Hâur oz hnuz đhâu, ủy ban huyện Mai Sơn tưz đros công ty zuôr muôs hax huv vina-VN tsưr tsix zuôr 20 tấn txir lưv tsiz ntơưv xã Chiềng Mung huyện Mai Sơn, chiê muôs trâu têz qơưs Mỹ. Ntơư zos chor txir lưv tsiz siêr lis, muôx 70 ha, chos trơưk Viêt Gap; grê muôs ntơưv qơư zos 13 cxênhz iz cir thiêz tâu đê ntiv hâur hnaz zos đrêiv tsưr ziv kriê./.

(Tsu cxêik nhênhv-KT)

Hnuz 28/8, ntơưv xã Châu Quế Hạ, huyện Văn Yên, tỉnh Yên Bái, Ủy ban huyện Văn Yên tsưr tsix krêz côngz cxiv uô txox cêr Đông An-Châu Quế Thượng. No zos côngz trênhx muôx liv tsênhv tsênhz hơưv tok chiv nhênhv 60 shông hnuz Lâuk Hôx tuôx seiz shuôs Yên Bái (25/9/1958-25/9/2018). Txox cêr no tâu sđ tâus mul lok thâuv nzor, phênhv ntâu zos cêr luôv poz jêz, ntâu ntu tưz trâus puôk tsuôx tsi jông tas, uô phiv liv txos tsôngv box luz nênhx thiêz xênhz huôx nox nhoz mul lok, tsi so mul lok tsi tâu đhâu thâuv txos cheix ntux nas thiêz uô tuôr thênhv txos tsôngv box têx xã hâur thax tsav li hâux lưv huôv tsar uô nox uô hnar. Txox cêr Đông An-Châu Quế Thượng đhâu thâuv uô tiêr zuôr muôz jông six hơưv chiê trâu sđ zôngx ziv mul lok đhâu, zuôr muôs têx xiv huv nhoz huyện Văn Yên trâu huyện Văn Bàn, tỉnh Lào Cai. Lar heik, paz jông trâu huôv tsar ju lix tưz tâu 3 tỉnh Yên Bái, Lào Cai thiêz Phú Thọ siz chos cir ntơưr thôngx ziv sik hux jos./.

(Thừa Xuân-Riê Lâux cxeik, nhênhv)

Tỉnh lai Châu sêiz car cxuô sở, ngênhx, Liên Minh hợp tác xã tỉnh, ủy ban cxuô huyện tưz uô jông luôs hâux lưv yax kriê hlôngr yiêz huôv tsar uô hâur hợp tác xã, gra siêz tsưr ziv uô hâur cxuô hợp tác xã tsêz chos kôngz lôngk.

Chênhr zos li hêik ntơư, luôs hâux lưv huôv tsar hợp tác xã sâuv thax tsav tỉnh tưz uô tâu truôx zos đrêiv tsưr ziv xar. Xav txos hli 6/2018, hur si tỉnh tưz muôx 72 hợp tác xã huôv tsar tsêz chos kôngz lôngk; hâur ntơư muôx 9 hợp tác xã nhiv kruôr cxiv tsa tâu 6 luz hli hâur shông shông 2018./.

(Tsu cxêik nhênhv-VOV4)

Ntux nas lox trâu cxiê qơư hâur hnuz 28/8 ntơưv tỉnh Điện Biên uô đêx nas cuôr yôngz, tox xưz poz, uô ruôr hiêv hnhar trâu iz cxiê thax tsav qơư nhoz têx huyện: Tuần Giáo, Tủa Chùa, Mường Chà, Nậm Pồ, tỉnh Điện Biên. Têx trâus uô ruôr hiêv xuz thơưx tas xar muôx 5 tỷ đeiv.

Trơưk li Ban seiz car phax tar uô ruôr hiêv thiêz zok nriêr chơưv paz lênhx nênhs tỉnh Điện Biên heik pâuz, txos zar tsâuk ntux hnuz 28/8, ntux nas lox tưz uô 69 luz tsêr ntơưv têx thax tsav: Tuần Giáo, Mường Chà, Nậm Pồ trâus puôk tsuôx, xưz poz, đêx nas ngaz, hâur co muôx 2 luz tsêr trâus đêx nas cuôr yôngz tas hur si; 2 luz tsêr tsuv yêik txar zênhx max.

Hâu nov chox kriê cxuô ban ngênhx đoanx thêv muk đros yêik txar, paz tsôngv box khưx phưx têx trâus uô ruôr hiêv thiêz truôx tuk luz nênhx trâu tsôngv box./.

(Vũ Lợi-Riê Lâux cxeik, nhênhv)