Zar hnuz kêix 28/9, ntơưv tỉnh ủy Yên Bái, Ban tsưr tsix Trung ương tưz hêik pâuz Bôv Chính trị li Cuêz tênhv lok côngz xưv cán bộ. Ntơưv jiês cơưv, hlôngr njêx muôs Bôv Chính trị, Trưởng Ban tsưr tsix Trung ương Phạm Minh Chính tưz hêik pâuz Bôv Chính trị li cuêz tênhv chiê pos Phạm Thị Thanh Trà, Ủy viên Trung ương Đảng, Bí thư tỉnh Ủy Yên Bái khóa 18 (six cxiv 2015-2020), uô Thứ trưởng Bôv Nội vụ, uô Phưv Trưởng ban tsưr tsix Trung ương thiêz cxaz chuôz Ban cán sự Đảng Bôv Nội vụ. Uô ntêx co, uô hâux lưv đros Ban Thường vụ Tỉnh ủy Yên Bái, Trưởng ban tsưr tsix Trung ương Phạm Minh Chính vav tiêk hâur ntu zuôr txos tỉnh tsuv tror uô jông côngz xưv cxiv tsa Đảng, moz siêz txos côngz xưv cán bộ, tiv zix zos cán bôv mênhx cxưx tsơưs nênhs. Đros co zos sir jos sik côngv siêz, thôngx ziv chiê uô cov tiêr têx tsưr ziv Đại hôiv Đảng bôv tỉnh tưz tso tơưv./.

(Tuấn Xuân-Lik Thox cxêik nhênhv)

800 ntâu lênhx shux xênhz tsôngv box mênhx cxưx Mảng, Hà Nhì, Hmôngz nhoz xã txov nhêv tiv zix Nậm Ban, huyện Nậm Nhùn, tỉnh Lai châu jiês xuz thơưx tâu tos tsiêz trung thu muôx cxix cxuô thax nduôr, tênhz uô si, txir ntông....No zos têx zav nox tâu têx lênhx nênhs siêz jông cxôngx Hà Nội khơưk muôz trâu têx mê nhuôs thôngz đhâu Chiz coaz Đeix nta suôz Việt Nam nhoz thax tsav Tây Bắc sik côngv uô. Hmo tsiêz trung thu nhoz Nậm Ban zos Cuiv nhà văn Tô Hoài sơưr tsưr tsix, đros Tsêr cơưv cxênhx 1 Thành Công B, Hội chữ thập đỏ Quận Hoàn Kiếm cux xưk li ntâu tsưr tsix, lênhx nênhs siêz jông txơưr cxôngx Hà Nội paz txưv. No zos huôx tôngv hâur niêx shông uô lơưr kuz nhà văn Tô Hoài li siêz xar njôngr tsês trâu mê nhuôs pluôs thôngz têz qơưk, tiv zix zos mê nhuôs nhoz têx thax tsav mak zơưv muôx jiês tâu tuôx txos. Shux xênhz Thào Thị Sanh, mênhx cxưx Hmôngz, cơưv lớp 9A, tsêr cơưv phổ thôngz mênhx cxưx niêv txir zus hmor THCS Nậm Ban heik:

“Cur lok six shir phaz thâuv têx hloz, têx txir zơưv, têx fâux tuôx tsưr tsix hmo tsiêz trung thu trâu pêz sđ. Cur zuôr sir jos cơưv ntơưr chiê tsiv nhos đros têx hloz, têx txir zơưv, têx fâux li siêz jông tsês trâu pêz”./.

(K.Kiên-Txâur Vax cxeik nhênhv)

Xưk li VOV tưz xa mông, đrâuv xar muôx 60 đêiv ntơưr sir zôngv ar uô tsik zos tâu xav jênhv txix shông 2014, cik txos yênhx châuv lênhx cán bộ nhoz huyện Bảo Yên, tỉnh Lào Cai li txơưx jênhv nhiv no cux tsênhv yuôr ntâu đêiv ntơưr jông li co.

Txix têx muôx yưv tsik jông co, kror trâus cxơưx hâur uô ntâuz ntơưr sir zôngv ar ntơưv huyện Bảo Yên mak lok six phiv liv. Đhâu nriêr pâuz tsênhv tsênhz, chor ntâuz ntơưr sir zôngv ar li co muôx yưv nhoz ntơưv ntâu  qơư, txix tsênhv qơư txos thị trấn, chor xã nhoz ntơưv tiv phaz no, uô muôx yưv ntâu kror phiv liv thiêz cxơưx. Phiv liv đuô zos chor chuôz zis tsik muôx qênhx sir zôngv ciês sâuv zuk chor ar, txos nhiv no cux tsik pâuz uô li chak hlo. Tưz txos thâuv têx cơ quan txơưx jênhv Lào Cai piz qênhz yuôx, nriêr pâuz, zos lênhx hâu nov tưs uô tsik zos, tsuv tik cêr cxâuv cov zos đrêiv chêi têz qơưs tso tơưv./.

(An Kiên-Lik Thox cxêik nhênhv)

Đhâu 10 hnuz trâus plox mông tiv nhiês cêr muk đros iz paz fôngx zưs sưv đhâu mạng xã hội uô si, hmo 17/9 tul mê nhuôs Nguyễn Thị Như.Q, xênhz shông 2007 nhoz jos Tân Lập, xã Chiềng Khương, huyện Sông Mã (Sơn La) tưz zok nriêr pov ntơưv huyện Sóc Sơn, TP Hà Nội. Nguyễn Thị Như.Q tâu nriêr pov cxôngx iz lênhx tsôngv box khênhr seiz kênh xa đruôz VOVTV, Đeix nta suôz VN. Uô ntêx co, thâuv kênh xa đuôz VOVTV tso mông lok hâux lưv lênhx nhuôv nxeik no trâus plox mông thâuv muk uô si đros chor fôngx zưs sưv đhâu mạng xã hội, iz lênhx tsôngv box nhoz huyện Sóc Sơn, Hà Nội tưz pâuz tâu xor mông, viv li thâuv pov Nguyễn Thị Như.Q ntơưv iz qơư uô si điện tử nhoz jos Thụy Hương, xã Phú Cường, huyện Sóc Sơn đros iz lênhx txir nênhx, lênhx tsôngv box no tưz hêik ciês trâu chiz coaz muôx txơưx jênhv./.

(TTTB-Txâur Vax cxeik nhênhv)