưz tâu hội viên, cấp ủy, chinhr quyênx sâu jênhv chêx cuk, tuôv zênhv zoz qơưx tso tơưv. Tix lâuk Vàng Văn Phúc- Chủ nhiệm CLB, chủ tịch Hội nôngx mênhx xã Phúc Khoa puz pâuz: “ Nhiv no, CLB xênhz huôx 1 luz hlik iz jiês. Cxôngx thâuv CLB tâu yênhx lix, cán bộ, hội viên, nôngx mênhx hâur xã li jênhv pâuz uô jông pháp luật tâu muôz siêz, txu grês qênhx shênhx hội viên nôngx mênhx uô cxâuv cêr chei, khov co hâux lưv krêz uô huôx tôngv côngz xưv Hội thiêz têx phongz yaox nôngx mênhx ntơưv xã tax chêx cuk tsênhv tsênhz, gôngr phênhv tuôr truôx txiv ngaz chinhr trị- taz por xã hội nhoz tiv phaz./.

(KT- Txâur Vax cxeik nhênhv)

Ntơưv xã Hua La, thành phố Sơn La, tỉnh Sơn La, Hôiv paz txưv nênhs trâus sêv khiz luz chêr thiêz nhuôs njuôs tỉnh sik côngv đros Cuiv nhuôs zâu trâus sêv khiz luz chêr Việt Nam thiêz Ủy ban mặt trận têz qơưk Việt Nam nhiv kruôr tsưr tsix ntênhk khơưk muôz yêz tuôv trâu shux xênhz pluôs trâus sêv khiz luz chêr nhoz tỉnh Sơn La txix “Cuiv viv nhuôs zâu trâus sêv khiz luz chêr Việt Nam” thiêz UB MTTQ Việt Nam paz.

Hôiv tưz khơưk muôz 20 luz yêz tuôv tsiv gri 1,5 triệu đêiv iz luz trâu 20 lênhx shux xênhz trâus sêv khiz luz chêr pluôs tsênhv cơưv ntơưr ntơưv chor tsêr cơưv cxênhx iz thiêz cxênhx oz chor tsêr cơưv ntơưr nhoz chor phường: Quyết Thắng, Quyết Tâm, Chiềng Sinh, Hua La, thành phố Sơn La. No zos têx huv muôx tsiv gri chiê paz trâu chor shux xênhz sir jos khưx phưx đuô têx phiv liv, chiê tax tâu têx chêx cur siêz hâur cơưv ntơưr./.

(KT-Lik Thox cxêik nhênhv)

Cxôngx tas cik hnuz 27/5, tsêr kho moz đa khoa huyện Bắc Hà, tỉnh Lào Cai tos jênhv zuôr xar 40 lênhx nênhs pov têx moz yưv li cuz sor, điês tâuz hâu, xar ntuôr, moz plaz...Têx lênhx nênhs no zos công nhân nhoz tsêr meir đêx tênhv Pa Ke, xã Sán Chải, huyện Si Ma Cai, tỉnh Lào Cai. Uô ntêx co, hnuz 25/5, thâuv nox mor nhoz công ty tas, iz cxiê lênhx nênhs pov xar ntuôr, moz plaz tơưv trôngx. Tas cik hnuz tov kaz, têx lênhx nênhs no chiv chir zuôr yuôx lol hâuk taz sik tsi jông. Txos tas cik hnuz 27/5 têx công nhân no tâu chox mul seiz njuôs thiêz kho moz ntơưv tsêr kho moz đa khoa huyện Bắc Hà. Chi cục vêv xênhz taz por zav nox tỉnh Lào Cai tưz yênhx lix đoanx côngz xưv mul seiz njuôs qir tiv thiêz xav tênhv têx lênhx công nhân no trâus trâus moz tiv nox tsuv zav nox tsi huv vêv xênhz. Đhâu six hơưv kho moz, nhiv no têx công nhân no li moz tưz jông jux jus./.

( KT- Txâur Vax cxeik nhênhv)

Ntơưv txox cêr zâu muk trâu ntus đriv nhoz đội 1, xã Hua Thanh, huyện Điện Biên, tỉnh Điện Biên, phongx phax tar zax zênhz thiêz nênhs phamv cxâuv, Bôv đội pênhz phax tỉnh Điện Biên sik côngv đros Đôiv 1, Đoanx đặc nhiệm faz Bắc (Cục phax tar zax zênhz thiêz nênhs phamv cxâuv, Bôv tư lệnh Bôv đội pênhz phax) thiêz đônx pênhz phax Mường Pồn, huyện Điện Biên nhiv kruôr cxov tâu 2 lênhx nênhs Lào tsênhv muôl muôs tsik zos chêi tsơưr zax zênhz.

Ntơưv cơ quan qênhz yuôx, 2 lênhx nênhs co zos: Po Lia zus shông 1993 thiêz Sa Tư, zus shông 1995, puôr lênhx nhoz ntơưv jok Kha Chí, thax tsav jok Phôn Say, huyện Mường Mày, tỉnh Phong Sa Ly, têz qơưk Lào. Têx zav sâu tâu zos 5 têik nhựa đơưz, hâur chor têik muôx têx tsơưr zax zênhz đuz. Hnhar muôx 3 cir, 1 luz điện thoại di động thiêz têx zav cik txos txơưr đuô.

Nhiv no, txuz hâux lưv no tsênhv tror tâu kriz đar qênhz yuôx, uô cov tiêr ntâuz ntơưr chiê khởi tố 2 lênhx nênhs co lơưr cêr chêi têz qơưk li cuiz tênhv./.

(Vũ Lợi-Lik Thox cxêik nhênhv)