Đhâu 3 hnuz tu trôngx plâuz, ntơưv Toax anr tỉnh Sơn La, tas cik hnuz 28/11, Toax anr thênhv siêz ntơưv Hà Nội tưz tik cêr cxâuv trâu 9 lênhx nênhs trâul cxâuv hâur uô tuôr xuôv têz qơưk têx nhiêx txiêx pâux nzir zuôr qơư uô tsêr meir tênhv tênhz Sơn La. No zos têx lênhx nênhs tror muôx lul heik tsi jông siêz trâu têx trâus tik cêr cxâuv đhâu thâuv Toax anr tu lok hli 7 nhiv kruôr đhâu. Trơưk li têx suô luk qênhz yuôx, lênhx nênhs trâul tik cêr cxâuv thiêz têx mông uz no ntơưv Toax anr, Hội đồng xơưz xưv tưz tik cêr cxâuv: Trương Tuấn Dũng, Phan Tiến Diện thiêz Phan Đức Chính nhoz 6 shông 6 luz hlik tux; Phan Văn Khoa 5 shông 6 luz hlik tux; Tòng Văn Thành 5 shông tux; Trần Mạnh Trì 4 shông 6 luz hlik tux; Ngô Xuân Vân 3 shông 6 luz hlik tux; Đèo Văn Ban 4 shông tux. Hok zơưv Đỗ Tiến Đồng mak uô cxâuv lok sâuv “Tsi tiz jông seiz shuôs, uô tuôr xuôv tas ntâu têz qơưk chuôz zênhx, nhiêx txiêx”, trâus nhoz 3 shôngx tux, taz sik tso nhoz hâur tsêr. Lok sâuv txơưx jênhv, zuôv zơưv Đèo Văn Ban tsuv thêv trâu têz qơưk zuôr xar iz tỷ 180 tsov đeiv nhiêx thiêz tror muôz trâu têz qơưk têx nhiêx xar muôx 65 tsov đeiv./.

                             (TTTB-Riê Lâux cxeik, nhênhv)

  “Mo Khoăn khoai”- zos nênhs Lự nhoz Lai Châu li ntênhs txi nhux tưv khênhr tâu tsưr tsix thâuv suôv câuv chiv cheix, chiê txi nhux tưv tưz paz tsôngv box nôngx mênhx uô liêx uô têz chiê muôx tâu chiv cheix jông. Ntênhs “mo khoăn khoai” khênhr tâu tsưr tsix ntơưv iz qơư tiêx đar nhoz jê jêx jos, muôx tas nro tsôngv box hâur jêx jos sik đros cxaz chuôz. Tas cik sơưr nzor hnuz tsưr tsix ntênhs, iz chuôz zis zuôr chaz iz tul tưv lox jông gâux muôx jos tiv zix tuôx dưv ntênhs. Chiê uô ntênhs, tsôngv box Lữ hu 5 lênhx txir nênhz ( 1lênhx huv tsênhv, 4 lênhx paz max). Têx txir nênhz tâu xeir zos têx lênhx txir ndâux txir lul hâur côngv thôngx, chuôz zis muôx luz nênhx shir phaz, tsâu sor. Têx chuôz zênhx bax chiê txi côngv zos têx mak tsôngv box chiv chir uô tâu. Tas cik sơưr nzor hnuz tsưr tsix ntênhs, txir nênhz hu têx lênhx nênhs paz hâux lưv thiêz têx chuôzz is tu zus nhux tưv tuôx cxix cxuô ntơưv qơư tsưr tsix ntênhs. Thâuv khi nhux trâu hâur guôx, têx tsưr nhux qir đros txir nênhz uô têx luôk hâux lưv txi côngv. Ntênhs txi nhux tưv khênhr truz ntêr hâur iz tas cik, chiê thor trâu paz nhux muôx jông đas jos tror paz tsôngv box uô liêx uô têz hâur chiv cheix tov kaz./.

(Khắc Kiên- Txâur Vax cxeik nhênhv)

Mông txix Tsênhv qơư njuôk ntux yar ntux nas têz qơưk heik pâuz, iz nthưr chuô txiêk tưz qir uô hiêv txos iz cxiê thax tsav qơư hâur faz Đông Bắc Bộ thiêz thax tsav tox siêz ntus đriv faz Bắc, uô ntux lok nas trâu iz cxiê suôv qơư thiêz qir no njiv. Njuôk xav txix hmo 28/11, chuô txiêk tror lok trâu faz Bắc thiêz têx tỉnh Trung Bộ. Tiv têx chuô txiêk uô hiêv txos, Lào Cai ntux lok nas trâu iz cxiê suôv qơư, thax tsav tox siêz mak lol nas trâu cxuô qơư. Ntux qir no, thax tsav tox siêz muôx têx qơư no njiv. Têx thax tsav qơư kis lok six no njiv, lar heik zos ntơưv Sa Pa mak no njiv đuô hur si./.

(KT-Riê Lâux cxeik, nhênhv)

Thâuv 7 six 20 phênhz tas cik hnuz 28/11, ntơưv niêv cêr 70, ntu nhoz jos Khuân La, xã Tân Hương, huyện Yên Bình, tỉnh Yên Bái muôx yưv txuz txiêz nanv zaoz thôngz uô 1 lênhx nênhs tuôs thiêz iz lênhx trâus saz. Thâuv co, yêz thâux bê tông gra biển số 21C-050.54 tsênhv lêv yêz tar cêr chiê mul hâur công trường. Ciês thâuv co, luz yêz teiv gra biển số 21C-065.16 tsênhv mul cxôngx huyện Lục Yên mul TP Yên Bái tưz đrâu ciês 2 lênhx nênhs tsênhv mul yêz meir thiêz tror đrâuv trâu luz yêz thâux bê tông. Txuz txiêz nanv uô 1 lênhx nênhs cheix yêz meir tuôs ciês ntơưv qơư, iz lênhx trâus saz hnhar, đeis sâuv 2 luz yêz ô tô, nhiv no tsênhv tâu chơưv kho ntơưv tsêr kho moz. Txuz txiêz nanv no tsênhv tror tâu têx lưx lươngv muôx txơưx jênhv qênhz yuôx uô tsênhz mênhx./.

(TTTB-Txâur Vax cxeik nhênhv)