Nhiv kruôr đhâu, tỉnh Sơn La đros Tập đoanx tênhv tênhz VN tsưr tsix uô tiêr tsêr cơưv cxênhx nhuôs zâu, cxênhx iz, cxênhx 2 xã Nặm Păm, huyện Mường La, tỉnh Sơn La, tập đoanx tênhv tênhz VN zos taz viv chơưv paz. Tập đoanx tênhv tênhz VN gôngr paz 29 tỷ đeiv hâur hur si têx pênhr yưv uô tas muôx 39 tỷ đeiv chiê cxiv uô yiêz qơư cơưv ntơưr no. Hâur hli 8/2017, huyện Mường La, tỉnh Sơn La trâus đêx nas lox uô ruôr hiêv, puôk tsuôx hnhar, hâur co tas nro tsêr cơưv cxênhx iz Nặm Păm têx côngz trênhx, chuôz zênhx uz no trâus puôk tsuôx tsi jông tas hur si. Công trênhx paz gôngr phênhv taz por truôx tuk trâu têx cưk kriê ntơưr thiêz shux xênhz nhoz no hâux lưv kriê thiêz cơưv ntơưr./.

                            (KT báo Sơn La-Riê Lâux cxeik, nhênhv)

Uô lơưr Ủy ban Ban ngaz tuk zoz thôngz têz qơưk li tsưr ziv lok Tsaz yênhx khơưk muôz câuk mov por vêv tâuz hâu trâu nhuôs zâu shông 2019, Ban ngaz tuk zoz thôngz tỉnh Sơn La tưz bax jông trâu tsaz yênhx khơưk muôz câuk mov por vêv tâuz hâu trâu 100% chos shux xênhz muk cơưv lớp 1 hâur hnuz kriz cơưv shông cơưv yiêz 2019-2020.

Lơưr co, 100% shux xênhz lớp 1 sâuv thax tsav tas nro tỉnh Sơn La zuôr tâu khơưk muôz câuk mov por vêv tâuz hâu ciês hâur hnuz kriz cơưv shông cơưv yiêz 5/9/2019, đros xar muôx 31 cxênhz lênhx shux xênhz. Chor câuk mov no tâu Công ty Honda Việt Nam muôz paz./.

(Tuyến Lan-Lik Thox cxêik nhênhv)

Nhiv kruôr đhâu, Công an TP Lào Cai nhiv kruôr tso tơưv quyết tinhv ntêk cxov Hoàng Tòn Nhỉ (xênhz zus shông 2000, heir nênhs Cho) nhoz ntơưv jok nậm Cần, xã Dần Thàng, huyện Văn Bàn, tỉnh Lào Cai chiê qênhz yuôx lok sâuv zuôr têx nhuôv nxeik tsi tâu muôx 16 shông uô đaz uô tuôs. Uô ntêx ntơư, txix nênhs hâur tsêr mông heik pâuz lok sâuv lênhx nhuôv nxeik L.T.M.L (xênhz zus shông 2007, nhoz phường Bắc Cường, TP Lào Cai) trâus Hoàng Tòn Nhỉ zuôv uô đaz uô tuôs, cơ quan công an TP tưz tso tơưv quyết tinhv ntêk cxov Hoàng Tòn Nhỉ chiê xav jênhv, qênhz yuôx nuk lol têx li heik sâuv. Xuz thơưx, Nhỉ krêz lênhk tiêk, tưz xar tâu têx tsưr ziv tsi jông li heik sâuv thiêz tâu zuôv lênhx nhuôv nxeik co uô đaz uô tuôs, taz sik tâu trơưk li tsưr ziv, siêz xar viv trâus lênhx nhuôv nxeik co pos qênhz pov. Nhiv no cơ quan muôx vax huôv tsênhv tror qênhz yuôx chiê uô tsênhz mênhx./.

(KT báo Lào Cai-Riê Lâux cxeik, nhênhv)

Ntơưv xar Bạch Hà, huyện Yên Bình, tỉnh Yên Bái nhiv kruôr muôx iz lênhx nênhs tuôs, tâu xav tiêk trâus nênhs nhiês đêr tuô tuôs.

Nênhs tuôs zos Hữu Văn Ba, zus shông 1996, nhoz jok Hàm Rồng, xar Bạch Hà, huyện Yên Bình. Pov oz lênhx nênhs xav li zos nênhs nhiês đêr viv li tix lâus tưz châuv oz lênhx nênhs co, tâu xav tiêk trâus lênhx nênhs nhiês đêr tuô tuôs. Jênhv tâu xor mông, lưx lươngv công an tưz muôx njêx muôs chiê qênhz yuôx txuz hâux lưv no. Lơưr chêx cur njuôk shuôk, ntơưv Hữu Văn Ba hâur siêz saz lâux muôx oz kror qơư trâus gâus to ti gâuk hâur plơưr. Xav jênhv xuz thơưx, chuôz zênhx uô Hữu Văn Ba tuôs ciês ntơưv qơư zos tiv iz zav muôx oz kror hmur njê, jông li fov tuô tênhv zôngv chiê cxov đêr. Nhiv no cơ quan txơưx jênhv tsênhv qênhz yuôx uô tsênhz mênhx txuz hâux lưv no./.

(Đinh Tuấn-Lik Thox cxêik nhênhv)