Tas cik hnuz 28/8, Đoanx đại biểu Côx hôiv tỉnh Điện Biên tsưr tsix cơưv ntâuk grê 5 shông uô lơưr Nghị quyết Liên tịch số 525 lok Đại biểu Côx hôiv luôs hâux lưv chuôs njiz cử tri hâur thax tsav. Iz chas ntơư, heik txos iz cxiê hâux lưv uô tsi tâu tsi tiêr hâur chuôs njiz cử tri nhiv no thâuv uô lơưr Nghị quyết no ntơưv qơư. Đhâu ntâuk grê, hâux lưv chuôs njiz đros thiêz ntâu cử tri nhiêk txơưr nhiêk, sâu tâu ntâu ziv chênhv, thix ziv cik txos ntâu hâux lưv tưz pâuz tâu ntâu lênhx chôngz tuk tsôngv box li tsưr ziv, siêz xar, zênhx max têz thiêz phênhz tsênhz mênhx cử tri têx ziv chênhv, luk heik, tiv iz zos têx ziv chênhv, thix ziv zos hâu nov ntơưv qơư li vax huôv đơưk tu./.

(Vũ Lợi-Riê Lâux cxeik, nhênhv)

Công ty Điện lực Sơn La thiêz điện lực Mường La tưz tsưr tsix tso tênhv ntơưv oz trạm biến áp, tror cungz tênhv trâu zuôr xar 600 ziv chuôz zis nhoz huyện Mường La, tỉnh Sơn La thiêz xã nhoz buôs ti Chế Tạo, huyện Mù Cang Chải, tỉnh Yên Bái. Nhiv no Công ty tsênhv chox kriê chor taz viv uô tror zôngv têx mêir móc, lênhx nênhs sêi đrơưv khưx phưx đuô 17 trạm biến áp chiê cungz tênhv trâu nênhs sir zôngv. Zơưv Đặng Quốc Toản, giám đốc Điện lực Mường La puz pâuz:

“Nhiv no pêz yuôr muôx 2.000 ntâu ziv chuôz zis nhoz xã Nặm Păm, Ngọc Chiến thiêz xã Chiềng Công. Pêz tsênhv sir jos sik côngv đros chor nênhs uô chiê txos 30/8 no zuôr tror tso tênhv trâu oz xã Nặm Păm thiêz Ngọc Chiến”./.

(Hồng Việt-Lik Thox cxêik nhênhv)

UBND tỉnh Lào Cai nhiv kruôr muôx côngz tênhv zênhx max chox kriê cxuô ngênhx, ntơưv qơư sei đrơưv bax cxuô faz tsưr ziv phax tir thêir coz nas chuô số 7, trơưk li njuôk xav, coz nas co zuôr buôk ti uô ruôr hiêv txos têx thax tsav hâur tỉnh.

UBND tỉnh chox kriê cxuô ngênhx, ntơưv qơư yax fuô kriê đêz đar txos trâu hur tiz si tsôngv box sơưr đơưk lok coz nas chuô heik sâuv têx uô hiêv chiê bax tsưr ziv phax tir thêir; phênhz lênhx nênhs nhoz trơưr thơưv hnuz thơưv hmo hâur lês car, fuô kriê uô têx hâux lưv phax tar nas chuô; zênhx max cxok têx fiêx heik pâuz lok sâuv têx qơư riêz nênhs; tsưr tsix yeik txar têx chuôz zis tsôngv nhoz têx suôv qơư riêz nênhs muk nhoz qơư taz por... Zơưv Nguyễn Xuân Nhẫn, Phưv giám đốc Sở kôngz nuv thiêz huôv tsar tox siêz tỉnh Lào Cai heik pâuz:

"Đros thiêz hâux lưv zos tỉnh Cơ quan Thường trực Ban seiz car phax tar ntux uô ruôr hiêv thiêz zok nriêr chơưv paz lênhx nênhs, pêz tưz chox kriê, heik cxuô thax tsav qơư, taz viv uô jông luôs hâux lưv seiz shuôs, qênhz yuôx hâur six hơưv muôx ntux nas lox; uô jông têx nuv chơưv paz lênhx tiz nênhs, thôngz sâu têx trâus uô ruôr hiêv chiê zênhx max muôx tsưr ziv paz tsôngv box khưx phưx  luz nênhx, uô nox uô hâuk đhâu ntux nas chuô uô hiêv"./.

(An Kiên-Riê Lâux cxeik, nhênhv)

Hnuz 27/8, Đội sêiz car ciêz đrôngs số 1 thị xã Nghĩa Lộ, tỉnh Yên Bái tưz sik côngv đros Phòng cảnh sát zoz thôngz công an tỉnh Yên Bái hlơưr por tsês 150 cir plaz hnhur tsiêx cxu tưz tsư lưx. Chor plaz hnhur no zos zơưv Trần Văn tâm, zus shông 1973, nhoz ntơưv xã Bình Nguyên, huyện Kiến Xương, tỉnh Thái Bình zos nênhs tsar yêz cux zos tsưr chor hax huv sâu zuôr txix Lào Cai lok Yên Bái đros gri zos 60 cxênhz đêiv iz cir tas nro tsiv gri 9 triệu đêiv.

Đhâu qênhz yuôx, Đội sêiz car ciêz đrôngs số 1 thị xã Nghĩa Lộ xav jênhv, chor plaz hnhur co tâu sâu zuôr txix pêx xênhv nhoz ntus đriv Lào Cai zuôr txix sz Trung Quốc lok Việt Nam tưz tsư lưx tas. Khov lơưr cêr chêi, zơưv Trần Văn Tâm tưz cxâuv zuôr muôs hax huv tsik zos chêi. Đội tưz xưv bluô nhiêx txiêx 2 triệu đêiv thiêz hlơưr por tsês tas nro chor huv tsik taz por ngaz tuk co./.

(KT-Lik Thox cxêik nhênhv)