UBND tỉnh Lào Cai nhiv kruôr tso tơưv văn bản sêi đrơưv, hêik nganhx muôx vax huôv ntơưv thax tsav qơư sêiz car, njuôk shuôk nyar tas nro nro chor nênhs muk lol trâu têx tỉnh, thành phố muôx caz moz li Hải Dương, Quảng Ninh lok trâu hâur thax tsav tỉnh. Văn bản cux hêik chor nganhx muôx vax huôv, cxuô thax tsav qơư hâur tỉnh tsuv yax kriê hêik pêx xênhv tsik mul lol trâu têx qơư muôx caz moz; tsuv chox ntâuz bos kror ndâux ntơưv têx qơư muôx chôngz nênhs; thôngx cxix sir jos qênhz yuôx chor nênhs muk lok đhâu ntus đriv trâu hâur thax tsav, xưv lik truôx chor nênhs uô cxâuv./.

(An Kiên-Lik Thox cxêik nhênhv)

Txix moz Covid-19 têx huôv xênhz txơưr txar phiv liv, thiêz muôx 2 lênhx tâu nhoz jê, buôk ti đros lênhx nênhs moz tiv 1553, tỉnh Sơn La tưz chox kriê cxuô cơ quan muôx vax huôv fuô uô têx faz tsưr ziv zênhx max lok phax tar moz Covid-19 hâur thax tsav; sei uô luôs hâux lưv yơưz phơưz, zok nriêr têx lênhx tâu nhoz jê, buôk ti đros lênhx nênhs moz, muôx tsưr ziv qênhz njuôk shuôs moz, kuôk cêv tso lơưr nhoz lơưr iz kro zênhx max. Iz chas ntơư, tax nduô tsês ntâu hâux lưv uô zuôr muôx chôngz nênhs uô cê chiê phax tar moz.

Zơưv Nguyễn Hữu Hùng, Phưv Giám đốc Sở Y tế tỉnh Sơn La heik pâuz: Txos 4 six 30 phênhz zar zuôr tsâuk ntux hnuz 28/1, tỉnh muôx 2 lênhx  tâu nhoz jê, buôk ti đros lênhx nênhs moz, 36 lênhx tâu nhoz jê thiêz buôk ti đros 2 lênhx heik sâuv puôr lênhx tâu kuôk cêv, tso lơưr nhoz lơưr iz kro ntơưv Trung đoanx 754, Bộ Chỉ huy quân sự tỉnh Sơn La. Đhâu seiz njuôk shuôs moz jiês iz, 25 lênhx nênhs zos têx lênhx tâu nhoz jê, buôk ti đros lênhx nênhs moz thiêz nhoz jê đros 2 lênhx nênhs sâuv ntơưv Sơn La puôr lênhx tsi pov muôx moz li chas./.

(Trấn Long-Riê Lâux cxeik, nhênhv)

Đros “phax tar caz moz li phax tar tros châuz”, Ban chox kriê phax, tar caz moz Covid-19 tỉnh Lai Châu hêik têx sở, ban, nganhx, đoanx thêv tỉnh; têx huyện, thành phố thiêz chính quyền chor xar, phường, thị trấn tror kriz uô jông tas nro têx tsưr ziv phax tar caz moz. Tror kriz uô tas nro têx qơư sêiz jor phax, tar caz moz sâuv cxuô txox cêr thiêz qênhz yuôx, hêik pâuz y têr đros chor nênhs muk lok trâu hâur thax tsav. Tsik khênhr tas nro têx jiês yêz muk lok txis tỉnh Quảng Ninh, Hải Dương lol hâur thax tsav tỉnh. Thôngx cxix sik côngv đros chor lưx lươngv yax kriê, hêik cov uô jông chos đêiv bos kror ndâux, tsik nhoz uô cê chôngz nênhs thiêz xưv lik truôx chor nênhs tsik uô trơưk têx chêi txưr, cêv kuôk, hêik pâuz y têr co./.

(Khắc Kiên-Lik Thox cxêik nhênhv)

Tas cik hnuz 28/1, Ủy ban ngaz tuk zoz thôngz têz qơưk đoanx côngz xưv zos đôngx chir Khuất Việt Hùng, Phưv Chủ tịch, uô tsar đoanx tưz uô hâux lưv, qênhz yuôx luôs hâux lưv taz por truôx tuk zoz thôngz six hơưv tsiêz têz qơưk ntơưv tỉnh Sơn La.

Txos nhiv no, tỉnh Sơn La tưz fuô uô tâu jông têx tsưr ziv taz por truôx tuk zoz thôngz thiêz tsưr ziv phưx vưv hâur six hơưv tsiêz, lar heik zos moz siêz uô jông têx tsưr ziv, hâux lưv lok phax tar moz Covid-19. Sir jos qênhz yuôx, qênhz shuôs, ciês hâur hli 1, lưv lươngv cảnh sát zoz thôngz tưz qênhz yuôx, xưv bluô 1.548 lênhx nênhs uô cxâuv chei cheix yêz muk lol tâus cêr, bluô nhiêx tâu 2,3 tyv đeiv. Heik ntơưv jiês uô hâux lưv đros tỉnh Sơn La, đôngx chí Khuất Việt Hùng heik: “Heik tỉnh chuôz tsar tiês yax kriê, vênhv tôngv tsôngv px uô jông lơưr têx cui tinhv lok uô lax luôv, zuôr muôs xiv huv hâur six hơưv tsiêz, uô trơưk chei têz qơưk cui tinhv lok taz por truôx tuk zoz thôngz. Cxuô lênhx px thâuv cheix yêz muk lol tâus cêr tsuv uô lơưr jông chei têz qơưk lol truôx tuk zoz thôngz, taz sik cux tsuv uô trơưk cui tinhv lok phax tar moz. Tiv 2 zos sir jos tso lênhx nênhs muk qênhz shuôs, xưv bluô chor nênhs uô cxâuv chei têz qơưk”./.

(VOVTB-Riê Lâux cxeik, nhênhv)